日本旅遊攻略
2017.09.17
人人想去冰島旅行，你估人人都去到冰島旅行咩？當大家都以為 1. 去冰島要使好多錢，2. 去冰島自由行一定要自駕，3. 冇番兩星期假期都唔使旨意玩得晒；但做人嘅嘢，都係但求在限制內盡力而為嘅啫，錢少少、假期少少，其實都冇話唔可以暢快遊冰島。記者慳家報告繼續睇：
【機票：歐遊 side trip 飛冰島最理想】
普羅上班族一次過放年假頂盡兩個禮拜，其實去開歐洲 side trip 玩埋冰島亦很理想。眾所周知香港飛歐洲時有劈價優惠，例如新加坡航空 9 月做緊年度大減，歐洲多個航點（哥本哈根、斯德哥爾摩等）連稅只須港元四千頭（限時至 9 月 24 日），卡塔爾航空轉飛歐洲多國，連稅亦做到四千中。
另一邊廂，冰島航空 Icelandair 亦常有平價機票來回歐美各地，以機程約 3 小時的哥本哈根為例，11 月初可低至 1,530 港元（連 1 件 23 公斤行李）、倫敦 2,200 港元；冰島廉航 WOW Air 由巴黎來回雷克雅未克，11 月初亦只需 1,880 港元（來回連 1 件 20kg 寄艙行李）。
【玩樂：嚴選好玩 Day Tour】
自駕遊冰島當然看得最多，但一般遊客平均最少 8、9 天才完成環島，仲要係走馬看花、深入玩不能。對於無車牌人士，更加唔使諗，夏季時分還可購買 Sterna 巴士公司的 bus pass，不過每年 9 月起冰島進入冬季時令，日照漸短、路況難料，每日點對點的巴士班次大減，一日內想走幾個城鎮 / 景點，基本上不可能！最方便又省時的玩法，還是參加當地旅行團，加上很多 day tour 都包埋點對點交通接送，咁又煩少樣。
【住宿：慳得就慳！愈人 share 愈划算】
近年冰島的住宿漲價得愈來愈快，想窮遊亦唔係咁易，尤其是首都以外的小城鎮，難以搵到極平旅館，而且旺季更供不應求。從最低成本方法入手，聞說冰島的沙發客 network 高度成熟，住宿要慳，大膽旅人先試 couchsurfing.org，不過當地的主人都話 request 太多，我們的免費住宿希望落空。退而求其次上 Airbnb 搵民宿，找到 Rolf 與女友位於市中心的 apartment 行落大教堂 3 分鐘、市中心大街 5 分鐘，一房一廳面積近千呎，四人夠住有餘。友善的 Rolf 趁當日有空，仲駕車到旅館幫我們取行李，我們終於第一身見證到冰島人的好客之道！
【飲食：1,000 港紙夠頂 5 日？】
喜愛青年旅舍 / 民宿的旅行友，可能都是最 buy 有「自煮空間」，如攝影師與我二人，一日三餐有兩餐靠超市買餸自己搞掂，500 港元左右，已經夠買二人共 5 日基本食材；非常頂唔順或「重要時刻」（趕完稿當日）才出外尋食，以 150 港元一餐為限，只點 main course，每人就此以 1,000 港元成功存活 5 日！
Bonus 超市
地址：Kjörgarður, Laugavegur 59, 101 Reykjavík
電話： +354 562 8236
網址：www.bonus.is
【冬天遊冰島，唔自駕，點 Plan 好？】
- 記者建議先選定想參加的一日 / 多日旅行團，那你會得出大約消費預算（最貴的使費應該是 day tour 了），繼而決定逗留幾多日。如以一個城市為基地，大部分遊客應該會揀雷克雅未克，留意雖然是首都，但其實市區不大，兩三日應該乜都行完。
- 時間 / 銀根充足的話，大可坐埋內陸機轉飛第二大城市、北部的阿完克雷里 Akureyri。
- 如想挑戰搭巴士環島 / 半環島自由行，留意番部分路段於冬季不開放（如西部地區），由雷克往西南走，亦要注意不少巴士綫每日只得三數班，玩完一個景點想返轉頭，必定要早出晚歸，而且務必要留意班次時間，滯留荒野真的可能有生命危險。
UTravel熱門旅遊話題
【出POST即賺💰】立即加入「社群創作有價企劃」↓
↓立即登記參加！賺取無上限現金賞💰↓
↓立即登記參加！賺取無上限現金賞💰↓
【立即睇👀】最新演唱會時間表🎤搶飛情報🎫！↓
附搶飛連結🔗不再錯過演出消息‼️
附搶飛連結🔗不再錯過演出消息‼️
