日本旅遊攻略
2017.04.20
農曆 7 月 外遊禁忌要注意！
農曆 7 月 14 日，係中國人嘅盂蘭節（又稱鬼節），正所謂寧可信其有...一真以來坊間流傳好多鬼節時要注意的禁忌，畀大家喺呢個節日遵守的，今次我哋就抽出 3 項外遊時有機會犯到的，嗱，坦白講真定假都好，睇一睇起碼可防止無意中得罪「人」都唔知。
# 唔著黑、白、紅
據聞呢 3 種顏色都係「朋友」最鍾意同最易注意到的顏色，所以唔想引起佢哋注意的話，呢段時間盡量少著為妙。另外，髮型則最好見額頭、盡量唔好披頭散髮咁，唔係的話佢哋又會以為係自己同類。
# 熬夜易出事
去旅行唔多唔少都要玩返 3、2 晚通頂又點對得住自己？但大家都知班「朋友」通常都係夜晚出動，而夜晚亦係人類身體最虛弱嘅時間，愈夜身體就愈虛，所以真係想玩的話，最好都係早玩早散啦。
# 唔好掛鈴鐺
嗱，好多人都會掛啲吊飾喺自己個袋度，而有啲更會發出叮叮噹噹嘅聲音，係就係好得意，但呢段非常時期就最好將呢種飾物拆走，因為呢啲聲音其實係會吸引佢哋，你都唔想無啦啦有「人」跟你返去掛。
圖：網上圖片
UTravel熱門旅遊話題
【精華重溫🌟】社群年度熱搜帖文榜單出爐！🏆↓
↓主題追蹤人次突破二百萬!! 即刻重溫精彩時刻 ↓
↓主題追蹤人次突破二百萬!! 即刻重溫精彩時刻 ↓
【立即睇👀】最新演唱會時間表🎤搶飛情報🎫！↓
附搶飛連結🔗不再錯過演出消息‼️
附搶飛連結🔗不再錯過演出消息‼️
