日本旅遊攻略
- 福岡燒肉選擇多，涵蓋高CP值和老字號。
- 推薦燒肉店有牛舌專門店，還有黑毛和牛。
- 部分店家曾獲獎，亦有米芝蓮推薦。
【福岡美食地圖】去九州福岡旅遊，除了必吃的博多拉麵和明太子，怎能錯過極致的日式燒肉體驗？U Travel旅遊編輯為你嚴選多間日本權威美食網站 Tabelog 高評分燒肉餐廳！清單涵蓋高 CP 值平價和牛、歷史悠久的福岡老字號，以及炭燒厚切牛舌專門店。無論你是窮遊黨還是老饕，這份福岡燒肉攻略都能滿足你的味蕾。準備出發的朋友，立即收藏這篇必吃名店清單。
Table of Contents
福岡燒肉推薦｜1. 焼肉すどう 春吉
「焼肉すどう春吉」是一間多年榮獲「百名店」獎項的高質燒肉店，精選厚切上等貨牛，以精湛烹飪技術烹制而成，咀嚼之下肉質鮮嫩多汁，是福岡燒肉店中的佼佼者。而且，店鋪裝潢採用簡約時尚的裝潢設計，營造出溫馨舒適的用餐氛圍～
地址：福岡県福岡市中央区春吉3-11-19 1F
營業時間：17:00 - 00:00
福岡燒肉推薦｜2. 薬院焼肉NIKUICHI
「薬院焼肉NIKUICHI」是福岡超人氣的燒肉店之一，若沒有訂位，晚上9點來也要排半小時！這間燒肉店以超高CP值見稱，部位選擇多樣，必點「特選7種和牛盛合」，入口就能嚐到牛舌的甘甜和油香。另外，不少網民都推薦牛油大蒜牛肉饭，配著燒肉吃超滿足，讓人吃上癮。
地址：福岡縣福岡市中央區藥院3-16-34 Yamato 大樓1F樓
營業時間：16:00-00:00
福岡燒肉推薦｜3. たんか 清川本店
牛舌迷必到！たんか 清川本店提供不同種類的牛舌選擇，除了烤牛舌，還有牛舌生魚片和牛舌涮涮鍋等等，並有牛腩和牛尾等多個部位可供燒烤，肉質鮮嫩多汁，風味十足。
地址：福岡県福岡市中央区清川2-19-28 １階
營業時間：星期一、三、四、日 18:00-00:00；星期五、六 18:00-01:00（星期二休息）
福岡燒肉推薦｜4. タンテール富士
「タンテール富士」又是一間牛舌愛好者不能錯過的美食店！餐廳嚴選九州黑毛和牛，牛舌外香內嫩，超高水準，被不少網民大讚是「吃過最嫩的牛舌」。除了烤牛舌外，鹽燒牛尾亦是食客必點的料理。同時，「タンテール富士」提供超過250種來自日本各地的酒品，不論是宮崎、鹿兒島的燒酒，還是「肉類限定黑葡萄酒」都很受歡迎。
地址：福岡縣福岡市中央區赤坂3-13-33
營業時間：17:00-22:30
福岡燒肉推薦｜5. 焼肉仙匠
「焼肉 仙匠」以精緻燒肉聞名，由店主精心挑選黑毛和牛和佐賀牛，牛肉油花分布均勻，油香飽滿，不管用來烤還是製作正宗壽喜燒，都能嚐到它的好滋味。餐廳裝潢簡約而優雅，座位設計隱私度高，還設包間，非常適合情侶或家庭聚會。
地址：福岡市中央区白金1-4-1
營業時間：17:00-23:00
福岡燒肉推薦｜6. 力飯店
「力飯店」創立於1962年，是福岡的老字號之一，精選來自日本各地的牛肉赤身，肉品新鮮，能讓食客感受到肉本身的鮮美。餐廳的裝潢走復古風，佈置了各式懷舊擺設，讓大家能在昭和氛圍的環境下用餐，為你帶來獨特的燒肉體驗～
地址：福岡縣福岡市中央区西中洲12ｰ21 1樓
營業時間：17:00-00:00（星期一休息）
福岡燒肉推薦｜7. 燒肉之Mr.青木
「燒肉之Mr.青木」曾獲米芝蓮推介，並同時入選Tabelog燒肉百名店，品質備受肯定。餐廳的品項性價比高，黑毛和牛午市套餐也只需3,000日圓 (折算HK$150)，牛味非常濃郁，值得一試！這裡也提供不同稀有部位的內臟，完全沒有腥味，內臟愛好者必衝。不過，「燒肉之Mr.青木」的位置比較偏遠，從福岡市開車要差不多一小時才到，可能對乘公共交通的朋友們來說沒那麼方便。
地址：福岡県飯塚市鶴三緒一本木1117-1
營業時間：星期一、星期三至星期五 12:00-15:00／17:00-22:00
星期六日及假期 17:00-22:00
*以上資料僅供參考，一切依官方為準。
延伸閱讀：
-
福岡攻略
誤入藥院燒肉 NIKUICHI 隱藏姊妹店
誤入藥院燒肉 NIKUICHI 隱藏姊妹店，人均 $275 食 A5 和牛 + 驚喜冷麵 去福岡旅行，相信大家個 List 都有「藥院燒肉NIKUICHI」，但呢間名店預約難度係 5 粒星。今次我睇完 大濠公園日本庭園 Sora 展 後，誤打誤撞喺警固區搵到佢間姊妹店 「燒肉 Benjamin」 ( 焼肉ベンジャミン )。 📍 住宅區內的「最後一搏」 當晚 20:50 行完展覽，大濠公園周邊入夜後極安靜，行咗半個鐘都無嘢食。我不甘心第一日旅行就要頹食 Mos Burger 結束，於是憑直覺向天神方向行，腳軟之際見到呢間外表極之「四正」嘅建築。 入店後，店員貼心地帶我哋睇位揀房：一邊係要脫鞋跪坐嘅傳統榻榻米，一邊係唔使脫鞋嘅西式卡位。行咗咁耐嘅我哋，二話不說揀咗卡位！一坐低，枱面已經準備好燒肉汁同鮮檸檬角。一開平板點餐，螢幕竟然閃過 「藥院燒肉 NIKUICHI」 個 Logo！我當時第一反應係極之懷疑：「點解呢間名店咁易入？完全唔使排隊？」 後來先知原來佢同藥院燒肉係同門，共用同一個肉商採購系統。 💡 科普小知識：點解唔叫「博多和牛」？ 其實福岡市區無農場，所謂名店肉源，通常係由肉商直接由九州各地（如佐賀、鹿兒島及宮崎）搜羅。雖然平板只寫「上級」，但以肉質同油花推斷，絕對已經係 A4 甚至 A5 等級！ 🍜 第一輪：點解咁快叫「盛岡冷麵」？ 因為太肚餓，我哋嘅戰略係：先燒一件頂級和牛，隨即品嚐驚喜冷麵墊底！ * 和牛上級沙朗 (¥1,480)：厚切上桌，油脂分佈極靚，係全晚最高級嘅肉質享受。 * 牛上級五花肉 (醬汁) (¥780)：性價比之王，肉質軟嫩，醬汁非常惹味。不過入面總有兩塊係特別肥，燒多幾片就會開始覺得膩，所以呢個時候絕對需要以下兩樣「神隊友」——盛岡冷麵同生搾檸檬梳打嚟救場！ * 特製盛岡冷麵 (¥780)：全晚最大驚喜。同傳統韓式黑色、咬唔斷嘅蕎麥冷麵唔同，佢係用馬鈴薯澱粉混入小麥粉製成，半透明琥珀色麵條極之 Q 彈。建議先唔好加泡菜，試下嗰啖清到見底但牛肉味極濃嘅清湯，層次感極強。 * 生搾檸檬梳打 (約 ¥600)：杯底厚厚新鮮肉，少少糖底中和咗酸味，平時怕酸嘅人都會覺得好清爽，係和牛油脂嘅最強天敵。 * 金星佐賀豚肩 (¥780)：選用佐賀名產「金星豚」，雖然切成薄片，但落地燒熟後肉汁鎖死，食落口完全無草羶味，精緻度直逼高級西餐廳嘅嫩煎豬扒！ * 🥒 驚喜配菜：西葫蘆 (¥280)：喺平板見到「西葫蘆」，本來預期係街市普通翠玉瓜，點知上枱係外皮鮮綠色嘅高級意大利青瓜！ 烤完多汁到爆，帶有一種酒店高級感。 🥩 第二輪：油脂盛宴與戰術失誤 * 5toro 油脂豐富五花肉 (¥1,480)：油脂感直迫黑鮪魚大腹，係極致嘅爆油體驗。 * 特選芥末蔥鹽牛 (約 ¥1,500)：全晚真愛！平板無中文名但睇圖認價錢就得。肉味濃郁，配現磨山葵引發出油脂甜味。 * 牛腹脊肉 (醬汁) (¥1,080)：稀有部位，肉質纖維感較強，油脂飽滿得嚟有嚼勁。 * 牛肋條五花肉 (鹽味) (¥880)：選用鹽味可以重新感受和牛原味，平衡返之前嘅醬汁口味。 * ⚠️ 戰術失誤：Dragon 沙朗 (¥980)：視覺效果 100 分，但我哋喺第二輪先叫佢真係「太遲喇」。太大塊且油脂極重，喺飽咗一半嘅情況下食真係好膩。如果第一輪先叫佢，其實 CP 值好高，絕對可以幫你省下唔少錢。 🛠️ 換網攻略：兩難抉擇 呢度換網係要喺平板操作，主要分兩種： 1. ¥0 錫紙網：免費、乾淨。 2. ¥100 不鏽鋼網：導熱佳，燒出嚟更焦香。如果第一輪後仲想戰鬥，建議俾多一百円換呢款網。我當日太遲發現，接近食完先換，算係小遺憾。 💰 埋單幾錢？ 兩個人食到飽一飽，含稅總數 ¥10,802，除返開人均大約HK$275。離開餐廳嗰陣我真係覺得好膩（主要係個 Dragon 沙朗叫得太遲），建議大家枱面上雖然有牛脂，但如果點 A5 和牛，根本唔需要再用牛脂塗網，否則只會油上加熱量。 和牛福岡燒肉 燒肉 Benjamin (焼肉ベンジャミン) 日文地址：〒810-0023 福岡県福岡市中央区警固2丁目13-7 英文地址：2-13-7 Kego, Chuo-ku, Fukuoka, 810-0023, Japan 交通資訊： 從 地鐵機場線「赤坂站」 步行約 8-10 分鐘。 從 地鐵七隈線「藥院大通站」 步行約 10 分鐘。 就在著名的「警固四角」十字路口附近。
閱讀更多
-
大阪攻略
炭火烤肉 道頓堀みつる 道頓堀總店
『日本』道頓堀必食燒肉店🤤｜黒毛和牛一頭買い焼肉道頓堀みつる
· 🍖 黒毛和牛一頭買い焼肉 道頓堀みつる 総本店 📍 542-0071 大阪府大阪市中央区道頓堀1丁目5−8 Shibata.Bld, 2F 大阪道頓堀簡直是美食雲集!整條街道都充斥大大小小的餐廳食肆:蟹､大阪燒､章魚丸､拉麵､壽司､燒肉､鐵板燒等｡唔愁冇嘢食,只怕食唔落😂 身為食肉獸,最喜歡其中一間食燒肉的 <黒毛和牛一頭買い焼肉 道頓堀みつる>｡Google有4.5分,Tabelog 3.43分,評分都幾高,每次到大阪都必定會去食! 燒肉店主打:一頭買い的黑毛和牛｡ 即全部黑毛和牛部位都能吃到,這樣的做法不僅保證肉質穩定,也能以合理價格吃到高級稀有部位｡ <道頓堀みつる>有幾間分店,其中位於道頓堀的總店有3層,第一層是ｶｳﾝﾀｰ席 (bar 檯位) 和ﾃｰﾌﾞﾙ席(不用除鞋的一般座位)｡ 而第二層是掘りごたつ(要除鞋的挖洞座位),和風個室可以按人數移動屏風,改變<房間>大小｡個人最喜歡這層,自己一個空間,不受騷擾,自在吃燒肉,食飽攤係榻榻米度抖陣又得,有小朋友同行的話又不怕會騷擾到其他人! 第三層則是卡位和情侶座｡ 落單用平板電腦,有中文Menu,不用怕溝通問題｡而且全席禁煙,非常適合帶同小朋友去大快朵頤｡ 炭火燒肉火候穩定,能燒出漂亮焦痕｡牛肉切得厚薄適中,肉質確實一流,油花細密卻不膩,燒到微焦後不論搭配少量鹽或特製醬汁都極為出色,入口時那種脂香與肉汁的融合簡直是超級美味🤤其中A5黑毛和牛｢盛り合わせ｣,可以一次吃到9種不同油花比例的稀有部位,推介👍🏻 食燒肉又點可以唔飲番杯!無論是果汁､乳酸飲品､啤酒､梅酒,到自家調製的酒精類飲品都不錯,大吃大喝大滿足! 價位方面,於道頓堀內並不算便宜,但肉類選擇多而且講究,肉質都在水準之上,是物有所值的燒肉店｡到大阪想吃高品質真正黑毛和牛,這店是值得一去的地方｡ * * 道頓堀 黑毛和牛 燒肉 日本好去處 UCreator 旅行美食 旅行打卡 我的打卡地圖 100個港人旅遊攻略 大阪 travelwithucreator
閱讀更多
-
打卡熱點
1-chōme-3-22 Imaizumi
日本福岡天神～慶州燒肉🥩🥓🍶
慶州燒肉在日本有多間分店，主要供應有牛肉刺身、燒肉、牛肉腸煱及飲料放題……等食物。 今次我們4人去吃晚餐，點了套餐¥8000／人-為每人400港元（未包飲料）。燒烤牛肉不同部位，燒後甚只需要點少許醬汁已很好味了，牛肉有些部位燒完後即食，甚至入口即溶👍😋🐂，套餐最後還有飯/冷麵選擇及雪糕。 打卡美食 打卡 燒肉 牛肉 福岡 旅行美食
閱讀更多
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
立即探索🔍最新熱門活動📍好去處推介🌟
