日本旅遊攻略
- 深圳榴槤自助餐CP值高，價格由¥138起。
- 開皇榴槤提供50多種榴槤，包括稀有品種。
- 多家餐廳提供榴槤，海鮮，甜品等，選擇豐富。
週末北上深圳搵食，早已是港人最愛的快閃行程。夏天深圳榴槤自助餐熱潮不斷，放題必見果王榴槤，比起香港酒店榴槤自助餐動輒HKD300以上，深圳榴槤自助餐最平¥138起，CP值極高。想任食馬來西亞貓山王、黑刺、D197等不同品種榴槤，馬上收藏深圳任食榴槤終極指南，推薦2025最人氣深圳榴槤自助餐。
深圳榴槤自助餐任食指南
＊內地美食App（如美團、大眾點評）時常有團購優惠券，不妨先上網看看及預約優惠套餐。
深圳榴槤自助餐｜1. 開皇榴槤 : 50多種榴槤任食
如果你自認是骨灰級榴槤愛好者，你一定要去位於深圳的「開皇榴槤」。今年他們推出馬來西亞樹熟榴槤自助餐，一次食勻50多種榴槤，包括有D197貓山王、蘇丹王、黑刺、橙肉、朱雀等稀有品種無限量供應！榴槤由馬拉直採進口，榴槤果肉無限量供應，還可以自助加熱，「烤榴槤」加熱後香氣和甜度加倍昇華。
開皇榴槤「馬來西亞樹熟榴槤自助餐」
地址：深圳市鹽田區現代化產業服務中心第一期C座3樓
營業時間：10:30 - 22:00
價錢：¥138起
*部分菜色因時令原因有所不同，請以店內當日實際供應為準
資料來源：美團圈深圳站
深圳榴槤自助餐｜2. 皇庭V酒店‧VCafé西餐自助餐廳：俯瞰夜景嚐榴槤
位於深圳福田區的皇庭V酒店「VCafé西餐自助餐廳」是一間高空酒店自助餐，26樓高空景觀，將深圳璀璨夜景盡收眼底，非常適合情侶約會或慶祝特別日子。價位雖高，不過三小時自助餐夠曬滿足，不少北上港人再三回訪，一個字「值」！
如果你們不想只任吃榴槤，這家酒店就非常適合！五星級酒店自助餐水準，海鮮自助餐可以歎到烤生蠔、焗烤大龍蝦、新鮮三文魚、鐵板燒、牛小排、羊扒等多種美食，不吃榴槤的人也能滿足。
餐廳榴槤自助區則提供香甜多汁的榴槤，搭配芝士焗烤海鮮，如芝士焗蟹蓋、芝士焗生蠔，將榴槤的香甜與海鮮的鹹鮮完美結合！
皇庭V酒店‧VCafé
地址：深圳福田區金田路2028號皇庭·皇崗商務中心皇庭V酒店26樓
營業時間：星期一至日清晨6時半至晚上9時
價錢：￥566起
*部分菜色因時令原因有所不同，請以店內當日實際供應為準
深圳榴槤自助餐｜3. 曼格姿造‧活海鮮·榴槤自助：任食海鮮榴槤
曼格姿造·活海鮮·榴槤自助是一間以榴槤為主題的自助餐，提供多款頂級馬來西亞榴槤品種，如貓山王、D24、黑刺、D101等，每日現場即開，保證新鮮不是冷藏，榴槤果肉香滑厚實！餐廳更會製作多款創意榴槤甜品，包括榴槤雪糕、榴槤班戟、榴槤泡芙、榴槤芝士蛋糕、炸榴槤球等，大飽口福。
這間榴槤自助餐也不止榴槤，即開生蠔、鱈場蟹腳、鮮蝦、龍蝦等也應有盡有，部分餐廳甚至推出榴槤海鮮火鍋或榴槤咖哩海鮮煲，將榴槤獨特香氣融合海鮮料理，超有驚喜。
曼格姿造‧活海鮮·榴槤自助
地址：深圳龍華天虹購物中心3樓L348號舖
營業時間：星期一至日上午11時至晚上10時半
價錢：￥388起
*部分菜色因時令原因有所不同，請以店內當日實際供應為準
深圳榴槤自助餐｜4. 領鮮 : 泰國金枕頭榴槤無限量供應 CP值高
位於羅湖東門心臟地帶，領鮮海鮮自助餐廳就在深圳羅湖區東門步行街附近的鴻展中心城3樓，是當地頗具人氣的自助餐，尤其以活海鮮和榴槤自助餐聞名。餐廳主打現場即開的泰國金枕頭榴槤，果肉細膩香甜，無限量供應讓人大呼過癮！另外還有多款生猛活海鮮，如鮑魚、基圍蝦、挪威三文魚、鐵板牛扒及其他多達100多款菜式，價格約人民幣100元起，性價比極高，深受食客愛戴。
領鮮
地址：深圳羅湖東門步行街鴻展中心城3樓
營業時間：星期一至五上午11時至晚上9時；星期六至日上午11時至晚上10時
價錢：￥228起
*部分菜色因時令原因有所不同，請以店內當日實際供應為準
深圳榴槤自助餐｜5. 歡樂牧場：任食澳洲和牛金枕頭榴蓮
人均僅¥139，就能在100分鐘內任食澳洲M級和牛、各類海鮮、以及香甜的金枕頭榴蓮，超抵食！
「歡樂牧場」於深圳坐擁多間分店，百元火鍋放題店超級平價，大家可於100分鐘內任食澳洲M級和牛、招牌毛肚、蟹、蝦、貝類、壽司、鐵板燒、金枕頭榴蓮等，更有精釀啤酒任飲，在榴槤季也推出泰國金枕頭榴槤無限量供應，果肉鮮甜香滑，絕對是平價榴槤放題好去處！
.
深圳榴槤自助餐｜6. 一緒に和牛壽喜燒放題：￥219任食和牛大閘蟹榴槤
主打日式壽喜燒，除了高品質和牛，更驚喜地加入了爆膏大閘蟹（季節限定）和烤榴槤！經高溫烘烤的馬來西亞榴槤果肉，外層微焦，內裡卻如雪糕般冰涼綿密，入口即化，「冰火兩重天」的獨特口感超有驚喜。
一緒に和牛壽喜燒放題
龍華壹方城店地址：深圳龍華區景龍社區人民路4022號壹方天地購物中心F4
交通方式：深圳地鐵4號線龍華站A出口
華強北中航城店地址：深圳華富路中航苑中航城君尚購物中心B區4樓
交通方式：深圳地鐵2號線華強北地鐵站C出口，步行250米
營業時間：星期一至日上午11時至晚上10時輕享
收費：原￥249起
*部分菜色因時令原因有所不同，請以店內當日實際供應為準
深圳榴槤自助餐｜7. 漁舶彙蒸汽活海鮮
深圳「漁舶彙蒸汽活海鮮」結合鮮活海鮮和榴槤甜品，連本地食客都捧場，而且環境整潔，以韓風裝潢，適合親友聚會、情侶約會及家庭聚餐。餐廳主打全天供應蒸汽活海鮮任食，現撈活鮑魚、藍龍蝦、帶子、生蠔、羅氏蝦、三點蟹等多款鮮甜海鮮，以蒸汽方式保留海鮮原汁原味，鮮嫩多汁。
榴槤季節，餐廳也提供泰國金枕榴槤及多種榴槤甜品無限量任食，包括焗榴槤、榴槤冰淇淋，榴槤控北上必要試！焗榴槤口感綿密，表面微焦帶出濃郁香氣，入口即化且甜度集中，被視為必試招牌。吃過蒸海鮮，此時再來一口綿密香濃的焗榴槤或冰涼的榴槤雪糕，實是一試難忘！
價格方面，平均約人民幣258元左右，享2小時活海鮮與榴槤自助，性價比高。
漁舶彙蒸汽活海鮮
漁舶彙蒸汽活海鮮地址：福田區福田中心區福華一路3号領展中心城B1層FB1011号鋪
圖片來源 : 小紅書
Source: UFood
- 深圳美食及打卡好去處推介！近百個景點超詳盡攻略 最新商場／滑雪場／古鎮掃街
- 深圳美食攻略｜深業上城10大必食美食餐廳！人氣椰子雞／手工芋圓燒／正宗片皮鴨／抵食和牛放題
- 深圳夜市推介｜8大熱門深圳美食夜市 過關搭一個站就到！文青市集／露營風夜市／抵食$1牛雜
- 深圳美食｜東門美食街強制拆除！執法部門：屬違法建築＋嚴重消防隱患
推薦深圳榴槤自助餐包括「開皇榴槤」可品嚐50多種榴槤、「皇庭V酒店」可俯瞰夜景、「曼格姿造」提供海鮮、榴槤、「領鮮」供應金枕頭榴槤任食、「歡樂牧場」任食和牛、榴槤、「一緒に和牛壽喜燒放題」有大閘蟹、榴槤，以及「漁舶彙蒸汽活海鮮」的焗榴槤。
-
深圳攻略
南山Kaledo
深圳探店，人均¥180，90分鐘任食，食乜最易回本？
大漁燒肉是深圳首家主打炭火現烤燒肉+海鮮的自助餐廳,位於海岸城旁,超方便的位置,性價比超高,很多人去都直呼｢回本超容易｣! 必食回本位 1. 燒肉經典六宮格(牛肉控天堂) 一次送上6款不同部位,牛肉肉質油花分明､鮮嫩多汁,炭火一烤香氣爆棚,很多人一上桌就直接 Encore 好幾盤,CP值爆表! 2. 烤鰻魚 + 烤鮑魚 + 蒜蓉生蠔(海鮮回本神器) 新鮮大隻鮑魚､肥美鰻魚､厚實生蠔現烤,入口鮮甜彈牙,尤其是鰻魚刷醬微焦後超香,光這幾樣就值回票價｡ 3. 烤榴槤 熱騰騰烤榴槤果肉軟糯濃郁､香到爆炸(榴槤控直接起飛),還有雪糕､水果､甜點無限吃｡吃完肉海鮮再來一口甜的,幸福感直接拉滿! 90分鐘確實雖趕,但食得夠精必定能回本哦｡ 📍地址:深圳市南山區粵海街道文心六路4號保利文化廣場C區Kaledo商場L3-08號 去新酒店staycation打卡美食深圳美食深圳探店
閱讀更多
-
深圳
皇庭廣場
自助餐天花板🦀🦞鮑魚膏蟹海鮮榴槤任食
200+實現膏蟹鮑魚海鮮刺身榴槤自由?你冇睇錯😋!今日為大家推薦一間深圳自助餐天花板,高溫蒸汽➕火鍋任食雙重奢華享受,30米長海鮮池任撈,多國美食匯聚,過百种食材任君挑選,如果你係海鮮愛好者,一定唔好錯過呢間店! 1️⃣蒸汽海鮮主打,食材新鮮 30米長海鮮池內扎扎跳嘅澳洲小藍龍､羅氏蝦､大閘蟹､三點蟹､鮑魚､鰻魚､生蠔､九節蝦､花螺､各種貝類等海鮮,品種豐富,輕鬆實現海鮮自由｡體驗完現撈的樂趣後,直接高溫蒸汽烹飪,原汁原味,肉質鮮甜彈牙｡ 2️⃣蒸汽+火鍋,一枱雙鍋兩吃 高溫蒸汽保留海鮮鮮味,搭配自選口味火鍋湯底,有辣有唔辣或鴛鴦雙拼口味,滿足不同口味需求｡火鍋區提供M8/M9和牛､鮮切牛肉､爽皮雞､脆肉皖､牛雜､雲南特有菌菇等高品質食材,搭配特製醬料,味道絕佳｡ 3️⃣全球美食融合,品類繁多 三文魚､北極貝､甜蝦､章魚片､吞拿魚､紅希鯪魚､紅酒鵝肝等,日式壽司､烤鰻魚､鹽燒三文魚頭無限量供應｡鐵板區有法式煎鵝肝､蒜蓉生蠔､牛扒､串燒等,即場現整｡仲有奶油酥皮蘑菇湯､pizza等,香氣四溢｡ 4️⃣眾多風味小菜､燉湯選擇 齋食海鮮火鍋唔夠喉,仲有避風塘羅氏蝦､芝士焗蟹､帝王蟹腳､烤乳鴿､乳豬､酸辣鳳爪､麻辣小龍蝦､沙律､鹽焗海鮮煲,燉湯則有乳鴿湯､冬陰功､佛跳墻和各種養生滋補清潤湯水,數不勝數｡ 5️⃣創意甜品茶酒､生果無限量供應 烤榴槤､烤橙､烤菠蘿､雪糕､龜苓膏､cheese cake等甜品,生果種類亦好多,多數以當造生果為主,飲品則有果茶､養生茶､cocktail､樽裝飲品､啤酒等,應有盡有｡ ✅試食後評: 性價比高,工作日¥240+/人,週末節假日¥270+/人,我同屋企人在週末時段去食,在內地美食app使用優惠後為¥250+/人,就餐前需額外付100蚊押金,用餐時間為2h,完畢再去前台領回押金｡專攻海鮮即可輕鬆回本,膏蟹當時未算爆膏,預計11月底12月會更飽滿!日式刺身類中規中矩,烤榴槤香甜可口,食到停唔到口｡服務員態度熱情,主動更換骨碟､清理桌面,提升用餐舒適度｡餐廳環境闊落舒適,裝修精緻,適合聚餐打卡｡ ⚠️建議: 中午11點半至12點左右入座,或晚5點半至6點左右入座,遲去需排位,最好選靠近海鮮區就座,方便出入領取食材｡餐廳中午和晚上營業時段有最遲入座時間,詳情需致電咨詢｡ 店名: 頂界·全球蒸汽海鮮自助(福田皇庭廣場店) 地址: 福田區福華三路118號皇庭廣場B1層-6號(盒馬鮮生同層) 我想食lifetastic聖誕蛋糕 打卡美食 ucreator 好去處 chill 打卡 隱世打卡點 相機食先 foodie 旅行打卡 深圳美食深圳攻略聖誕好去處 拆餐勁 自助餐 著數優惠 海鮮 任食 榴槤 多國菜美食
閱讀更多
-
深圳
深圳榴槤放題3大推介🤤任食貓山王 / 蘇丹王 / 金枕頭榴槤！馬來西亞直運 / 即開即食~附地址交通
6月正值榴槤當造期～深圳好多放題餐廳都推出咗即開榴槤套餐呀😍全部都係即開即食，超新鮮～可以食到D197貓山王榴槤､D24蘇丹王榴槤、金枕頭等不同品種的榴槤！仲有馬來西亞直運到達的榴槤專門店，見到都流口水呀～一齊睇下深圳榴槤放題3大推介詳情啦！ 1️⃣福田香格里拉酒店 酒店近日推出了馬來西亞美食節！娘惹糕點、馬來芭蕉葉烤魚、檳城肉骨茶配芋頭飯等等，充滿馬來西亞風情的美食都可以食到～仲有大排檔即炒活海鮮！可以食到以馬來西亞特色調味：參巴醬、甘草、黑胡椒等共5種做法，烹飪出美味的龍蝦、鮑魚等即撈海鮮。 不過講到馬來西亞，當然唔少得榴槤啦！現場有金枕頭、榴槤提拉米蘇、榴槤蒙布朗蛋糕和榴槤麵包布丁等，超多榴槤美食！ 當然不少得即開新鮮榴槤 (晚市供應) 🌟由即日起至6月27日～快啲把握機會去食！ 💰福田香格里拉酒店放題價格 午餐放題 1位¥298起，晚餐放題 1位¥398起。 福田香格里拉酒店 ⏰營業時間 ：6:00 - 23:00 📍地址：福田區益田路4088號 🚗交通：地鐵2號線福田站10號出口步行190米，地鐵直達！ 2️⃣銘門盛宴·藝術海鮮姿造 現場設有即撈海鮮區，可以食到龍蝦、珍珠鮑、貴妃蚌、生蠔、大頭蝦等新鮮海鮮，還有鐵板燒、紅酒、椰青、壽司等美食～依家還有現場即開金枕頭榴槤！即開即烤～熱辣辣好正呀，仲有榴槤千層蛋糕、榴槤大福、榴槤芝士蛋糕等榴槤味甜品。 即開榴槤期限 🌟由即日起至6月30日～快啲把握機會去食！ 💰銘門盛宴·藝術海鮮姿造放題價格 午餐放題「澳洲藍龍·愛爾蘭鰲蝦不限量」套餐 1位¥307.5，晚餐放題「鮮活青龍任食」套餐 1位¥599。 銘門盛宴·藝術海鮮姿造 ⏰營業時間 ：11:30 - 14:00、18:00 - 21:30 📍地址：福田區皇庭中心裙樓4樓 🚗交通：地鐵1/4號線會展中心站A1出口步行260米，地鐵直達！ 3️⃣開皇·榴槤主題大排檔 榴槤由馬來西亞直運～可以食到D197貓山王榴槤､D24蘇丹王榴槤同其他D1-D140等名種榴槤。即開即食～超惹味！還有很多由榴槤小食：榴槤雞湯、榴槤PIZZA、榴槤奶昔、榴槤巴斯克蛋糕、榴槤糯米飯等美食。 💰開皇·榴槤主題大排檔放題價格 大眾點評有逾10款套餐，推介¥119「D1-D104名種榴槤全場不限量榴槤單人自助餐(限時2小時)」，可以任食榴槤和各種榴槤小食。或者¥218「暢吃2小時貓山王現開果」單人套擦，可以任食D197貓山王榴槤､D24蘇丹王榴槤和D1-D140名種榴槤和其他榴槤小食。 開皇·榴槤主題大排檔 ⏰營業時間 ：10:30 - 21:30 📍地址：羅湖區東門中路2088號東門中心城4樓 🚗交通：地鐵3號線晒布站A2出口步行210米，地鐵直達！ 👇🏻👇🏻立即關注我!第一時間通知你更多深圳玩樂攻略🌟 圖片來源:福田香格里拉酒店、銘門盛宴·藝術海鮮姿造、開皇·榴槤主題大排檔的小紅書帳號 攻略 深圳 深圳玩樂攻略 深圳攻略 深圳打卡 深圳一日遊 深圳美食 深圳美食攻略 深圳榴槤 榴槤 馬來西亞榴槤 深圳酒店 深圳放題
閱讀更多
UTravel熱門旅遊話題
贏走題樂園門票、酒店Staycation及人氣產品
↓立即登記參加！賺取無上限現金賞💰↓
