日本旅遊攻略
41歲香港女歌手兼演員吳日言在2016年與圈外男友Barry結婚，婚後育有大女兒Beatrice、二仔Zayden及小兒子。吳日言去年一家五口移民到英國生活，亦不時在社交網分享在當地的生活。吳日言日前就在社交網曬出一臉病容的照片，指在復活節期間3母子一同病倒，更幾乎清空整個藥箱，而她更因肺部有感染而需要留院觀察。
吳日言在社交網分享照片，表示在復活節期間，3母子一同病倒。相中見她一臉疲態，兩個兒子在一旁睡覺休息，兒子更貼上退熱貼。而在其中一張相中，吳日言在醫院戴氧氣罩吸氧氣。她留言：「你知唔知道我屋企藥箱有幾大？假期無醫生睇，唯有keep 住食高燒加低燒藥，我哋三母子差不多清空成個藥箱。終於等到家庭醫生見我哋，結果……都係叫我哋繼續食退燒藥，激鬼死人。我已經係一個病人，仲要照顧兩個病人，過了兩日……連我都燒到40℃，血含氧量降到83 ，老公即時帶我去睇急症。」
吳日言續說：「驗血再驗血，照肺，心電圖，撩鼻……醫生話我肺部有感染，但係未知邊一隻菌，需要留院觀察。除咗生仔入醫院，我真係第一次因為病而要留院觀察，仲要係英國，知道果一刻真係喊咗出嚟！#老公頭家交俾你 #我會努力 #休息一陣好快返」除了好友Coffee、何雁詩及陳柏宇老婆Leanne留言為吳日言加油外，她的老公Barry亦與仔女拍片為吳日言打氣，吳日言留言：「收到最強嘅打氣說話！！放心，媽媽好快返嚟！！」
圖片來源：吳日言IG
吳日言曾分享兩張抱著7個月大的細仔自拍照，留言：「細細七個月啦…又真係幾靚仔喎！可能得到阿媽遺傳，有一雙大眼睛，精精靈靈。不過唔好遺傳我嘅雀斑，同埋一對黑眼圈。#趣緻雀斑 #天生黑眼圈」。
相中所見，吳日言穿上紅色外套戴上頭箍，以素顏示人，臉上膚色偏暗啞，更驚現黑眼圈及大量雀斑，跟全盛時期的顏值差別甚大，更被網友指急速衰老，相信吳日言為了湊三個仔女花了不少心力。
▼打開睇吳日言素顏照▼
物色地方做飲食
吳日言早前指自己來到英國，想做在職媽媽，她留言：「可能你以為我嚟到英國，從此過着全職媽媽生活！但其實我熱愛工作㗎！唔想攤大手板問老公攞錢，唔想同社會脫節，唔想冇咗自己生活圈，想繼續做一個在職媽媽。」
她又指自己開始物色地方，繼續做飲食生意：「當慢慢適應呢度嘅生活之後，我已經開始物色適合嘅地方，繼續做我嘅飲食生意。選址一定要方便交通，要有座位可以同大家吹吓水，至於食物方便我仲諗緊，你有啲乜嘢睇法？歡迎交換意見。」
不少在英港人都紛紛留言：「米線or茶餐廳 please… 麻煩救一救呢個出名嘅美食沙漠」、「great. 期待幫襯你」、「有膽量，英國人口味真係幾難觸摸」、「米線or茶餐廳」、「加油啊 開米線」、「Dim Sum, 炒粉麵」、「嘩市中心喎！絕對支持！」。不過亦有人留言勸她三思：「我勸你都係諗清楚，英國vat、人工、維修，唔係咁簡單。」
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
附搶飛連結🔗不再錯過演出消息‼️
