2024.11.06

《2011年香港小姐競選》季軍、最上鏡小姐兼亮麗奪目佳麗獎的許芷熒（原名：許亦妮）2019年9月跟拍拖兩年的圈外男友Alexander Fung結婚，婚後先後誕下大女Kayli、二仔Alester及三仔Adrian，四年抱三。而許芷熒一直都有聘請工人姐姐幫手打理家頭細務，而今日她就驚爆其中一名工人姐姐在香港借完錢，著草去菲律賓！

許芷熒在IG story留言：「facebook 彈出上年的今天，發現剛生完二弟弟的我又懷孕….今年的同一天，又有另一個驚喜…工人姐姐說家中有急事要走…立刻買機票給她早上回菲律賓。上的士去機場前，佢同我另一個姐姐講，自己在香港借了錢未還🤯」此事令許芷熒十分驚訝，沒想到工人姐姐會咁做！

點擊圖片放大

許芷熒一直都對工人姐姐如親人般看待，她在早年在機場送別照顧了她32年的家傭姐姐Naty返菲律賓，片中見到兩人相擁而哭，她在社交平台寫著：「GoodBye Naty媽，多謝你32年的愛！工入姐姐Naty臨走前兩個月我已經不停半夜喊，經常幻想送她去機場的場景，自己就會好害怕，因為很不想面對……」她感謝Naty在32年來對她愛的付出，「我以為自己能堅強不哭，但原來到最後臨入閘也是相擁而哭。其實真的有生離死別的感覺。」

點擊圖片放大

圖片：許芷熒IG

41歲孫慧雪曬自拍照少女感十足一家四口飛美國直言挑戰體能極限

孫慧雪與老公羅天彥（Edwin Lo）結婚8年，先後誕下兩子6歲的大仔水哥（Riley）及11個月大的細仔「肉肉哥」。近日一家四口飛到美國三藩市，原來孫慧雪趁着大仔放暑假，為他報了當地的Summer camp，她更分享與家人15個鐘的飛機旅程中的突發事。

一家四口飛美國

孫慧雪分享在當地公園影的相，相中見她與細仔「肉肉哥」在草地遊玩，十分溫馨。她又曬出淡妝自拍照，已是兩子之母的她保養得宜，樣貌笑容依然好有少女味，完全不似41歲。

孫慧雪指不要以為她去旅行好寫意，原來她在飛機旅程上遇上突發事，到了當地更是無覺好瞓：「喺15個鐘嘅飛機旅程入面，開頭都尚算OK，點知喺臨尾嗰兩個鐘，佢（肉肉哥）突然嘔到我成身都係奶。去到美國，佢仲感冒埋添，加上jetlag，兩位小朋友夜晚唔係點瞓覺，連帶我哋都冇得瞓。」不過她指今次都是一次好好嘅體驗，「爸爸媽媽永遠都會咁勇敢迎接新挑戰㗎！#挑戰體能極限 #肉肉係唔鍾意瞓覺」

▼點擊睇旅行相▼

點擊圖片放大

5個月狂減23kg

41歲的孫慧雪雖然已是兩子之母，但樣貌笑容依然好有少女味。向來身材驕人的她，已連續七年獲邀成為美胸代言人，早前更大曬辛苦瘦身的成果，由「全盛時期」的78kg，減至現在的55kg。她說：「記得生第一胎，成功減肥之後，好多人話第一胎實keep到，睇吓佢生第二胎都減到先講啦！結果陀第二胎，真係唔係食好多，都撼撼聲增磅！生完之後，腹直肌鬆咗，個肚勁大，年紀又大，真係好難減！咁到底係點減？其實點減，答案人人都知，最大嘅問題係你相唔相信自己減到，同埋有冇目標，有冇恆心，呢個先係最重要！」而在坐月後，她正式開始減肥之路，用五個月時間減肥成功，除了做運動和紮肚，她亦努力去代言公司做療程：「等自己唔好因為瘦得快，而減咗胸部或令胸部鬆弛！節食方面，其實我第一餐會食有澱粉質嘅食物，例如牛肉通粉，魚蛋米粉，或者雞扒飯，但係個飯就食少啲，到下午茶，會食香蕉，雞蛋，到咗夜晚，我就食蒸魚加碟菜，或者食啲肉+菜+水果！」

▼點擊圖片睇修身成果▼

點擊圖片放大

孫慧雪帶外傭同遊京都

早前孫慧雪一家四口及工人姐姐飛到日本京都旅行，更在當地著上和服打卡。孫慧雪直言去京都影全家福是一直以來的心願，「夢想實現了！」她在社交網分享全家福，亦曬出工人姐姐著和服與櫻花的合照，不少網友大讚她靚女。有網民更留意到孫慧雪的外傭，身高158cm的她穿上和服，網友留言：「工人姐姐又幾靚女」、「影得好靚，你嗰套都好靚吖！我最鍾意嘅紫色，工人姐姐好幸福，可以同你哋一齊著和服影相」。