日本旅遊攻略
2024.06.25
演員譚坤倫（Alan）近幾年憑在《愛·回家之開心速遞》飾演「CPU」一角而為人認識，在4月時他突然宣布離巢TVB外闖。離巢2個月，Alan有幸參與拍攝一場電影，更與古天樂有對手戲。而Alan在七月尾要北上內地拍戲，現在的他主力在家照顧兩隻貴婦狗「小吉」及「小雲」。
自小已好鍾意動物的Alan養了小吉及小雲12年時間，而小吉比小雲大隻，因此常被錯認是小雲的媽媽。
小吉及小雲體型雖然不同，原來性格好相似，都好怕生。Alan表示：「小雲好有性格嘅，全部狗狗都唔啱玩，其他人想掂吓佢，佢都會吠。而小吉以前就比大狗咬過，細個嘅時候會驚大狗，而家都係好驚青，行雷、閃電、有曱甴佢都會自己去角落頭坐喺度。」
兩年前Alan帶兩隻愛犬參與劇集《寵愛Pet Pet》的拍攝，他指小吉與主角金毛尋回犬「冬甩」好玩得，令他感意外：「小吉同冬甩玩得埋，連被冬甩咬佢隻腳佢都接受到。」而小雲當時差點咬傷林夏薇：「拍戲嗰陣時我放咗小雲喺個袋入面，林夏薇見到佢好得意就沖埋去想抱佢，可能嚇親小雲，加上佢本身就唔鍾意同陌生人玩，佢就直接衝出嚟又吠又咬，搞到我都幾驚咬到佢隻手。」
去年小吉因牙肉萎縮，被獸醫剝晒啲牙，令Alan都非常心痛：「小吉啲牙開始鬆，醫生驚佢有細菌侵蝕啲下巴嘅骨，所以醫生本身建議要剝，但係我去到現場接佢嘅時候，見到包牙齒係好誇張地剝得多，最後得返一隻牙…所以而家食狗糧要用熱水浸淋咗先。」他又指：「小吉在剝牙之後就控制唔到條脷，一定要伸出嚟。」
UTravel熱門旅遊話題
【精華重溫🌟】社群年度熱搜帖文榜單出爐！🏆↓
↓主題追蹤人次突破二百萬!! 即刻重溫精彩時刻 ↓
↓主題追蹤人次突破二百萬!! 即刻重溫精彩時刻 ↓
🔔睇《U GO》輕鬆掌握最新食買玩情報！↓
立即探索🔍最新熱門活動📍好去處推介🌟
立即探索🔍最新熱門活動📍好去處推介🌟
