日本旅遊攻略
不少旅客都會專程到奈良睇鹿仔，並且買鹿餅餵食。然而，一名港人（下稱：事主）日前首次到奈良旅遊，疑似不知道鹿餅為何物，誤以為鹿餅是給人吃的餅乾，於是買了一包來吃。而他吃後感到味道怪怪，剛巧巧遇了香港家庭也在排隊買餅，原想出於好意告知對方「唔好買，好難食」！結果對方無理會，令事主忍不住在網上大呻「見證到香港人在日本的無禮」！
同場加映:【旅人指南針】記者率先試搭！中華航空Pokemon主題飛機 周圍都係比卡超/不定期飛香港
事主在其Facebook專頁「泰極 Khob-Khun Thai Massage ＆ Express」分享在奈良的不愉快經歷，並且指見證到香港人在日本的無禮。事源，事主與女友首次到奈良公園睇鹿仔，那時他見到不遠處有人在排隊買餅，於是上前一看發現一大包的餅只需150日圓 (約港幣$8.8)。眼見如此多人購買及肚餓，當下認為味道應該不錯，所以不執輸買了一包。
誰知食了幾口，發覺淡而無味，又不夠脆，還帶有一口清清的雜草味，令到事主非常生氣，更氣言「唔怪得咁平」。剛巧事主見到香港人家庭也在排隊買餅，於是上前好言勸喻他們不要買「唔好買呀，好難食架，我頭先食咗幾塊都食唔到落去，唔好嘥錢呀。」誰知那家人你眼望我眼，沒有理會照買，一點反應也無，令事主更加氣上心頭。
後來，事主見到女友並跟她說：「嗰班香港人幾衰，好心提啲餅好難食，就算唔信都畀啲反應，當我好似怪人咁，唔該都無聲。」而女友聽後提議，既然那些餅不好吃，不如讓鹿仔試一下，可能鹿仔會喜歡呢？而事主為了不浪費150日圓，把餅乾拿去餵鹿仔。
跟住看到鹿仔吃得津津有味後，便大讚女友十分聰明，「估到鹿仔同我地口味唔同。」然而，最後他繼續提點大家不要到奈良公園買餅吃，不要上檔！而此篇帖文一出，便吸引了3千多個網民給予「大笑」回應，有網民笑言「我真係問過啲日本人，鹿餅係咩野味道，但係佢哋個個都未試過 好多謝解答咗個問題！」、「其實...啲餅好似係俾人買嚟俾鹿食，唔係俾人食...唔係咩」。不過，很快便有網民代事主回應「潮文是也」、「你真心以為佢唔知？老作扼like之嘛」、「大家認真就輸了」！
UTravel熱門旅遊話題
＞登記即送，人人有賞！＜
↓即睇最新行程懶人包、爆紅打卡點🔥、必吃美食😋等↓
