日本旅遊攻略
港人「返鄉下」唔好淨係識去東京、大阪，九州都係一個寶藏級旅遊景點！除咗係「溫泉天堂」之外，九州仲有四季分明嘅自然風景及豐富特色美食！今日小編就精選出九州6日5夜自由行行程全攻略，未去過又即將計劃去九州嘅您就要bookmark低呢篇文啦！
➤立即下載U Lifestyle App
➤詳情懶人包
【旅遊plan行程好幫手】輕鬆成為旅行Chill Guide✈️
依家唔使煩去旅行行程點plan好，有「Chill Guide旅遊指南」為您整合社群最人氣旅遊攻略，有齊社群U Creator真人實測日本、深圳、台灣、澳門、 韓國、泰國、越南同其他熱門旅遊地區嘅旅遊攻略懶人包，帶您去旅行零負擔全方位解決食玩買需求！
九州自由行攻略2026｜🚄推薦交通
九州分別由福岡、長崎、佐賀、熊本、大分、宮崎及鹿兒島七個縣組成，各縣市都各有特色及魅力，因此近年成為香港人旅日其中一個熱門景點！唔少人都會選擇自駕遊全九州，想唔自駕都能夠深度遊盡九州景色，如果主要行程交通以鐵路為主，建議搭配「九州JR鐵路周遊券」，！如果係巴士路線較多，都可以選擇巴士票券更划算！
九州自由行攻略2026｜📝6日5夜行程推介
DAY1：
福岡國際機場到埗➡️福岡市區觀光 (天神地下街/Parco)➡️福岡塔
福岡住宿推介：https://ulapp.hk/y02n4
DAY2：
博多➡️由布院➡️溫泉街散策➡️由布岳/金鱗湖➡️溫泉旅館
DAY3：
由布院➡️別府➡️地獄溫泉巡禮➡️九州自然動物園/八幡竈門神社➡️溫泉旅館
DAY4：
別府➡️熊本阿蘇➡️阿蘇火山➡️阿蘇神社/門前町商店街➡️溫泉旅館
DAY5：
阿蘇➡️博多➡️太宰府天滿宮➡️市區購物
DAY6：
博多車站最後採買➡️福岡國際機場
九州自由行攻略2026｜📸九州重要景點推介
1. 由布院金鱗湖
位於大分縣嘅由布院除咗有豐富嘅溫泉資源外，附近仲有好多療癒系秘境等住大家發掘，用一日行程玩盡佢都唔過分！其中金鱗湖係由布院其中一個著名景點，位於溫泉街內，四面環繞住綠林，湖面有如鏡面般清徹，再配上由布岳景觀，唔講以為係一幅畫！而且金鱗湖湖底水源，係源自於地下湧出嘅溫泉水，令金鱗湖就算喺冬天清晨都可以睇到水氣蒸發嘅夢幻景象！
📍地址：大分縣由布市湯布院町町川上1561-1
2. 別府地獄
別府有全日本第一多嘅溫泉源泉數量，係日本有名嘅溫泉勝地！其中一定要打卡「別府地獄」，總共有7個地獄，每個都各有特色。喺地獄入面，您可以輕鬆打卡鈷藍色池水海地獄、血色池水等多個日本國家名勝，仲可以體驗飲用溫泉水，鬼滅粉絲仲可以打卡同主角同名嘅「竈門地獄」，輕鬆感受別府溫泉獨有嘅魅力！
📍地址：大分縣別府市大字鐵輪559-1
3. 八幡竈門神社
鬼滅粉絲不容錯過別府呢個「竈門神社」！由於神社咁啱同主角炭治郎姓氏「竈門」一樣，因此吸引唔少鬼滅粉絲前來朝聖！神社內除咗有與原作相呼應嘅神樂習俗之外，粉絲們仲可以打卡一系列粉絲繪製嘅鬼滅角色繪馬牆，呢個景點根本專為粉絲而設！
📍地址：大分縣別府市大字内竈1900番地
4. 阿蘇中岳火山口
阿蘇火山係位於熊本縣阿蘇嘅活火山，甚至2022年都仲有噴發紀錄，亦都係世界上最大嘅火山口之一，絕對係熊本縣必玩行程之一！遊客可以近距離觀賞火山口噴煙及鈷藍色嘅湖水！附近亦設有火山博物館，方便冇得前往火山口嘅觀光客都可以喺博物館睇到火山口嘅即時影像及聲音，收獲難忘景觀！
📍地址：熊本縣阿蘇市黑川
九州自由行攻略2026｜😋九州美食推介
1. 牛腸鍋
嚟到福岡一定要食鼎鼎大名嘅內臟火鍋！而「大山牛腸鍋」作為牛腸鍋名店，喺福岡市區有多間分店，連機場都有分店，而且長期都大排長龍！餐廳主打一人牛腸鍋，採用九州出產純牛小腸，仲可以品嚐馬肉刺身。湯底有味增、醬油及水煮湯可選擇，套餐最平約HK$80，絕對係性價比首選！
📍地址：博多站中央街9-1 KITTE博多9F等分店
> “Da Da Cheung” 拍片分享福岡人氣牛腸鍋店食評<
2. 馬肉刺身
去熊本點少得將「挑戰食馬肉刺身」加入行程！就咁聽落好似好驚嚇，但其實作為熊本當地代表美食，馬肉脂肪分佈均勻而且低脂高鐵質，營養價值高！馬肉刺身喺熊本嘅普及程度，甚至去到超級市場都可以輕鬆買到！推薦大家食嘅時候一定要配甘口醬油一齊食，更能引出馬肉鮮味，層次更豐富！
3. 釜飯「由布まふﾞし 心」
去由布院除咗浸溫泉、觀賞風景之外，由布院著名「釜飯心」都係必食之選！分別於由布院車站及金鱗湖設有分店，均大排長龍！餐廳附有中文餐牌教客人點樣食，釜飯分別有三種食法：直接食、加醬料小菜一齊食及配上自家製高湯變茶泡飯食。另外地雞都係店內必食招牌之一，即刻睇社群U Creator分享食評啦！
📍地址：大分縣由布市由布院町川上1492-1
招募旅遊U Creator l 出Post賺旅費！✈️
立即登記➡️ https://ulapp.hk/ldcg3
🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
圖片來源：社群U Creator @Dull、 @Cyril 、 @Yinsharing 、 @Twinki 、 @Da Da Cheung 、 @EsterCheung 、 @DollyLing
#ULifestyle應用程式 #ULifestyleApp #社群 #ULifestyle #日本 #九州 #日本好去處 #打卡 #日本自由行 #日本行程推介 #九州行程 #九州自由行 #打卡好去處 #行程推介 #由布院 #由布院之森 #溫泉 #九州美食 #美食推介 #別府溫泉 #熊本 #阿蘇 #鬼滅之刃 #神社
UTravel熱門旅遊話題
↓立即登記參加！賺取無上限現金賞💰↓
↓即睇最新行程懶人包、爆紅打卡點🔥、必吃美食😋等↓
