日本旅遊攻略
踏入12月，係時候出國滑雪，感受冬日限定活動！而日本有全球滑雪者夢寐以求嘅「粉雪」，因此吸引唔少世界各地嘅滑雪愛好者前來朝聖。如果您係新手正在計劃去日本滑雪，又唔知去邊個滑雪場好，今日小編就整理咗日本5大最適合新手體驗嘅滑雪場，包括北海道、東北地區、中部等地人氣滑雪場，即刻save低睇下邊間最啱您啦！
Table of Contents
2025陪您倒數聖誕 天天解鎖驚喜活動！
今年U Lifestyle為您帶來互動倒數月曆！由即日起至12月26日期間，U Lifestyle App每日都為大家帶來不一樣的聖誕驚喜好禮，完成指定聖誕任務就有機會贏酒店雙人自助餐丶酒店Staycation連餐飲體驗、拍vlog必備Insta360隨身相機全新系列、AIA友邦嘉年華門票、自由鳥亞洲旅遊數據卡及Namco代幣連醬料套裝等3,000多份禮物。即刻mark實U Lifestyle每日聖誕限定任務，陪您迎接溫馨聖誕！
北海道滑雪場推介
1. 留壽都滑雪場
留壽都渡假村為北海道規模最大嘅滑雪度假勝地，而裡面嘅滑雪場更曾入選為「日本最佳滑雪場」！雪場以高質粉雪聞名，雪質乾爽而且輕盈，滑雪體驗一流！全長3,500m共37條滑雪道分布唔同地形，無論係新手到高手，都可以搵到適合嘅滑雪路線。而場內亦設有兒童樂園，小朋友滑雪滑到攰，都可以去玩娛雪設施，推薦新手去體驗下！
地址：北海道虻田郡留壽都村泉川13
> "VenusWongys8707" 分享留壽都滑雪場抵玩攻略<
2. 富良野滑雪場
富良野滑雪場同樣位於「北海道粉雪地帶」，分為2個區域「北之峰區」及「富良野區」，每區各有一間同滑雪場相連嘅酒店，由山頂的共通滑雪道相互連接。全場共有28條雪道，再細分為初學者、中級者及高級者，唔同程度嘅滑雪玩家都可以玩得盡興。而且雪場交通方便，距離富良野市區約10分鐘車程，即日來回都唔會好趕！
地址：076-8511 北海道富良野市中御料
日本東北地區滑雪場推介
3. 藏王温泉滑雪場
每年冬天，唔少旅客都會選擇去東北地區，除咗朝聖千與千尋原型「銀山溫泉」外，同時都為打卡壯觀嘅自然奇景「藏王樹冰」。位於山形縣同宮城縣交界嘅藏王溫泉就係當地最受歡迎的滑雪場，共有12條雪道。除咗可以滑雪穿梭樹冰林之外，每年2月中左右仲可以搭吊椅纜車前往高處打卡可遇不可求嘅「藏王樹冰」奇景！一次過滿足您溫泉、滑雪、點燈多種體驗！
地址：990-2301 山形縣山形市藏王溫泉
藏王温泉附近酒店推介➡️ https://ulapp.hk/fc0ez
日本中部滑雪場推介
4. 輕井澤王子大飯店滑雪場
計劃冬季去東京嘅滑雪新手們可以去呢個位於長野縣輕井澤嘅「王子大飯店滑雪場」，係最近東京市區嘅滑雪勝地，東京搭新幹線約1小時車程，十分方便。滑雪場共有14條滑道，整體斜度平緩，適合滑雪新手體驗。雪場鄰近購物中心，滑完雪仲可以去附近outlet行街，買埋手信先離開又點話！
地址：長野縣北佐久郡輕井澤町輕井澤 1116
5. 越後湯澤GALA
越後湯澤為日本熱門滑雪區，以高海拔和優質的雪質聞名。其中「越後湯澤GALA」有廣闊又且地形豐富嘅雪道，非常適合初學者體驗。雪場交通都夠晒方便，由東京前往越後湯澤只需70分鐘，而且新幹線「Gala 湯澤站」更可直接到達滑雪場！附近除咗有溫泉SPA設施之外，仲有清津峽等景點，一次過滿足您冬日願望！今年「越後湯澤GALA」滑雪場將於2025年12月20日開放，計劃去「雪國」滑雪嘅您mark實啦！
地址：新潟縣南魚沼郡湯澤町大字湯澤字茅平1039-2
⚠️注意事項：
計劃好滑雪場之後，初次滑雪嘅您出發前記住預約定語言相通嘅滑雪教練，學習正確摔倒姿勢，並提前準備滑雪手套同護目鏡！落場滑雪前謹記一定要熱身拉筋，並檢查您嘅滑雪裝備。記得先學習正確摔倒姿勢，留喺適合自己程度嘅「初級者雪道」練習，並與他人保持距離，避免互相碰撞！
【U GO x 社群倒數聖誕🎄】送酒店自助餐丶Insta 360相機丶AIA嘉年華門票及代幣等🎁！
解鎖今日禮物/活動 👉 https://ulapp.hk/apq41
🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
-----------------
圖片來源：王子滑雪度假村、IG帳戶@rusutsuresort_official、@furanoski_official、@zaoonsengram、@galayuzawa_official、社群U Creator @VenusWongys8707、@米小姐的食桌物語、@Snowblue 雪藍、@JaneJane
#ULifestyle應用程式 #ULifestyleApp #社群 #ULifestyle聖誕倒數 #UGOXMAS2025 #UCommunity4周年 #UCommunity聖誕倒數 #社群生日快樂 #送禮 #聖誕節 #聖誕禮物 #倒數聖誕 #滑雪場 #日本 #日本之行 #日本滑雪場 #輕井澤 #北海道滑雪 #北海道 #滑雪場推介 #藏王溫泉
UTravel熱門旅遊話題
↓立即登記參加！賺取無上限現金賞💰↓
附搶飛連結🔗不再錯過演出消息‼️
