日本旅遊攻略
|
|
在東京，最方便大家買手信嘅地方，我首推「東京站」！首先東京站本身就係一個旅遊點，車站內外都有好逛好買點，足可玩足大半日。而單單在東京站內，就有大量精品店、手信店，買走手信話咁易，但要買走「好」手信，就必跟我哋為你打包的以下 6 大人氣美味推介，保證送畀邊個都唔失禮！
溫馨提示：東京站內非常大，如果迷路、搵唔到手信店所在位置，即去詢問處出示相關手信照片或店名，職員能以英語指引方向。
地址及詳細介紹日本芝士撻名店 Bake 集團新店，唔賣撻，而係賣牛油忌廉焦糖夾心曲奇！唔好睇少曲奇細細件，店家用咗北海道產小麥粉及鮮牛油做曲奇皮，又用北海道牛油忌廉及焦糖醬做餡，買走呢份手信一定夠潮！
由前白宮糕餅師 Bill Yosses、日本首位芝士專業鑑評家村瀨美幸、獲法國政府頒最優秀芝士職人 Rodolphe Le Meunier 等芝士達人監修，並合力創作了 3 款芝士手信，其中以「Newyork Perfect Cheese」最具視覺震撼！
創業 10 年的「ねんりん家」係年輪蛋糕專家，不時推出限定新口味，不論係大丸東京分店，還是東京站內銘品館分店，都係有人龍！熱賣 No.1 係「マウントバーム しっかり芽」Mount Baum Kuchen 款色年輪蛋糕！
多次成為東京站人氣手信 No.1 的「The Maple Mania」，多款小食都由加拿大魁北克產嘅百分百楓糖漿、高級牛油製成！最受歡迎的是「Maple Butter Cookie」，牛油餅乾香口又有微甜糖漿味，包裝又走可愛風，讚！
