曼谷炭燒流水活蝦超新鮮

2021.02.18

食海鮮！最緊要夠生猛、夠新鮮！好似曼谷呢間餐廳 Taikong，食客可以好似食流水麵咁，在水池內即夾活蝦，隻隻彈彈吓，夠晒新鮮。場內另有十多款海鮮任夾任食，加上不設用餐時限，圍起一個人都係約 200 港元，在網上勁有人氣。餐廳就在翟道翟附近，下次去曼谷一於食餐飽！

*文中貨幣已兌換成港元，1 港元約兌 4.09 港元

海鮮、任食、無限時，在曼谷算不上甚麼新鮮事，好似 Mr. Seafood、Laemgate 都是港人至愛。不過食海鮮，當然愈生猛的愈好，又有甚麼比自己動手撈活海鮮來得更新鮮？就在 JJ Market 附近的 Taikong seafood buffet 特別以流水活蝦做綽頭，由客人自助夾起，在當地超有人氣。

疫情前，店子 5 點營業，未開門先見人龍排隊等食。兩條水道正正在餐桌兩旁，一坐低店員立即會放上炭爐，食客隨時開餐。急不及待夾起水道中的大頭蝦，每隻都有近手掌大，彈彈下夠晒生猛，嚇得同行女伴哇哇大叫。食店提供冰桶先冷凍活蝦，再放上炭火上燒。不過留意網面跟炭火距離頗近，一邊燒要一邊翻，控制好火喉，大約 3、4 分鐘就燒得紅彤彤。搣開蝦膏不多，口感則緊實彈牙，蝦味濃郁。食完一隻又一隻，我們每人都至少鯨吞了 10 隻大蝦，相當滿足。除了水道中的活蝦，在自助區之中亦有紅蟹、扇貝、蟶子、青口、蜆貝、鰤魽、墨魚仔等海鮮，另有秋葵、栗米、茄子串等。以大約 200 港元來計，選擇夠多 CP 值高。不過環境比較窄小要扣分，跟其他食客背貼背，對住炭火燒，不消一會就吃到大汗疊細汗。

點擊圖片放大