日本旅遊攻略
2018.12.20
港人愛外遊，尤其愛到日本玩樂，每年總會抽時間返「鄉下」歎世界，窮遊豪遊各有捧場客。最近有網民於討論區發文，表示自己遊日本期間於主題餐廳見到香港人坐足半小時無幫襯，拍下對方一行四人並放上討論區投訴講明「窮就唔好學人去旅行，去旅行，就唔好影衰香港人！」，帖文引起不少網友討論。
延伸閱讀﹕拍下偶像機上照後要求退票下機 粉絲拖累航班延誤1小時
延伸閱讀﹕飯後即興搭直升機！ 日本節目追蹤半島酒店董事千金香港離地生活
網友於網上討論區分享自己於札幌機場嘅Hello Kitty餐廳食午餐時見到的港人「丟架」事。網友和旅伴見到主題餐廳裝修吸引，特地於餐廳食午餐順便影相打卡。每當準備開餐之際，四個操流利廣東話的男性遊客大叫「喂，呢度有水斟喎，唔洗錢㗎，入去囉」，網友形容四人浩浩蕩蕩行入餐廳並霸佔一排位坐，「然後個個都去自助飲水機攞杯裝水，裝完水飲就拎手機出嚟玩，仲要仲要聲大大喺度高談闊論」。網友指「大約大半個鐘後，佢地飲夠玩夠之後，就施施然咁走人，乜都無幫襯，只有攪攪陣。」
樓主直斥 4 位港男的行為「窮」，並留言指：「我嘅意見係：窮唔係罪，但係唔好咁 cheap,做埋咁多影衰香港人嘅事,出外旅遊，你就係代表左香港人，你嘅行為，唔係只代表你，亦都影響埋我地。」
發文一出即引起熱烈討論，有人指「窮到幾百円都無，咁辛苦去嚟做乜」，又話「冇錢的話，真係唔好學人去旅行，丟架。」等，齊齊聲討四男大聲喧嘩兼無幫襯行為。
之後又有人分享其他港人外遊的「失禮事」，包括搲著數及自私霸位等。
亦有網友不認同發文者貼相「公審」四男，提醒他於日本不能偷拍，又指他的行為一樣自私有問題。
常有報道寫香港遊客失禮事，包括預訂餐廳民宿卻無故失約，不單為店家大失預算兼帶來麻煩，更間接令其他外遊港人受害，使部分餐廳不接待港客。提提大家外遊時記得做好自己，免得被視為「觀光公害」。
來源：香港討論區
UTravel熱門旅遊話題
【精華重溫🌟】社群年度熱搜帖文榜單出爐！🏆↓
↓主題追蹤人次突破二百萬!! 即刻重溫精彩時刻 ↓
↓主題追蹤人次突破二百萬!! 即刻重溫精彩時刻 ↓
🔔睇《U GO》輕鬆掌握最新食買玩情報！↓
立即探索🔍最新熱門活動📍好去處推介🌟
立即探索🔍最新熱門活動📍好去處推介🌟
