日本旅遊攻略
Tabelog訂位｜Tabelog預約日本餐廳｜日本自由行App推介｜日本美食｜食べログ｜去日本旅行想試人氣餐廳又驚排隊？不如事先在網站訂位就最方便！有「日版Open Rice」之稱的Tabelog（食べログ）除了可以為食肆評分外，其實還有預約餐廳服務，現時Tabelog更支援繁體中文、簡體中文和英文版。小編就為大家整理了tabelog預約教學，下次「返鄉下」都可以輕鬆預約心水美食餐廳！
日本網站Tabelog教學：餐廳訂位、查看評分
有「日版Open Rice」之稱的Tabelog（食べログ）是不少人遊日必備工具之一，於Tabelog網站可以搵到日本全國各地的餐廳資訊，包括地址、營業時間、人均消費、聯絡方法、前往交通等，亦提供用戶評分參考，5粒星為滿分，看到心儀餐廳，更可以直接透過網站預約留座，非常方便！現時Tabelog官網已經支援繁體中文、簡體中文和英文版介面，就算不諳日文也可以於網站輕鬆搵到日本美食！
Tabelog搜尋餐廳
不懂日文的話，其實Tabelog中文版的搜尋內容同日文版大同小異，首頁可以見到搜尋欄，由縣到市，再到分區，之後可以揀餐廳類型。入到搜尋結果頁面，你可以根據預訂最多、瀏覽最多或排名順序排序，也可以縮小搜尋範圍，加混價錢、營業時間、指定付款方式、餐廳設備等條件。
如果識日文的朋友當然可以直接用日文版搜尋，內容會更加準確和豐富，而且還有一些餐廳專題報導、Tabelog得獎餐廳排行榜、星級美食博客等內容。
Tabelog預約教學
於Tabelog中英文版都可以進行預約，即看以下步驟：
Tabelog預約教學｜1. 輸入預訂詳情
- 選擇預約日期和時間
- 選擇想要預約的套餐（你可以在選擇時查看套餐詳情）
Tabelog預約教學｜2. 預訂者資訊
- Tabelog將執行電子郵件地址驗證，當你選擇套餐並繼續下一步時，請輸入電郵地址。
- 用戶將收到一封確認電郵，因此請按一下電郵中列出的URL。
- 請點擊電郵中提供的 URL 並輸入你的預訂資訊。
- 輸入信用卡資料。
*輸入信用卡資料後，將進行安全系統身份驗證。根據信用卡公司的不同，你可能需要輸入密碼。
*信用卡資訊將用於支付系統使用費（JPY 440/人）和取消費用。
Tabelog預約教學｜3. 預訂確認，完成
- Tabelog將確認預訂詳情。
- 完成預訂後，你將收到一封預訂確認郵件（請務必檢查內容）
Tabelog預約教學｜如何更改/取消預訂？
Tabelog更改預訂方法
如果一早預訂了餐廳但行程上突然有變化，需要更改預約時間的話，請留意以下步驟：
1. 造訪預訂詳情確認畫面
點擊預訂確認電郵底部的鏈接，其中顯示「可以從下面的頁面確認/更改/取消預訂」，進去後將顯示你的預訂詳細資訊的確認畫面。
2. 輸入預訂號碼和電話號碼驗證
- 輸入預訂確認郵件中記載的10位預訂號碼，然後按下「發送」按鈕。
- 收到電話號碼驗證電子郵件並點擊電子郵件中的連結。
- 輸入你在預訂時輸入的電話號碼，然後按下「驗證後前往確認畫面」。
3. 查看更改預訂詳情
- 頁面將顯示你的預訂詳細資訊以供確認。
- 用戶只能更改日期、時間和人數。根據需要進行更改並提交更改。
- Tabelog將發送預訂變更電子郵件，請檢查內容。
*如果無法在網站上更改的預訂信息，請直接聯繫商戶。
Tabelog取消預訂方法
萬一無法如期到訪餐廳，「No show」絕對是非常不禮貌的做法，最好還是提早取消預約，可參考以下步驟：
1. 造訪預訂詳情確認畫面
點擊預訂確認電郵底部的鏈接，其中顯示「可以從下面的頁面確認/更改/取消預訂」，進去後將顯示你的預訂詳細資訊的確認畫面。
2. 輸入預訂號碼和電話號碼驗證
- 輸入預訂確認郵件中記載的10位預訂號碼，然後按下「發送」按鈕。
- 收到電話號碼驗證電子郵件並點擊電子郵件中的連結。
- 輸入你在預訂時輸入的電話號碼，然後按下「驗證後前往確認畫面」。
3. 查看取消預訂詳情
- 頁面將顯示你的預訂詳細資訊以供確認。
- 閱讀條款和條件，選取複選框，然後按下「取消預約」按鈕。
- Tabelog將發送取消預訂電子郵件，請檢查內容。
*注意：如果餐廳制定了取消政策，餐廳可能會對違反該政策的取消收取取消費用。另外，即使取消預訂，系統使用費也不會退還。
*若無法在線上取消預訂，請直接聯絡商戶。
Tabelog手機應用程式
雖然Tabelog都有App版，但iOS只能透過日本App Store，並要有日本Apple ID才可下載，而Google Play Store亦只支援日本地區下載，所以還是使用網頁版更加方便！
Tabelog網頁：>>按此<<
來源：Tabelog
【延伸閱讀】
除了東京、大阪，近年越來越多香港人喜歡到福岡旅遊，這裡有日本三大拉麵之一「博多拉麵」，此外，明太子、牛腸鍋也是福岡必吃名物，如果想感受「日本式大排檔」，就不得不去福岡歷史悠久的屋台體驗一下！本文為大家精選了15間於Tabelog高評分的福岡餐廳，包括燒肉、牛腸鍋、鰻魚飯、拉麵和屋台推介，去福岡旅遊前記得bookmark！
有。Tabelog現時支援日文、繁體中文、簡體中文、英文及韓文版5種語言，搜尋介面大同小異，即使不諳日文的朋友都可以輕鬆使用。
可以。Tabelog網站除了提供日本全國各地的餐廳資訊，包括地址、營業時間、人均消費、聯絡方法、前往交通等，亦顯示用戶評分，更可以直接透過網站預訂訂餐廳。
-
日本之行
Yoroniku
東京燒肉天花板❤️🔥Tabelog得獎名店！松露壽喜燒？
!!此生只能食一頓牛就選這間!! 對日本燒肉有興趣嘅唔少人會選擇蕃 Yoroniku,但預約困難程度更加係打大佬級,今次二訪よろにく,位於表參道南青山同樣係tabelog 得到極高分4.21(得到 4分以上嘅餐廳極少),高級燒肉餐廳路線,有唔少當地人都去食,整個用餐體驗完美,無論係環境､套餐設計､食材､進食用具同服務,都體現到日本人嘅細心! 🌟Premium Set $14,400 yen 總共包括12道菜,全程有專人幫你燒肉!整個menu設計超用心,食盡多種牛肉料理方法~由生牛肉他他､剌身壽司､燒肉､到松露壽喜燒,選用匹配嘅牛肉部位,超淺味食到濃👍🏻 最貼心最後仲有素麵同刨冰一掃油膩,成個用餐體驗真係100分!牛肉質素絕對冇得彈!軟淋嘅程度係平時極罕見,仲要唔係油脂部分都食到好香肉味,咬落都係咁嫩!今次帶埋老兩去食佢地都好滿意😍 🌟 推薦指數: 10/10‼️ ▫️▫️▫️▫️▫️▫️▫️▫️▫️▫️▫️▫️▫️ 📍よろにく 東京都港区南青山6-6-22 ﾙﾅﾛｯｻB1F 打卡美食打卡社群共創攻略UCreatorHK香港美食攻略香港購物攻略 chill嘆酒店旅人祭速速水潤奇蹟淨白透亮520打造韓系浪漫廚房韓式髮型神器東京自由行東京美食東京東京景點東京攻略日本好去處日本自由行夏日購物賞
閱讀更多
-
日本之行
［福岡推介］九州拉麵天花板！豬骨Cappuccino之稱！
如果你去博多,想試豚骨拉麵,｢博多一双｣ 係一個唔錯嘅選擇｡佢哋嘅豬骨湯底出名濃郁,甚至有｢拉麵界 Cappuccino｣嘅稱號,入口香滑,帶有濃厚骨香,但唔會過於油膩,飲落去好滿足｡ 價錢方面都算親民,一碗基本拉麵大約 850円,加配料都係合理範圍｡難怪佢喺 Tabelog嘅評分有 3.73,算係當地受歡迎嘅拉麵店之一｡店舖環境唔算大,但氣氛地道! 如果你鍾意豚骨湯底比較濃郁,咁呢間拉麵店可能會啱你口味｡去福岡旅行時,不妨試吓!🍜 福岡福岡自由行福岡美食博多拉麵拉麵店
閱讀更多
-
日本之行
東京都
東京必食： 人氣醬油拉麵
らぁ麺や 嶋 (Tabelog 3.99分) 📍東京都渋谷区本町3-41-12 今日呢間係東京排第三嘅拉麵店,而家改咗冇 walk in,全網上預約,雖然要收幾百 yen 預約費,但對遊客嚟講仲方便咗｡ 預約方法係用餐前一日準時八點上 Tablecheck 搶位就可以｡ 以為佢咁高分會難搶,但最後係比想像中易｡ (前幾日想搶拉麵八五,但失敗)｡ 我哋準時到達,去到唔知點解咩都唔使 check 就俾我哋入🤔｡ 喺等緊碗麵嘅時候,我留意到隔離食客夾條麵上嚟嗰陣,條麵好似偏軟身,鍾意食硬麵嘅我即時心諗大wok 了｡ 特上醬油拉麵 JPY1850 對比前日的 Ramen Matsui,呢間嘅湯底味道比較單一,雖然冇佢嗰碗咁多層次,但飲落冇咁咸 (但其實都係咸😂)｡另外見呢度碗湯會多咗啲油喺面,食落係好香但同樣令到入囗有膩嘅感覺｡ 而麵條就真係偏軟身,一開始還好,但愈食愈淋,對我嚟講唔太ok｡ 但佢好處係麵質掛湯,呢個又加返分｡ 餸就有好多塊唔同煮法同部位嘅叉燒,全部都係傳統拉麵嘅厚叉燒,但因為我本身唔喜歡厚叉,所以冇乜點食同 comment｡ 另外仲有兩粒雲吞,佢入面嘅饀算多,食落有少少似港式雲吞,不過嫌佢塊皮厚咗啲啲,同埋冇 Ramen Matsui 嗰塊咁滑｡ 由於麵質太淋加上係厚叉,所以我冇覺得呢度好好食｡ 特上鹽味拉麵 JPY1850 呢碗個湯就比較清,但用佢嚟配淋麵就真係好唔 ok😂｡ 同醬油湯比較,我係比較喜歡醬油湯的｡ 至於呢間同 Ramen Matsui 比較嘅話,我自己係比較喜歡後者,雖然食完我真係囗渴咗成日,但我鍾意佢碗湯有較多層次｡ 我覺得,如果喜歡叉燒嘅可以嚟呢度一試,因為佢個湯其實都唔差,但如果好介意食淋麵的話,咁就要諗諗😂｡ 東京拉麵東京美食
閱讀更多
UTravel熱門旅遊話題
↓立即登記參加！賺取無上限現金賞💰↓
立即探索🔍最新熱門活動📍好去處推介🌟
