日本旅遊攻略
去日本旅行，除了總有一間在附近的便利店之外，其實百貨公司地下的超市都是搵食好地方！除了有時貪方便在百貨公司掃完貨可以極速買個便當返酒店解決之餘，百貨公司超市與便利店的最大分別是便當、刺身等都會在每日關門前進行減價！不過其實除了關門之前，每日亦有幾段時間都有不同食物的限時減價你又知道嗎？最近日本電視台節目《ヒルナンデス!》就介紹了位於東京池袋的東武百貨店，望望如何在百貨公司地下超市掃平價美食喇！
1. 2時の市（兩點市場）
超市每日於下午2時會有「2時の市」，超市內不同攤位都會有限時30分鐘特價。例如肉包500円2個（原價：786円2個）
鰻魚(穴子)飯由原價1080円減至半價540円！
小編認為「2時の市」適合當日傍晚機回程、要用盡最後的早上及中午時間掃貨而無時間去餐廳醫肚的朋友們！
上東武百貨官網都可以睇到每日的限時特價，可以預先睇下有無啱心水美食。
2. 每月「お魚の日」(魚之日)
超市每月3日、13日及23日為「魚之日」，屆時魚類都會有減價。例如鰻魚由平時1,790円減價至1,190円。
吞拿魚刺身由1,560円減至999円。
三文魚籽由1,980円減至999円，基乎半價咁濟！
除了「魚之日」外，超市還有「蔬果之日」（每月6日、16日及26日）及「肉之日」（每月9日、19日及29日），屆時亦會有減價。
3. 關門前便當8折/半價
最後當然少不了臨關門前減價喇！東武百貨店的地下超市於晚上9點關門，在晚上7點15分起超市的工作人員就會陸續為便當、壽司等貼上減價貼紙，最初大多是以8折或減200円為主。
大約八點半起就會陸續改為貼上半價貼紙，本身已經為數不多而且很快就會給日本主婦掃光，如果想「狙擊」半價便當不妨到咁上下時間就係心儀區域徘徊同留意一下超市工作人員喇！
東武百貨店 池袋店
地址：東京都豊島区西池袋1丁目1-25
交通：JR池袋站直達
來源：日本電視台節目《ヒルナンデス!》
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
↓即睇最新行程懶人包、爆紅打卡點🔥、必吃美食😋等↓
