日本旅遊攻略
有日本人 於 twitter 上發布，聲稱於 日本 便利店購入暖的罐裝粟米湯「ポッカサッポロ じっくりコトコトコーンポタージュ 190g」，喝了一口感覺噁心就倒出來看，見到原本應該係黃色嘅粟米湯，卻變成黑黑啡啡的。
這位網民於 10 月 30 日晚上，上載事件及照片至 twitter 上，他表示奇怪飲品賞味期限（保存期限）明明係 2018 年 8 月 16 日，同時叫大家小心。
貼文引來其他網民熱烈討論，有人留言覺得驚嚇，亦有人質疑照片造假。
該變壞罐裝粟米湯，原來購自大阪一間 Lawson 便利店。Lawson 為事件進行了初步調查，並在 11 月 6 日於官方網站發表聲明：
初步調查檢查結果大意如下：
請罐裝粟米湯製造商把該店放於同一環境下的同牌子飲品進行檢查：
(1)放於同一環境（加溫櫃內）的同牌子暖罐裝粟米湯，的確有幾罐證實變色。
(2)為同一環境下商品進行「病原性菌の検査」，並無驗出大腸桿菌群、金黄葡萄球菌、蠟樣芽孢桿菌。
(3)放於同一環境（加溫櫃內）的同牌子暖罐裝粟米湯，懷疑因為加溫過度而令食品中的糖分及胺基酸等，產生化學反應而變成褐色。
(4)製造商一向會建議販賣方，把加溫飲品放於 60 度以下環境加溫，及於加溫後 2 星期內發售。
請加溫櫃製造商進行檢查：
(1)該店的加溫櫃並無發現不妥情況。
(2)實驗結果指，加溫櫃內的飲品溫度調較至 60 度上下。
Lawson 表示，仍會繼續從多角度調查事件，查清原因。同時，為了令客人安心，將會暫時停售該款飲品。
根據以上初步調查結果，似乎「罐裝粟米湯加溫過度」是今次事件的調查方向。睇到呢度，大家會否有疑問：「咁我好唔好再繼續幫襯日本便利店，買暖笠笠罐裝粟米湯飲？」
作為罐裝粟米湯 fans 嘅小編，請教了中大醫學院高級講師翁家俊 Dr. Tony 解答疑問：
Q1：其實罐裝粟米湯加溫至接近或超過 60 度，係唔係真係會變壞？
A：跟據便利店公布的初步調查結果，今次事件，懷疑是該飲品存放在攝氏 60 度上下的加溫櫃，高於生產商提出的合適溫度所造成。但其實有幾個疑點：
疑點 1
-食品變壞，會呈瘀瘀啡啡的顏色，不會如此深色，我個人認為相中顏色黑得幾假。
60 度其實不算高溫，日常煮食就會以 100 度煮熟、煮滾。這類罐裝粟米湯，與普通自家製的粟米湯比較，糖分稍高，內含的炭水化合物、蛋白質、胺基酸等即使以 60 度加熱，在食物科學角度上，不會導致相片中的結果。
疑點 2
-何解只有幾罐出事，而非加溫櫃內所有同牌子粟米湯飲品都變壞？
我估計，可能是罐身生銹，氧化而令食品受細菌影響，產生化學作用所致。生產商在包裝的品質監控有否出問題呢？
從帶有「懸念」的方向諗：人為加害、有人於飲品加入有毒物，亦是有可能的。一切有待詳細調查。
Q2：如果咁唔好彩，像事主般喝了一口變壞罐裝粟米湯，對人體會有甚麼影響？
A：如果只是一啖、少量的變壞飲品，不足以造成很大的健康問題。理論上，變壞飲品酸度變高。如飲用量多，有機會傷害胃、食道等消化管道。但如果是人為加害，飲品帶有毒性，就可以好大件事。
正因你不清楚有毒 / 無毒，總之喝了變壞飲品就絕對要立即求醫。而且要保存好該飲品，帶同去給醫生看。若然飲品真係有毒，就可以從化驗中找出相應的解毒方法。
Q3：事件中的飲品生產商指「加溫飲品須放於 60 度以下環境加溫，及於加溫後 2 星期內發售」，係唔係所有便利店加溫飲品，在這個條件下都可安全飲用？
A：不是。每種飲品都有自己的保存指引，情況各異。簡單舉例：乳酸菌飲料中，乳酸菌要在特定溫度才能生存。
Q4：在揀選加溫飲品時，我哋有咩可以注意？
A：
-罐身
無奈的是，罐身內生銹是我們眼睛看不到的。如果罐身凹了，有機會係運輸上撞到所致，不用擔心。反而，如果罐身凸起，就代表罐內飲品因細菌產生了氣體變化，可能已變壞。盡量揀罐身完整冇凹凸異樣，比較有保障。
-存放溫度
可以留意加溫櫃的溫度顯示；加溫櫃內有否蒸氣出現；飲品摸上手時，有否不尋常地熱的感覺。
*留意返，在加溫情況下，「賞味期限（保存期限）」已經不能作參考，因為飲品已經不處於常態（常溫）。
-存放時間
相信即使懂日文的遊客去問日本店員、還是在香港便利店問店員：「這罐飲品在加溫櫃放了多少天？」他們都未必清楚，亦實在好難作紀錄。
總結：
以香港為例，飲品或食物包裝有否印上「加溫存放指引」是 optional、不受法例規管，消費者購買時無法清楚直接得知。
至於飲品銷售方，有否跟隨生產商的存放指引出售飲品，亦難以知道，實在非常依賴便利店（飲品銷售方）的操守啊。
不過不要忘記，想飲用安全的加溫飲品，作為消費者的自己也有責任，小心揀選，保障自己。
文、相：小窮維琪
部分相片：hket 圖片庫、網上圖片
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
立即探索🔍最新熱門活動📍好去處推介🌟
