日本旅遊攻略
2017.10.24
一班身型 fit 爆，全身充滿結實肌肉的澳洲消防員，何解要拍咁多輯火辣辣嘅靚相？查實佢哋「犧牲色相」，已經有 25 個年頭，自 1993 年起每年推出「澳洲消防員月曆」，目的係將部分收益捐畀治療燒傷科的醫院病童，咁有愛心嘅男人，唔只係人民心裏面嘅螢火蟲，直頭係 Hero！
一班型男消防員，25 年來推出月曆，已經籌募了 2,300 百萬美元，而 18 年的月曆除了為燒傷兒童籌募善款外，仲加添咗一班受惠新成員：就係澳洲動物園野生動物醫院，為保育野生動物而籌款。
型仔消防員除了和澳洲動物園野生動物醫院合作，借出一些澳洲野生動物如樹熊、馬同狗隻拍寫真以外，還有與當地動物機構 Safe Haven 動物救援組織合作，與一群被救起及正等候領養的小狗參與拍攝，靚相畫面真係 warm 到爆。
如果你對小動物興趣不大，可以購買純小鮮肉寫真月曆！今次月曆分為純型男組及型男十動物組，共有六款月曆。另，又特別因為早前發生的美國加州大火，現時每售出一個月曆，即捐出一蚊澳元（約 6.1 元）給受火災影響人士；況且每個月曆都只係售 20 澳元（約 122 港元，郵費因應地區另外計算），價錢唔算貴呀，做善事又可以欣賞型男，何樂而不為！
UTravel熱門旅遊話題
↓【快閃送200張亞洲4日旅遊數據卡！】↓↓
＞ 簡單留言，即有機會免費得到！＜
＞ 簡單留言，即有機會免費得到！＜
🔔睇《U GO》輕鬆掌握最新食買玩情報！↓
立即探索🔍最新熱門活動📍好去處推介🌟
立即探索🔍最新熱門活動📍好去處推介🌟
