越南會安古城　細味‧慢活 | U Travel

澳門快閃遊

大灣區快閃遊

正在閱讀
越南會安古城　細味‧慢活

文: U Travel 小編小窮維琪

2017.06.16

越南會安喺百年前是越南的貿易重鎮，淨係睇到嗰條寬闊嘅大河，可以媲美水深港闊嘅維港，當年就同香港一樣，泊滿中、法、葡萄牙等國嘅商船。從建築群中顯得非常突出嘅會安鄉鎮會館，係中國移民所起嘅；街上一間又一間牛油色大屋，都散發出法式殖民建築風味。保留原始，會安古城同時融和多國風情，就係越南特色。

慢活眾生相

會安有唔少漁民，因近年旅遊業興旺，好多漁民都放棄捕魚，轉行賣紀念品做遊客生意，但仍然堅持過自己嘅生活。

會安小屋散發著法國風味，加上檔口以英文口號宣傳，點會相信呢度就係越南。

【延伸閱讀】【#旅遊盲點】機上 Wi-Fi 勁方便　卻暗藏 4 大漏洞？

【延伸閱讀】【#旅遊盲點】飛機抗燥系列之飲水保濕大法

會安也有自家設計

咪以為嚟到越南無嘢買，呢間 O-Collective / O85 係一間有趣嘅舖頭，專門搜集本地有意思嘅設計品牌。

就好似呢幾個袋，係越南本地品牌 biethic 嘅產品，佢用汽水蓋整嘅，環保又得意！

O-Collective / O85

地址︰85 Nguyen Thai Hoc, Hoi An, Quang Nam-Da Nang, Vietnam

電話︰+84 (0)9 0589 3740

Facebook︰OCollectiveHoiAn

估你唔到傳統小食

最初嗅到一位嬸嬸們在炭爐上燒粟米，見她還有賣綠豆番薯餅，就買了個，誰知她也把糕餅拿去燒，口感軟糯，甜甜的很不錯，8 港元 /3 個。

嬸嬸淋上魚露、麻油、豉油等製成的自家醬汁後，就算唔太鍾情粟米嘅朋友，都食到停唔到口！約 4 港元 / 條

潮食名廚媽媽菜

同「Mai Fish」的老闆 Duc 傾偈係開心嘅，因為佢流利嘅英語同埋豪爽性格，絕對係吹水良伴。原來 Duc 生於越南受戰爭影響的動盪年代，16 歲就跟鄰居墨西哥人離開越南。去過歐洲、新西蘭等地做廚師，學會一身武功，但最喜歡嘅始終係媽媽嘅廚藝。

本來係胡志明人嘅 Duc，因為鍾情會安人嘅友善、環境、文化氣息，當然仲有食材，海鮮生猛，蔬菜清新，仲可以自己種田。所以開過兩間餐廳嘅 Duc，2012 年 10 月決定掏出私藏媽媽菜食譜，大膽混入多國調味法 mix & match，就連搖滾歌手 Mick Jagger 都係佢嘅座上客。

Duc，當年的滑浪小子，已集各家之大成當上會安一位性格名廚。

買下大屋的 Duc，落手落腳裝修，餐廳採用 open kitchen，有趣。

White Roses 白玫瑰約 19 港元（VND 50,000）首先賣相討好，米漿通透煙韌，小小甜蝦肉當調味，又加入脆蒜片增加口感，作為前菜最正。

Cao Lau 會安乾麵約 23 港元（VND 60,000）會安特產，粗麵條加上薄切豬肉片、香草、香芹、魚露等，配以濃郁醬油伴勻後吃下，麵條有嚼勁，味道酸酸辣辣，Duc 特別加上紅蔥頭，香氣立即提

傳統越式香茅豬扒飯約 34 港元（VND 90,000）以香茅、魚露、蔥油等 5 種香料調味而成的豬扒，肉質鬆化，配以煎蛋、黃瓜、醃菜等，是地道碟頭飯！

Mai Fish

地址：45 Nguyen Thi, Minh Khai, Hoi An, Vietnam

電話：+84 (0)510 392 5545

UTravel熱門旅遊話題

【出遊必備】U Community社群送您tomtoc大容量旅行袋！↓
＞登記即送，人人有賞！＜

🔔睇《U GO》輕鬆掌握最新食買玩情報！↓
立即探索🔍最新熱門活動📍好去處推介🌟