日本旅遊攻略
2017.05.04
繼《太陽的後裔》後，宋仲基再次飾演軍人，不過今次唔再青靚白淨，整段 trailer 只見到他與蘇志燮及黃晸玟由頭烏卒卒到腳，仲要打生打死，作為太太們真係隔住個 mon 都覺肉痛。
最近被雙宋聯婚搶盡風頭，連帶新戲《軍艦島》宣傳，焦點都集中在宋仲基身上，令到蘇志燮及黃晸玟的太太們不是味兒。但世事又點會咁咁簡呢？在新預告蘇志燮爆肌演出夠搶鏡，黃晸玟愛女深切夠催淚，誰也不被誰搶鏡，似乎今次三位男神真係有排鬥。
三人首次合作的《軍艦島》講日本殖民統治時期的韓國，日軍強行加利誘 400 幾名朝鮮人到軍艦島做黑工。超級發錢寒惡人蘇志燮及為保護個女的酒店樂團長黃晸玟，被賣豬仔去咗軍艦島做奴隸，每日都要深入千幾米的地底採煤礦又冇啖好食，仲要被剋扣人工，苦不堪言。軍人宋仲基，諗盡方法潛入軍艦島拯救佢哋，睇見都知辛苦。
電影拍足半年，兩位男神日日都全身烏卒卒又要為部戲減肥，拍到嗌晒救命，身為太太們，入戲院支持是常識吧！
【延伸閱讀】【#環球搜映】張考全夏威夷大解放 勁 SHOW 40 吋胸肌
【延伸閱讀】【#環球搜映】動態縮時影遍全球廿國 烏克蘭攝影師：香港最靚
上映日期：8 月 10 日
軍艦島究竟有幾恐怖？
UTravel熱門旅遊話題
【精華重溫🌟】社群年度熱搜帖文榜單出爐！🏆↓
↓主題追蹤人次突破二百萬!! 即刻重溫精彩時刻 ↓
↓主題追蹤人次突破二百萬!! 即刻重溫精彩時刻 ↓
【Chill Guide旅遊指南😎】日韓台泰越深圳2025行程攻略✈️↓
↓即睇最新行程懶人包、爆紅打卡點🔥、必吃美食😋等↓
↓即睇最新行程懶人包、爆紅打卡點🔥、必吃美食😋等↓
