日本旅遊攻略
中山美食純玩旅行團｜週末想快閃放鬆？廣東地區絕對是香港人高CP值的度假首選！今次精選3個超人氣2天純玩團，主打入住最新落成的奢華酒店，更有機會親眼欣賞震撼的非遺打鐵花表演。美食方面同樣重磅，由肥美海鮮自助餐到地道爆汁乳鴿一應俱全，用超抵價錢就能帶全家人享受星級假期！
中山2天美食純玩團精選
1. 中山中心華邑酒店高空美景2天純玩團（大航假期）
追求高空景觀與奢華住宿的團友首選！行程保證入住全新開業、位於鬧市中心的國際品牌「中山中心華邑酒店」，更會安排入住35樓以上的超高空客房，尊享約450呎的寬敞奢華空間。當晚團友將會前往酒店47樓的高空餐廳，一邊俯瞰繁華城市夜景，一邊豪嘆超豪華的海鮮自助晚餐，將頂級住宿與高空美食美景完美結合。
旅行團價格： 港幣 $799 起
酒店特色： 2026年3月全新開業、鬧市中心國際品牌《中山中心華邑酒店》（保證入住35樓以上約450呎高空客房）
美食亮點： 海鮮自助晚餐、皇牌推介：位上冰鎮菊花（六頭）鮑魚、鴻運荔枝柴鳳凰宴
2. 東方鳳悦鳳凰酒店爆汁乳鴿2天純玩團（永安旅遊）
專為追求「快閃、地道、無負擔」的精明食玩港人而設。行程標榜「無購物、無車販、無自費」，讓大家百分百投入純玩度假。團友可以漫步極具古典懷舊特色的「孫文西路步行街」，並暢遊被譽為中山“小天壇”的紅豆杉古戲台及紫馬嶺公園，用最舒適的節奏探索當地人文美景。而靈魂所在的餐飲編排更是份量十足，保證讓大家大飽口福。
旅行團價格： 港幣 $299 起
酒店特色： 入住舒適4星級中山東方鳳悅鳳凰酒店/中山喆啡酒店
美食亮點： 生炸爆汁妙齡乳鴿（每位半隻）+ 鮑魚七彩撈雞宴、馳名金獎開心18秒脆肉鯇宴
3. 中山寧徽園酒店水鄉風情2天純玩團（永安旅遊）
想要體驗不一樣的江南水鄉風情，選這團就沒錯。行程一大賣點是保證入住最新開幕的「寧徽園酒店」，讓你在嶺南地區也能沉浸於白牆黛瓦的精緻徽派建築美學中。行程更會帶團友暢玩醉美鄉村「左步村」，以及有“嶺南周莊”美譽的「逢簡水鄉」，感受詩意慢生活。餐飲方面亦大走奢華精緻路線，餐餐皆是重磅名菜，絕對值回票價。
行團價格： 港幣 $699 起
酒店特色： 保證入住2026年4月全新開業，充滿江南風情的「中山寧徽園酒店」
美食亮點： 位上至尊海皇濃湯花膠翅（保證每位足3兩翅）、位上翅湯雲吞煲大花膠+紅燒石歧乳鴿（每客半隻）、藥膳胡椒豬肚雞+任食東升脆肉鯇宴
這三個快閃純玩團不單止性價比極高，而且食住配套全面升級，不論是想搶先開箱2026全新奢華酒店，還是想大啖地道爆汁乳鴿與海鮮自助餐，都能滿足你的度假慾望。趁住來臨的週末，一於約埋屋企人或朋友，兩日一夜話走就走，輕鬆上車出發啦！
-
中國攻略
中山市
大灣區吃喝玩樂 X 中山真係好啱玩 @ 華邑酒店 ( 中山 )
太太一班相識多年的閨蜜近年移居中山，所以年中總有幾次拉隊去吃喝玩樂。 之前因為有十幾人，一般都會選擇連鎖酒店，雖然配套設施較差，但“柴娃娃”一晚大家都無乜所謂。 今次純粹同太太兩人，當然想對自己好一點。 在網上平台找，發覺雙人房包早餐都係$1300左右，已經係假期價，仲要有巴士係沙田出發，直達酒店旁邊，行過去都係幾分鐘，睇落好方便。 早上0955車係沙田希爾頓中心上車，地點同我上去清遠是一樣的。 巴士經深圳灣口岸過關，大約12點半到目的地，前後連埋過關都係2個半小時，都算好快，又無須轉車，好方便。 今次入住華邑酒店，網上風評就一般，我同太太就睇中佢就腳同新淨，而且三月先營業，我相信好多時係流程未run熟，事隔多月，點都會好些小，套票未計車票都係$900左右，已包雙人早餐及下午茶，都抵，一陣講點解。 由地下大堂直上47樓辦理手續，前檯幾位都識廣東話，交流不成問題，辦理入住速度都快，而且未到兩點，只要有房都可以辦理入住，真好。 房間係44樓，一開門，窗簾會自動打開，陽光徐徐透入，感覺良好，加上沒有討厭的煙味，滿意度又加分。 偌大的雙人床，軟硬適中。 梳洗用品亦一應俱全，浴室是半透明玻璃，相信更適合夫婦或情侶。 酒店旁邊有假日廣場、萬民滙及金鷹廣場。 都算多地方食飯同玩。 午餐同朋友先試了假日廣場的「來龍點心」，勁多人，等4人檯足足花了最少一小時。 原先以為人多就好食，但事實我還是太年輕了，很多點心都出事，牛肉球及蝦餃醃至無味，素菜包餡料少，唯一可以讚就得荔枝紅茶，侍應亦反應快，但不會再來了。 趁太太回房梳洗，飲茶亦馬馬虎虎，未夠飽，朋友拉了去當地網紅店「亞金金」食咖哩麵。 想不到水準非常高，抵食，而且過了午飯時間，人流稀少，真好。 再約太太及閨蜜回酒店47樓用下午茶，因為在前檯即時辦理入洲際會，送了兩杯welcome drink，所以拉埋朋友一齊食。 其實下午茶都係￥198，但套餐包埋，不過講明要當天享用。 老實講，畢竟是品牌酒店，下午茶的賣相及味道都有水準，說說笑笑又是一個下午。 趁有時間，就去了新開業的按摩店，￥70多元套票又不可以要求太多。 仲要有麵條、水餃、甜品、水果及飲品，其實已經好好。 晚上用餐就在旁邊商場的「福盈鴿」。 套餐￥180左右，已經有齊鴿湯、臘味飯、菜蔬及滷水乳鴿，又係抵食，但味道上比起上次去「皇鴿」似乎比下去。 第一天是四處跑，實在有點累，但已相約朋友明天去試試酒店附屬酒樓「彩豐樓」。 再分享！ KK Day 套票 : https://www.kkday.com/zh-hk/product/594178?cid=19434 酒店地址 : 石岐区孙文东路28号完美金鹰广场 電話 : 800 902 417 想知道更多深圳資訊 : 深圳美食玩樂團(更新版) 大灣區吃喝玩樂齊分享 小紅書 : 美食焚化爐 IG : foodiephilip 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip 中山 KKday 美食焚化爐 深圳美食玩樂團(更新版) 大灣區吃喝玩樂齊分享 華邑酒店 (此文章由U Blog 同步發佈至社群)
閱讀更多
-
打卡熱點
最近去中山旅行欣賞的非遺英歌舞及變臉表演,十分精彩. 打造韓系浪漫廚房
閱讀更多
-
中國
中山市
中山7大必食人氣餐廳🔥中華第一乳鴿/嶺南園林用餐/小紅書爆紅打卡Cafe😋附價錢資訊
今次推介7間中山必吃美食，不但有「中華第一乳鴿」，仲有小紅書上爆紅，連張繼聰都去過嘅打卡café, 同絕美嶺南園林餐廳！即睇介紹➡️ 1️⃣石歧佬中山菜館(圖3-4) 大眾點評中山粵菜熱門榜第一！招牌石歧乳鴿甚至被譽為中華第一乳鴿，連蔡瀾、任達華等名人都去過! 地址：中山市石歧街道康華路36號 營業時間：每日11:00-14:30, 17:00-21:30 人均消費：¥94 2️⃣四囍咖啡公司(圖5-6) 中山必打卡復古Café，共有4間分店，不但在小紅書上爆紅，連張繼聰同洪卓立都有去過！每間的裝修也充滿80年代的懷舊風情。中山紀念堂店於百年騎樓內，超適合影相！ 有四間分店，僅列出最多人去的一家。 中山紀念堂 地址：中山市石歧街道孫文中路169號一層 營業時間：周一至周六 08:00-18:00, 週日08:00-20:00 人均消費：¥26 3️⃣盞簋品味館(圖7-8) 融合隆都菜傳統及現代創意風格的新式菜館。網民推介必食拆魚羹、紫蘇爆炒墨魚嘴同芥末檸檬撈雞~ 有三間分店，以下僅列出最多人去的一間 東區店 地址：中山市東區街道東苑路１５－１７卡 營業時間：每日11:00-14:00, 17:00-21:00 人均消費：¥74 4️⃣大墩榮記食店(圖9-10) 中山31年大排檔老字號，環境比較地道。網民推介鹹豬骨粥，椒鹽魷魚鬚同豉油皇鵝腸，話夠鑊氣同非常足料! 地址：中山市石歧街道大墩村47號之一 營業時間：每日17:30-凌晨3:00 人均消費：¥55 5️⃣香山家宴(圖11-12) 由清末民初建築群改建而成的餐廳，亭台樓閣古色古香，園林甚至係國家3A景區！嶺南園林內有書院等特色建築，遊客都可以進去打卡。用餐的話，坐長廊位仲可以於錦鯉池邊用餐，店內亦有包廂。網民推介必食招牌菊花刺身(甜品)、牛氣沖天及大煎堆！ 地址：中山市西區彩虹大道167號荔景苑內 營業時間：每日11:00-14:00, 17:00-21:00 人均消費：¥147 6️⃣紅日飯店(圖13-14) 20年老字號的餐館，同樣係小紅書爆紅店，招牌脆肉鯇好受歡迎！網民推介一魚多吃套餐，可以品嘗到脆肉鯇火鍋，仲有椒鹽魚骨、豉汁蒸魚腩等多種食法！即日鮮宰現炸的乳鴿亦被網民狂推。 地址：中山市小欖鎮裕隆三路70號對面 營業時間：每日11:00-14:00, 17:00-21:00 人均消費：¥94 7️⃣方便囍點(圖15-16) 中山頗受歡迎的的舊式點心店，於1992年創立。售賣沙溪傳統的茶粿糕點、角仔小食等等。還有被列入中山市非物質文化遺產的蘆兜粽。 地址：中山市沙溪鎮港頭上大街109號胡氏宗祠旁 營業時間：每日06:00-18:00 人均消費：¥25 圖片來源：四囍.咖啡, 盞簋品味館, 盞簋品味館(沙溪店), 香山家宴, 中山紅日飯店小萍姐,方便囍點 大眾點評@香山家宴, 大墩榮記食店,盞簋品味館,香山家宴, 紅日飯店, 方便囍點 攻略 中山美食攻略 北上美食攻略 中山美食 中山美食推介 中山必食 中山特色美食 中山餐廳 中山必食餐廳 中山乳鴿 中山傳統美食
閱讀更多
UTravel熱門旅遊話題
↓逾6000份限定禮品等緊您↓
附搶飛連結🔗不再錯過演出消息‼️
