日本旅遊攻略
每次去日本旅行，最期待嘅行程莫過於去7-11、Lawson等便利店掃貨，為早餐宵夜做準備！今次小編幫大家整理出2026年最新日本便利店必買零食甜品清單，除咗有全網爆紅焦糖布丁之外，仲有夏天必備現打果汁冰沙，唔想盲買踩雷就記得要save低呢個post啦～
Table of Contents
日本便利店必買2026｜1. 愉快動物餅軟糖
「愉快動物餅」絕對係唔少香港人嘅童年回憶！餅乾就食得多，軟糖大家又有冇食過？日本便利店就將經典動物餅角色變成果汁軟糖，分別推出朱古力、提子、士多啤梨乳酪等多款口味，每粒糖都印有動物英文名。造型趣緻，買嚟做日本手信或者辦公室零食都好適合！
>即睇 “Long time no see” 分享更多軟糖口味<
日本便利店必買2026｜2. 日本7-11現打果汁冰沙
夏天去日本，一碗消暑清爽嘅冰沙絕對可以幫您續命！去到日本 7-11，不妨試下親手打造自己嘅專屬 Smoothie！只要去冷凍櫃入手急凍蔬果杯，再擺入自助冰沙製作機即場 DIY，就有多款口味選擇（如士多啤梨香蕉豆乳、綠色蔬菜奶昔），仲會不定期推出期間限定口味，炎炎夏日令你一秒清涼，難怪喺日本街頭都人手一杯啦！
> “Foodie.yan21” 分享7-11現打冰沙口味<
日本便利店必買2026｜3. 日清合味道BIG三重芝士辣番茄味杯麵
芝士控深夜慎睇！日清經典人氣「辣番茄口味」全新升級，近期推出嘅「三重芝士辣番茄味杯麵」一聽個名就知十分邪惡！番茄湯底濃郁鮮甜，加入特製嘅三重芝士味粉更加係成碗杯麵嘅靈魂，絕對係深夜宵夜必買之選。連小編聽到呢個配搭都已經想即刻飛去日本便利店掃貨了！
日本便利店必買2026｜4. 日本7-11 BUTTER STATE's牛油曲奇
日本人氣甜點品牌「BUTTER STATE's」係近年深受遊客歡迎嘅熱門手信，招牌牛油曲奇以北海道優質牛油配方打造，再以獨家製法烘烤成火山形狀。社群U Creator形容牛油味突出之餘，口感都好鬆脆！品牌更同日本7-11推出限定「草莓奶油」口味聯名款，即睇網民點樣評價啦！
> “nocarbs_nolife” 分享日本7-11聯名牛油曲奇真實評價<
日本便利店必買2026｜5. Ohayo BRULEE焦糖布甸雪糕／布甸
呢款Ohayo「焦糖布甸雪糕」長期穩居日本便利店人氣榜單，亦都係小編每次去日本便利店必買嘅靈魂宵夜！表面係金黃香脆嘅焦糖層，內層係香濃北海道鮮牛奶雪糕，每一啖都係享受！另外社群U Creator亦大力推介呢款「Jersey牛奶布甸」，上層係流心忌廉，下層係牛奶布甸，唔會太甜但又充滿奶香，難怪被網民稱為「日本第一布甸」！
日本便利店必買2026｜6. 日本 7-11 限定Sugar Butter Sand Tree砂糖樹奶油餅乾
相信您未買過都收過呢份日本7-11限定「砂糖樹奶油餅乾」零食手信！同知名手信品牌「Sugar Butter Sand Tree」聯名推出，網民表示搵咗幾間7-11先買到，可見有幾搶手！經典原味（藍色）同Creme Brulee（橙色）係人氣之選，仲不定期推出季節限定口味，大家經過日本7-11可以留意下～
> "EsterCheung" 分享日本 7-11人氣手信食評<
日本便利店必買2026｜7. Lawson炸雞君
提到日本便利店人氣熟食，Lawson招牌「炸雞君」絕對係王者中嘅王者！外型係一口size無骨炸雞，主打鮮嫩多汁及不油膩，除咗原味、辣味、北海道芝士、檸檬4款經典口味之外，更會推出季節限定或同當地名店合作推出地區限定口味，完全係炸雞控天堂～～
日本便利店必買2026｜8. Lawson焦香奶油可麗露
Lawson呢款脆皮可麗露自推出至今一直都喺社交平台討論度居高不下！只需¥462（約HK$23）就食到專門店質素嘅可麗露，退冰後仍然保持焦香酥脆嘅口感，同時內餡濕潤綿密，更於日本綜藝節目中獲甜點職人一致好評。不過記得呢款可麗露係冷凍即食甜品，唔可以用微波爐加熱㗎！
*部分人氣商品、季節限定或地區限定口味數量有限，售完即止。
延伸閱讀
招募旅日U Creator l 分享旅遊點滴賺額外收入！
🔔 Follow《U Community社群》Instagram 同讚好 Facebook 專頁，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
圖片來源：社群U Creator@Yy、@積仔記-吃喝玩樂旅遊達人、@nocarbs_nolife、@大舊、@JoeyFukuoka、@EsterCheung、@Hing1205、@思思賢 Chill My Babe、@DollyLing、@Foodie.yan21、@Long time no see
#UCreator #社群創作有價 #ULifestyleApp #社群排行榜 #日本便利店 #日本必買 #日本零食 #日本甜品 #日本手信 #日本自由行 #日本宵夜 #日本攻略 #可麗露
UTravel熱門旅遊話題
↓逾6000份限定禮品等緊您↓
附搶飛連結🔗不再錯過演出消息‼️
