日本旅遊攻略
每次上深圳玩，除咗行街食飯之外，終極任務一定係去商場或者超市掃貨，入手一堆零食返香港！唔想買嚟買去都係山姆，今日小編整合社群U Creator推介深圳8大爆紅零食手信清單，款款都係辦公室下午茶嘅療癒擔當～即刻Tag埋同你一齊北上嘅朋友仔，一齊bookmark低先！
Table of Contents
【社群送禮活動】大派100張榮華精選端午「粽」禮券
端午節就到，又係時候準備食粽應節！U Community社群今次大派100張香港榮華粽券，有齊風味蛋黃金腿咸肉粽、黑糖豆沙梘水粽同清香嫩滑蓮蓉梘水粽～簡單登記就有機會免費食到呢份節慶滋味，同屋企人一齊感受端午節慶氣氛～
活動日期：即日起至2026年6月2日
深圳手信推介2026｜1. 朴下隆九 — 爆紅手作糕點店
近年內地爆紅嘅零食店「朴下隆九」主打日式同中式融合嘅精緻手作糕點，分別於上海、南京、深圳福田皇庭廣場都有實體專櫃。熱門商品包括有招牌牛軋餅乾、黑芝麻芡實核桃糕、各款手作麵包，仲有咸蛋黃魚皮等零食選擇。口味創新而且健康養生，難怪會成為排隊王！
地址：福田區皇庭廣場G72號舖
深圳手信推介2026｜2. ｢UH祐禾｣麵包店 — 明廚即製麵包店
來自長沙嘅人氣麵包店｢UH祐禾｣喺深圳有多間分店，係唔少香港人每次北上嘅熱門探店。佢主打明廚即烤即賣麵包，保證新鮮！麵包種類同款式眾多，熱賣抹茶宇治吐司、焗油芝士吐司、迪拜巧克力髒髒包等係人氣之選，買多幾個返香港做早餐都唔過分！
地址：福田區福華三路皇庭廣場G層71/83A號鋪
深圳手信推介2026｜3. the Roll’ING — 爆紅手作瑞士卷
早前全網爆紅嘅手作瑞士卷牌子「the Roll’ING」大家又食過未呢？由上海起家開到深圳卓悅中心及前海壹方城2間分店，主打用隔水烘烤方法，令蛋糕體維持高濕潤度同柔軟度，配上動物奶油，令口感更加豐富細膩。必食招牌「黑金抹茶芝士卷」，配合藍色精緻包裝，無論送禮定自己食都正！
地址：深圳福田區福華一路卓悅ONE AVENUE商場東區B1層
深圳手信推介2026｜4. KUMO KUMO — 現製芝士蛋糕
｢KUMO KUMO｣主打現場新鮮製作嘅日式芝士蛋糕，係唔少網民力推嘅深圳蛋糕店！於深圳萬象城、壹方城、卓悅中心等熱門商圈都設有分店。經典口味必食「原味半熟芝士蛋糕」及人氣「巴斯克蛋糕」，冷藏後食用仲會有如雪糕一樣嘅口感，芝士蛋糕迷一定要試試！
地址：和平路羅湖地鐵站負1樓
> “Flora Chan” 介紹及打卡深圳爆紅芝士蛋糕店<
深圳手信推介2026｜5. 鮑師傅 — 必食招牌肉鬆小貝
源自江西省嘅連鎖烘焙店「鮑師傅」都係唔少香港人每次北上必訪嘅店，喺深圳多達12間門市！佢以招牌「肉鬆小貝」 聞名，表面鋪滿鹹香肉鬆同紫菜，內裡係濕潤蛋糕切開仲有爆漿內餡，口感超豐富！社群U Creator更另外推介豆乳撻同司康，都係最佳外帶之選！
地址：嘉賓路國際商業大廈北座1樓3B及4C舖
深圳手信推介2026｜6. 卡瑪王子 — 麵包界手信天花板
作為麵包控嘅您，上深圳玩一定有聽過呢間「卡瑪王子」！作為深圳本地熱門連鎖品牌，分店遍佈市中心！熱門商圈如皇庭廣場、會展中心都會見到佢嘅影子，更被譽為麵包界手信「天花板」！招牌「丹麥牛乳卡士」、「歐麥核桃」都係唔少網民推介熱門必買之選～
地址：福田區福華三路118號皇庭廣場G層G-7號鋪
深圳手信推介2026｜7. 麥軒荔枝酥 — 寶安機場必買手信
經過深圳機場不妨去「麥軒」物色下手信！作為深圳本土老字號糕點品牌，主打傳統粵式糕點。唔少網民推介必買招牌荔枝酥，咬落酥脆而內餡帶點荔枝香同果肉口感，十分驚喜！除咗荔枝酥外，冰沙奶酥都係熱門手信之選。
地址：寶安區機場南路深圳寶安國際機場T3航站樓P2停車場3F層3N01-01室
深圳手信推介2026｜8. 瀘溪河 — 必食招牌原味桃酥
深圳近期爆紅嘅中式糕點品牌「瀘溪河」源自南京，主打各款老式酥餅及糕點，仲有唔少蒸糕類、油炸類等粵式糕點可以買到～其中不得不提佢個招牌「原味桃酥」，網民表示食落酥脆而且入口即化，充滿驚喜！仲有「酥鬆小貝」、「乳酪蛋黃」都係熱門商品，經過唔好錯過～
地址：福田中心區福華一路348號One Avenue 卓悅中心北區B1層NB138號鋪
> “Vivian Lam” 分享瀘溪河人氣熱賣糕點及食評<
*部分糕點（如手作瑞士卷、肉鬆小貝等）保存期限較短，購買及攜帶回港前請留意食品安全及最佳食用日期。
招募Foodie l 分享食評生活賺額外收入！
立即登記➡️ https://ulapp.hk/ldcg3
🔔 Follow《U Community社群》Instagram 同讚好 Facebook 專頁，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
圖片來源：小紅書@麥軒MAKHIN、@卡瑪王子、社群U Creator@Vivian Lam、@Flora Chan、@DollyLing、@Dada媽媽、@Fattykaka
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
附搶飛連結🔗不再錯過演出消息‼️
