日本旅遊攻略
唔少香港人都會趁假期同子女或另一半一齊上深圳吃喝玩樂，而深圳自助餐價錢實惠，同時可以任食高質海鮮美食烤肉！今日小編就精選10間社群U Creator推介高CP值深圳自助餐，無論慶生定係任何重要日子都適合去享受下！
【Plan行程法寶】輕鬆成為旅行Chill Guy
「Chill Guide旅遊指南」為您整合社群最人氣旅遊攻略！有齊日本、深圳、台灣、澳門、 韓國、泰國、越南等熱門旅遊地區嘅行程懶人包，包括熱門同隱世吃喝玩樂行程，無論您係J人定P人都可以chill住玩！
深圳自助餐推介｜1. 光明溫德姆至尊酒店「旋轉餐廳」
想享用美食同時高空飽覽深圳光明區景緻，不如去光明溫德姆至尊酒店23樓嘅旋轉餐廳歎海鮮自助餐！餐廳故名思義會帶客人以動態視角緩慢旋轉，360度靠窗觀賞迷人市區風景！餐廳提供鮮甜足料海鮮粥、三文魚刺身之外，仲有較罕見嘅魚子刺身。海鮮刺身控一定食得滿足！
地址：創投路368號光明溫德姆至尊酒店23樓
深圳自助餐推介｜2. 東海朗廷酒店「Silk」
去福田區附近玩樂過後，不妨去東海朗廷酒店Silk餐廳歎餐豐盛嘅自助晚餐，為一日假期畫上完美句號！餐廳匯集一系列中西佳餚，海鮮種類十分豐富，有必食蒜香黃油焗龍蝦、羅氏蝦、梭子蟹、扇貝等美食全部任食唔嬲，仲有鐵板燒鵝肝、扒類，而且晚餐人均低至HK$359/位，CP值超高！
地址：福田區深南大道7888號
官網預訂自助餐
深圳自助餐推介｜3. 深圳鹽田凱悅酒店「咖啡廳」
鍾意燒烤嘅您去到「深圳鹽田凱悅酒店咖啡廳」就可以盡情大吃特吃啦！唔單止體驗五星級酒店望住海景食buffet，而且主打高質海鮮同燒烤！無論係冰鎮海鮮、烤海鮮、烤肉都可以食到，食到夠仲可以任飲無酒精香檳同食甜品，輕鬆回本！
地址：鹽田區海景二路1025號6層凱悦酒店30樓
> "mingjanet" 帶您打卡深圳鹽田凱悅酒店高質自助餐<
深圳自助餐推介｜4. 龍華希爾頓逸林酒店「“開”全日餐廳」
龍華區除咗行壹方天地之外，唔夠玩可以入住附近嘅「龍華希爾頓逸林酒店」。酒店裡面嘅“開”全日餐廳有齊豐富海鮮同中、日、東南亞等多國熱食美饌任食，適合入場邊食邊放鬆。而且依家正值大閘蟹季，可以食埋大閘蟹及蒜蓉蒸小青龍，食足4小時，平均低至HK$290/位，超抵食！
地址：龍華區東環二路8號
官網查看更多酒店餐廳詳情
深圳自助餐推介｜5. 福田香格里拉「Café Zen」
福田區都可以食到香格里拉嘅buffet！位於「福田香格里拉大酒店」1樓嘅Café Zen主打即蒸海鮮，包括現蒸龍躉、招牌高壓鍋生蠔，用高壓鍋清蒸保留原汁原味，唔怪得每個客人嚟親都話要食！龍蝦都係即時喺缸入面新鮮撈起，每位客人限食一隻。咁多新鮮海鮮任食，只需約HK$500/位，推介俾每一位海鮮控！
地址：益田路4088號深圳福田香格里拉大酒店1樓
官網預訂香格里拉自助餐
> "Me Simplestyle" 同您分享更多福田香格里拉自助餐美食<
深圳自助餐推介｜6. 金茂深圳JW 萬豪酒店「Café Chinois」
JW萬豪酒店自助餐都係其中一間最受港人歡迎嘅酒店自助餐。深圳JW 萬豪酒店位於福田區，除咗可以任食現切刺身同海鮮之外，大閘蟹季仲可以食到當季大閘蟹，仲有即開生蠔、紅酒藍莓鵝肝同Cocktail、氣泡酒任飲，鍾意食自助餐嘅您唔可以錯過！
地址：福田區深南大道6005號金茂深圳JW 萬豪酒店2樓
官網訂位傳送門
深圳自助餐推介｜7. 深圳大梅沙京基洲際度假酒店
深圳大梅沙京基洲際度假酒店距離地鐵大梅沙站10分鐘路程或者搭直通巴可到達，附近有大梅沙海濱公園，可以玩一系列水上活動，最適合親子兩日一夜前來短度假！酒店入面嘅自助餐餐廳除咗有齊小龍蝦等海鮮任食之外，仲有埋火鍋同燒烤類美食，一餐滿足您火鍋、燒烤同海鮮三個願望！
地址：鹽田區大梅沙鹽葵路9號
官網預訂自助餐
深圳自助餐推介｜8. 深圳大中華希爾頓酒店「念全日制自助餐廳」
深圳大中華希爾頓都係其中一間市區高CP值自助餐。酒店位於福田區商圈附近，吃喝玩樂都方便！餐廳提供任食即煎新西蘭牛扒、老虎蟹、刺身，仲有晚市限定即做鵝肝、避風塘及麻辣等口味小龍蝦任食唔嬲，而且性價比都高，自助晚餐最平HK$228/位就食到！
地址：福田區福田大道1003號大中華希爾頓酒店2樓
官網睇更多酒店餐飲詳情
深圳自助餐推介｜9. 艾沐春天
酒店自助餐就食得多，水療店入面嘅自助餐就真係第一次聽，仲要食物同項目係五星級質素！呢間「艾沐春天」集休閒、水療、自助餐於一身，比起其它深圳自助餐價錢相對高，但體驗絕對係富豪級享受！按完摩之後，入餐廳歎返隻即撈波士頓龍蝦、帝王蟹、即開榴槤、魚子醬，身心都得到解放，無論係私人派對定係商務活動都好適合喺度舉行！
地址：金田路3037號金中環國際商務大廈3層301,4層401室
去艾沐春天官網睇更多休閒項目
深圳自助餐推介｜10. Fresh領鮮海鮮自助餐廳
東門10年老店｢領鮮自助餐｣位於羅湖口岸附近，香港人出入方便同時，自助餐都夠高性價比！餐廳主打即撈海鮮，鮑魚、基圍蝦、甲魚等全部任撈任食，仲有當季大閘蟹、蒜蓉烤生蠔，全部都新鮮製作，撈完仲有蒸汽等多種食法，聽到都流晒口水。除咗海鮮之外，自助餐當然唔少得壽司同刺身！美食款式種類多元，而且人均¥139.5就食到，呢個價錢平到癲啊！
地址：羅湖東門步行街鴻展中心城3樓
*以上餐飲僅供參考，視乎當天及當季實際供應作準，詳情請查閱各餐廳官網。
🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
圖片來源：網上圖片、IG帳戶@popduction、社群U Creator @小沐 Virgo、@Me Simplestyle、@mingjanet、@Ar Win Tang、@Kitman Fan、@Elaine.eat
#ULifestyle應用程式 #ULifestyleApp #社群 #UCreatorHK #MOMENTSwithUCreator ##100個港人推介親子好去處 #我的打卡地圖 #美食指南 #深圳自助餐 #深圳美食攻略 #親子好去處 #情侶好去處 #自助餐推介 #自助餐 #高CP值自助餐
UTravel熱門旅遊話題
↓立即登記參加！賺取無上限現金賞💰↓
附搶飛連結🔗不再錯過演出消息‼️
