日本旅遊攻略
試問有邊個抵擋得住燒肉嘅誘惑！高品質燒肉店唔難搵，但您估搵到一間既價錢實惠又高質嘅燒肉店話咁易咩？深圳的確有唔少高CP值燒肉店，今日就等一眾社群U Creator為您揭曉深圳高CP值燒肉店6選，重點係居然人均$300以下就食到！燒肉控朋友記得收藏低啦~
【夏日Cheers】送您「麒麟一番搾・夏旅賞・禮品套裝」！
即日起至2025年9月3日，只需要簡單登記，就有機會贏得《社群》送出嘅「麒麟一番搾・夏旅賞・禮品套裝」！套裝包括：麒麟一番搾啤酒 + 麒麟一番搾啤酒杯，陪您打造最涼快嘅夏日時光，Chill住過盛夏～
深圳高CP值燒肉店推介 | 創意燒肉菜單
1. 燒肉公社
提到深圳人氣燒肉店，「燒肉公社」必定榜上有名。餐廳於福田區及南山區皆有分店。今次提到嘅南山區分店係2024年12月開幕，主打專人燒肉服務，十分周到！必點獨家首創海苔烤肉、原條牛舌、公社鵝肝飯，價錢約¥200左右，可謂CP值十足！
地址：深圳南山區海岸城購物中心負一層37-38號 (海岸城店)
營業時間：11:30~14:30 17:00~21:30
深圳市福田區上梅林中康路31號東梅公寓2樓 (上梅林店)
營業時間：12:00~14:30 17:00~22:00
>去睇 “loveshare2346” 分享更多燒肉公社食評<
2. 極炙和牛燒肉·活烤鳗魚
見到呢個「和牛蛋糕」真係超吸睛！咁有創意嘅擺盤，原來就係位於國貿嘅「極炙和牛燒肉·活烤鳗魚」~ 餐廳為台灣過江龍，連續四年廣州米芝蓮推介，更係連續五年深圳本地必吃榜！以為咁高質嘅燒肉店價錢一定好貴？NONO~人均唔使¥150就歎到和牛套餐，有齊和牛、松板豬、鰻魚同甜品，正啊！
地址：羅湖區南湖街道嘉賓路4051號金威大廈三樓
營業時間：週一至週五 11:30~15:00, 17:00~00:00 週六至週日11:30~00:00
深圳高CP值燒肉店推介 | 燒肉放題
3. 喜井無限自助烤肉公司(羅湖益田假日店)
想用最平嘅價錢食到最靚嘅牛，一定係食放題回個夠本！最平只需¥98/位就可以任食燒肉，靚牛靚豬任您夾；¥158/位就可以任食原切烤肉、鰻魚同金枕榴槤，輕鬆回本！分享俾您身邊無肉不歡嘅朋友，一齊開心share！💖
地址：羅湖區翠竹街道愛國路1009號 (益田禦龍天地一期6棟1樓03､04號)
營業時間：11:00 ~ 22:00
4. 蒲匠.和牛燒肉蒲燒活鰻放題 (博今國際店)
除咗任食燒肉，您仲可以任食即叫即切蒲燒活鰻魚，仲有員工全程幫您烤製，輕鬆解放雙手！而且和牛種類多元化，容易膩嘅朋友都可以多口味品嚐，全方位填飽您個胃。仲有海鮮、壽司、飲品區，歎齊所有嘢，人均只需¥300，絕對高CP值之選！
地址：博今國際BoSpace購物中心二層05號舖 (下沙站C出口)
營業時間：11:00~14:00, 16:30~11:00
深圳高CP值燒肉店推介 | 日系打卡主題燒肉
5. 宮崎牛一燒肉屋
羅湖口岸又一日式燒肉名店，今次仲同《海賊王》Cross-over添！必點「ONE PIECE 限量寶盒」，有齊原切M9板腱、厚切牛舌等6款頂級食材，只需¥398！而且仲有道具可以打卡，同埋海賊王主題裝飾，粉絲超爽！就算唔係粉絲都可以平住食得奢華，慶生都唔會失禮💖~
地址：深圳市羅湖區深南東路2019號東樂大廈105號
營業時間：17:00~01:00
> “frostiewithfood” 帶您打卡海賊王燒肉世界<
6. 一樂•燒肉居酒屋(世界之窗店)
想高CP值歎到高質日式燒肉，會去世界之窗/歡樂谷嘅您一定唔可以錯過呢間日式居酒屋。日系漫畫風格裝潢，輕鬆打卡居酒屋特有氛圍感。而且人均只需¥100+就歎到厚切菊花牛舌、蒜香黃油隤膈膜等炭火燒肉料理及刺身，超適合同老best聚餐chit chat！
地址：深圳市南山區沙河街道僑城西街
營業時間:11:30~14:00;17:30~次日凌晨3:00
> “ifoodies_dog” 同您打卡一樂•燒肉居酒屋<
🔔 Follow《U Communiy社群》Instagram 同讚好 Facebook專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
💰分享精彩旅行時刻，即賺無上限現金賞！
立即加入《社群創作有價企劃》：https://ulapp.hk/j9kzn
圖片來源：社群U Creator @loveshare2346 、 @chinschins 、 @frostiewithfood 、 @Elaine.eat 、 @ifoodies_dog 、@Angel Lee
#BESTFOODwithUCreator #UCreatorHK #TRAVELwithUCreator #深圳 #深圳燒肉 #和牛 #深圳燒肉放題 #北上攻略 #北上燒肉
深圳有多間高CP值燒肉店，例如燒肉公社、極炙和牛燒肉、喜井無限自助烤肉公司等，人均消費大多在300元人民幣以下。
深圳高CP值燒肉店提供多種燒肉，包括和牛、豬肉、鰻魚、海鮮等，部分餐廳更提供燒肉放題及創意菜單，例如「和牛蛋糕」、獨創「海苔烤肉」等。
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
↓即睇最新行程懶人包、爆紅打卡點🔥、必吃美食😋等↓
