日本旅遊攻略
日本Nodoka Matcha主理人早前五一長假期來港，舉辦期間限定店活動。誰料到在香港營運期間竟遇上意想不到的狀況；主理人表示，對於主動邀請港人試飲卻屢遭冷漠拒絕感到困惑不解，直言「這種情況在台灣或日本都會受到大家的歡迎」。對於主理人的經歷，網民們留言解釋與港人的性格有關！不少網民更分析只要做一事就可解決問題。
日籍老闆來港遭「文化衝突」
本地生活品牌HowDept在五一長假期時，邀請了日本靜岡縣Nodoka Matcha的日籍品牌主理人來港辦理期間限定店。因品牌希望開拓國外市場，所以日籍主理人曾於眾多國家及地區開設期間限定店，可謂「熟悉每個國家客人嘅喜好同態度。」
不過，主理人來港後竟然遇到難關，在HowDept負責人與日籍主理人吃晚飯時，主理人不解問道「點解㗎呢？我只係請客人試茶，佢哋都會咁冷漠拒絕？喺台灣或者日本，大家都會好歡迎㗎呢。」，不明白為何香港客人總是冷漠拒絕試飲。
HowDept的負責人亦嘗試解釋指，香港人一般對陌生人的熱情抱有戒心，店方若太過熱情推薦會容易讓香港人感到「呃錢」或「硬銷」，因此香港人更喜歡「自己睇，唔好煩我，唔好同我講嘢」，店方只要一句「Hello 慢慢睇」給予空間就足夠。
負責人續指，遇到香港客人可以先觀察他們的身體語言，如果「察覺到佢有啲身體語言或者眼尾望吓你」就可以上前解說，這樣一般港人會「好想聽，好親切，講兩句就好friend」，亦表示「唔知點解香港人係咁」，也許因為很多香港人都明確了解自己的需要，「冇需要嘅唔好花時間聽你吹水，我秒秒鐘幾百萬上落呀！」
網民解畫港人心態：香港人需要嘅係空間
帖文帖來大批網民討論，不少人指香港人購物時需要空間，店方太熱情會令港人感到不自在「香港人比較內斂，只可以講佢哋好怕hard sale」、「太熱情怕係呃錢」、「香港人真係好怕人太熱情」、「香港人需要嘅係空間，有心情就會買」和「傾吓偈認識下係好，但傾完唔買被黑面就唔係幾好受，惡性循環，下次就落咗閘先。」。
另有人指出港人亦會擔心試完不買會令情況變得更尷尬，指「因為通常試完入後就會被人捉住sale不停」、「係怕飲完後唔啱買唔落手，唔想『搞搞震冇幫襯』，又唔想對方做『蝕本生意』」、「我覺得係打攪完一大輪唔買我又唔好意思，買咗又對我冇用索性睇啱再叫你」、「因為唔好意思咁買少少野」和「因為香港人怕試完冇錢買覺得唔好意思」。
港人教路一招解決問題！
此外，有網民指出同樣是試食，但在超市就沒有這個問題，「同樣係試飲試食，超市姐姐就無呢個煩惱」和「超級市場試食，起碼注意力唔會單放喺我一個身上，試完走開都冇乜人留意 」，建議日籍主理人下次可以「放張枱喺度，擺啲試食試飲就會自然有人行埋去試。 如果無端端笑口呭呭叫啲行過嘅人試嘢，仲要同佢傾吓計咁，大部分人就會超級有介心，驚你會怨住住佢sale嘢。」。
UTravel熱門旅遊話題
↓立即登記參加！賺取無上限現金賞💰↓
立即探索🔍最新熱門活動📍好去處推介🌟
