日本旅遊攻略
緬甸在28日下午發生黎克特制7.9級強烈地震，波及泰國曼谷等鄰近地區。不少在泰國的香港藝人如羅敏莊、陳鍵鋒及蔡一傑都在社交網報平安，也拍片記錄了當地情況。而關楚耀的KOL老婆Joann原來亦正身處曼谷，感受到地震的她亦在IG向粉絲報平安，亦直言好黑仔：「去冰島已經全國紅色警報，曼谷而家又緊急狀態⋯」
正身處曼谷的Joann在地震一刻記錄當地情況，透露一落車就發現全部人都跑，發現原來是地震，但幸好沒有大礙。不過她返到酒店後，指見到好多人「逃亡」：「頭先喺酒店lobby等咗好耐，唔俾上房。好多人着住揼骨衫就逃亡，有好多人鞋都冇着，有好多游完水淨係着條泳褲。」她指返上房後發現牆身裂開了：「返上房，我見我啲化妝品冇跌晒落地以為OK，原來廁所埲牆出面裂晒……入邊啲瓷磚都鬆鬆地。」
今次在曼谷經歷地震，Joann直言自己好黑仔：「去冰島已經全國紅色警報，曼谷而家又緊急狀態。點解我呢幾次去旅行都好似歷險咁，諗住返鄉下都可以遇到曼谷百年一遇嘅地震，我真係黑腳嚟……」
兩夫妻冰島遇驚險意外
關楚耀上月曾在小紅書分享與老婆在冰島遇意外，他表示：「體驗到冰島30號風球暴風雪威力，成部車門吹反咗獨自留在車廂，用盡全身氣力掹住車門等待救援。暴風雪實在強得驚人，老婆要爬入去搵人救我，大家都體會到大自然的威力，現在我們安全更加珍惜所擁有的一切，多謝兩位冰島本地人仗義幫忙」。
片中可見，關楚耀身穿黑色雪褸，地上有厚厚的積雪。他說：「發生意外啊，架車！嘩好恐怖呀！我老婆一開門，啲風大到不得了，成道車門反開咗，而家係完全閂唔到門呀！嘩，好凍好凍，啲冰封船，我而家係拉住到門，好彩頭先有個外國人幫手幫手，攞緊啲架罉嚟整道門，希望順利，我哋而家安全嘅，不過呢幾日喺冰島嘅朋友真係要小心，因為超級暴風雪來臨呀！」
形容是「死裡逃生」
關楚耀又以「冰島開車‧老司機也害怕」為題發出post，他表示今次是「死裡逃生」：「在冰島準備自駕的朋友真的真的真的要小心，特別是在冬天的時候天氣反差太大，幸好自己有10年在雪地開車的經驗，不然大家真的要考慮到底要不要在冰島自駕遊，全程有老婆陪着給我信心辛苦你了 @Realjoann #冰島 #度蜜月」。
老婆Joann日前亦發文：「少d雪地經驗都搞唔掂，每日又要趕住天黑前（大概17:30） 返酒店。自從第二日爭啲吹甩咗道門，啲風暴警告由黃色轉橙色，今日紅色🚨，我哋已經cut晒啲景點，因為越夜路況越差，係大風到你無法想像，一路揸架車係搖㗎，真係好驚吹反！辛苦老公保住我條命，真係好恐怖，有幾下，如果控制得唔好真係會☠️」
圖片：IG
羅敏莊近年移居泰國曼谷，在3月28日亦感受到地震。她拍片時直言「驚到爆」：「曼谷地震呀，我好驚呀，成間屋震晒，驚到爆呀，而家隻手仲震緊呀。其實都唔知會唔會死呀，我而家拍定條片，擺喺度先，唔係講笑。」之後羅敏莊離開大廈，到街上拍攝情況。她表示：「啲人走晒出街，從來冇聽過曼谷或者泰國有地震，真係好恐怖。」
UTravel熱門旅遊話題
↓立即登記參加！賺取無上限現金賞💰↓
附搶飛連結🔗不再錯過演出消息‼️
