緬甸地震｜蔡一傑泰國遇地震報平安直擊當地情況伍詠薇擔心：快啲返嚟香港

正在閱讀
緬甸地震｜蔡一傑泰國遇地震報平安直擊當地情況伍詠薇擔心：快啲返嚟香港

用 App 開啟

文: 呂柔仁

2025.03.29

緬甸在3月28日下午發生黎克特制7.9級強烈地震，在泰國曼谷當地也感受到地震，除了建築物搖晃外，曼谷翟道翟工地當中更有高樓整座倒塌。泰國總理佩通坦宣布，首都曼谷進入緊急狀態。身處曼谷的草蜢成員蔡一傑在28日晚上於社交網報平安，也拍片記錄了當地的情況。

蔡一傑在FB分享影片，留言：「巧遇泰國，第一次地震，好彩我住2樓走得快好世界 #地震 #希望所有人平安 #集氣」片中見他先是在酒店房，影住房內燈飾及門搖晃，「地震呀，第一次泰國地震⋯⋯哇好搖，我成個人都搖緊。」

點擊圖片放大

及後蔡一傑走到街上直擊情況，片中見街上人流眾多，「所有人都向一個方向走，因為嗰邊有個Building啱啱起好，驚佢冧⋯一冧就好麻煩。」他又指當時所有民眾都無車返屋企，BTS站、商場等也關閉。影片上載後不久，不少網友提醒他注意安全，好友伍詠薇也留言：「愛人你喺泰國小心啊，快啲返嚟香港啦！」

點擊圖片放大

圖片：蔡一傑FB

關楚耀的KOL老婆Joann原來亦正身處曼谷，感受到地震的她亦在IG向粉絲報平安，亦直言好黑仔：「去冰島已經全國紅色警報，曼谷而家又緊急狀態⋯」

正身處曼谷的Joann在地震一刻記錄當地情況，透露一落車就發現全部人都跑，發現原來是地震，但幸好沒有大礙。不過她返到酒店後，指見到好多人逃亡：「頭先喺酒店lobby等咗好耐，唔俾上房。好多人着住揼骨衫就逃亡，有好多人鞋都冇着，有好多游完水淨係着條泳褲。」她指返上房後發現牆身裂開了：「返上房，我見我啲化妝品冇跌晒落地以為OK，原來廁所埲牆出面裂晒……入邊啲瓷磚都鬆鬆地」。

點擊圖片放大

今次在曼谷經歷地震，Joann直言自己好黑仔：「去冰島已經全國紅色警報，曼谷而家又緊急狀態。點解我呢幾次去旅行都好似歷險咁，諗住返鄉下都可以遇到曼谷百年一遇嘅地震，我真係黑腳嚟……」

點擊圖片放大

羅敏莊近年移居泰國曼谷，在3月28日亦感受到地震。她拍片時直言「驚到爆」：「曼谷地震呀，我好驚呀，成間屋震晒，驚到爆呀，而家隻手仲震緊呀。其實都唔知會唔會死呀，我而家拍定條片，擺喺度先，唔係講笑。」之後羅敏莊離開大廈，到街上拍攝情況。她表示：「啲人走晒出街，從來冇聽過曼谷或者泰國有地震，真係好恐怖。」