日本旅遊攻略
42歲視后唐詩詠（Natalie）在2022年離巢TVB，之後減少幕前工作，飛日本學整麵包。之前唐詩詠在銅鑼灣開設麵包店，獲圈中好友及大批市民捧場。除了忙生意外，唐詩詠早前亦飛韓國，為HOY TV拍攝節目拍攝旅遊節目《韓國邊忽好》。近日她更曬出婚紗照，引起網友起哄！
飛首爾拍攝旅遊節目
唐詩詠早前飛首爾拍攝旅遊節目《韓國邊忽好》，直言在當地有不少新體驗，更與兩名Oppa在公園舉V合照：「你好嗎？🇰🇷🇰🇷🇰🇷！今次去首爾，有好多新體驗，特別多oppa。」之後她又體驗化韓妝及電髮，「Who are you？去韓國點都要試吓電頭髮、化個韓式妝去影相，攝影師會教你擺pose，搖身一變，韓劇女主角嘅味道出晒嚟，攝影團隊都話我溫柔咗好多（喺張相入邊）。」
不過最令網友哄動的是她分享了一張婚紗照，相中她身穿低胸婚紗，雙手拿着花束，十足十似準新娘！網友留言：「恭喜你要嫁人了啊！好美麗哦。恭喜恭喜！」、「穿婚紗好靚女」、「妳穿起婚紗超漂亮」。
圖片：唐詩詠IG
唐詩詠專注事業，感情生活似乎未見有着落，反而曾與她傳緋聞的舊愛陳思銘就已與女友Iris結婚，並已成為人父。
陳思銘有「教育界王力宏」之稱，身為英國升學專家的他常常香港及英國兩邊走。近日陳思銘在Threads發文，指自己在英國倫敦被偷手機：「噚晚出咗倫敦同校長開會順便食飯，走時太心急，諗住出餐廳先call Uber，推門出餐廳，身邊就有架單車飛過，點知就喺電光火石之間，撞一撞我，拉一拉我隻手，我畀人偷電話！！！電話連app都未load到，離開餐廳都冇2分鐘就冇咗。」
陳思銘指當刻好嬲，本來想追架單車：「眼尾睄到後邊仲有兩架單車跟尾，眼神唔多友善，Feel 到唔太對路。唉，灰咗半日，當真係買個教訓。繼上次被扑爆車窗，今次被搶電話，出倫敦真係唔好掉以輕心。」
有網民留言稱曾在倫敦有類似經歷：「我都係London畀人搶過，完全唔可以拎部電話出嚟！」有人又問：「真係猖狂成咁？」，陳思銘留言回應：「真係好躁、好煩。聽過好多，但親身係第一次。」
唐詩詠在2019年曾被傳與陳思銘發展地下情，但二人一直否認。2020年3月，陳思銘發文暗指結束一段戀情，傳兩人分手。而在去年起，陳思銘不時分享與太太Iris恩愛放閃照，兩人更已育有一女Emma。
圖片：唐詩詠IG、陳思銘Threads、IG
早前有網友於日本環球影城野生捕獲Natalie與一男性友人同行，全程言談甚歡，令網友紛紛猜測Natalie是否有新戀情？
唐詩詠與「翻版洪天明」戴情侶公仔頭飾打卡
早前，Natalie被影到遊日本環球影城，冇黑超冇口罩，穿著白色背心，頭戴公仔頭飾笑容滿面，同行更有一名男子，樂園當日有不少香港旅客，但Natalie和他齊齊戴上「情侶公仔頭飾」，公然在樂園內不避嫌遊走打卡，男友人更備好太陽傘為Natalie遮太陽，期間有不少旅客認出Natalie，邀請合照，男友人全無怨言，站在旁邊默默守候，似足蜜運中的情侶！
原來該男性友人是澳門網台「歡樂馬介休」的KOL之一、有「翻版洪天明」之稱的Rico，兩人似乎毫不相干，翻查資料亦從未合作，認真離奇。
唐詩詠親自回應網友祝賀「新戀情」
Natalie身為圈中「黃金盛女」，不少網民都希望她能夠早日覓得如意郎君，見到今次疑有新戀情，網民都急於送上祝福，不過Natalie回應表示：「梗係唔係新戀情啦，今次去大阪係去拍《絲打去旅行》（網台ChillGOOD節目），同馬介休Rico都係第一次見面，不過佢份人幾搞笑，嗰幾日都玩得好開心，可以免費去旅行，寓工作於娛樂！」原來只是一場美麗的誤會。
UTravel熱門旅遊話題
＞登記即送，人人有賞！＜
立即探索🔍最新熱門活動📍好去處推介🌟
