日本旅遊攻略
聖誕節將至，不少人都會與親朋好友一起吃大餐慶祝。深圳有不少性價比高的酒店自助餐及海鮮自助餐餐廳，而且在聖誕節期間更會換上聖誕佈置，充滿節日氣氛。《U Travel》編輯為大家整合出10大深圳聖誕自助餐推薦，今個聖誕可以吃得滋味！
深圳聖誕自助餐推介
*以下深圳聖誕自助餐價錢只供參考
深圳聖誕自助餐｜1. 深圳寶安福朋喜來登酒店
深圳寶安福朋喜來登酒店的自助餐餐廳位於19樓，大家可以在高空享用自助餐。在聖誕節期間，深圳寶安福朋喜來登酒店會換上聖誕節裝飾，充滿聖誕氣氛。寶安福朋喜來登酒店自助晚餐提供多款海鮮、熟食、甜品及水果，應有盡有。
深圳寶安福朋喜來登酒店自助餐詳情
地址：深圳市寶安區寶民一路70號深圳寶安福朋喜來登酒店19樓
電話：+86 755-29558888
價錢：團購價平日自助晚餐成人¥188/位起，周五六自助晚餐成人¥218/位起
Trip.com 預訂酒店
Klook 預訂酒店
KKday 預訂酒店
深圳聖誕自助餐｜2. 深圳瑞吉酒店
深圳瑞吉酒店的自助餐餐廳「Social秀餐廳」坐落於95樓，邊用餐可以邊俯瞰深圳城市景色，夜景更是一流！ 至於食物方面，餐廳提供的餐點豐富，有沙律、刺身冷盤、海鮮熱盤、燒烤、點心、甜點等，更不時有限定菜式，如龍蝦和佛跳牆等。而且深圳瑞吉酒店位於KK Mall、萬象城等商場附近，交通亦方便。
深圳瑞吉酒店自助餐詳情
地址：深圳羅湖區深南東路5016號京基100大廈A座瑞吉酒店95樓
電話：+86 755-22239485
價錢：團購價平安夜自助晚餐成人¥788/位起，聖誕節自助晚餐成人¥628/位起
Trip.com 預訂酒店
Klook 預訂酒店
KKday 預訂酒店
永安旅遊預訂酒店
Agoda 預訂酒店
深圳聖誕自助餐｜3. 深圳星河麗思卡爾頓酒店
深圳星河麗思卡爾頓酒店的「Flavorz海鮮自助餐廳」提供自助餐，食物選擇多多之餘，擺盤亦十分漂亮；更有燒龍蝦，任點牛扒、鵝肝、羊架，種類豐富。「Flavorz海鮮自助餐廳」的平安夜自助晚餐更會有特別菜式，包括帝王蟹腿、法國金鑽生蠔、金湯佛跳牆等。
深圳星河麗思卡爾頓酒店自助餐詳情
地址：深圳市福田區福華三路116號
Trip.com 預訂酒店
Klook 預訂酒店
永安旅遊預訂酒店
Agoda 預訂酒店
深圳聖誕自助餐｜4. 深圳綠景酒店
深圳綠景酒店位於福田區，聖誕節期間將會供應平安夜主題自助晚餐，當然少不得烤火雞、法式烤羊扒、各式聖誕蛋糕及甜品。去年綠景酒店的聖誕自助晚餐更現場派發聖誕神秘禮物及有豐盛的獎品抽獎活動，大家可以歡度聖誕節。
深圳綠景酒店自助餐詳情
地址：新洲路3099號綠景酒店1樓
電話：+86 755-8250 8888
價錢：平安夜主題自助晚餐成人¥398/位；聖誕節主題自助晚餐成人¥298/位
Trip.com 預訂酒店
Klook 預訂酒店
Agoda 預訂酒店
深圳聖誕自助餐｜5. 深圳四季酒店
深圳四季酒店同樣位於福田區，步行已可前往福田區各大商場。酒店內的自助餐廳「馥」環境優雅有格調，提供海鮮、西餐、日本料理及甜品等食物。去年聖誕節深圳四季酒店更佈置了一間聖誕小屋，供大家打卡，聖誕氣氛十足。
深圳四季酒店自助餐詳情
地址：福華三路138號四季酒店6樓
電話：+86 755 8826 8700
價錢：團購價聖誕節自助晚餐成人¥688/位起，平安夜自助晚餐成人¥888/位起
Trip.com 預訂酒店
Klook 預訂酒店
KKday 預訂酒店
永安旅遊預訂酒店
Agoda 預訂酒店
深圳聖誕自助餐｜6. 深圳彭年萬麗酒店
深圳彭年萬麗酒店位於羅湖中心區域，酒店內的「雲景軒旋轉餐廳」位於50樓，用餐時可以360度飽覽深圳羅湖區的景色，天氣好的話更可看到美麗的日落。聖誕期間餐廳會換上聖誕裝飾，有聖誕老人、麋鹿等等，是深圳聖誕好去處之一。
深圳彭年萬麗酒店自助餐詳情
地址：深圳羅湖區嘉賓路2002號
電話：+86 755 25185386
價錢：團購價聖誕節自助晚餐成人¥499/位起，平安夜自助晚餐成人¥699/位起
Trip.com 預訂酒店
Klook 預訂酒店
KKday 預訂酒店
永安旅遊預訂酒店
Agoda 預訂酒店
深圳聖誕自助餐｜7. 深圳中洲萬豪酒店
深圳中洲萬豪酒店的自助餐廳「尚膳」位於酒店的43層，餐廳有大大的落地玻璃窗，可以遠眺深圳市景。自助餐廳分為中餐和西餐區，菜式豐富，有炙烤扒類、刺身、沙律、熱盤、甜品等。這裡不時會更換自助餐主題，至聖誕時更會換上聖誕裝飾。
深圳中洲萬豪酒店自助餐詳情
地址：深圳市南山區海德一道88號
電話： +86 755-8666 6666
價錢：團購價平日自助晚餐成人¥388/位起，周末自助晚餐成人¥498/位起
Trip.com 預訂酒店
Klook 預訂酒店
永安旅遊預訂酒店
Agoda 預訂酒店
深圳聖誕自助餐｜8. 深圳東海朗廷酒店
深圳東海朗廷酒店的「秀·Silk」自助餐廳亦是另一網紅餐廳，因酒店有一條長長的宮廷風旋轉樓梯，十分適合打卡。餐廳同樣供應多款食物，包括海鮮、扒類、中餐、甜點、冷盤、日料等，網民特別推薦進口青龍蝦以及戰斧牛排，品質不俗。
深圳東海朗廷酒店自助餐詳情
地址：福田區深南大道7888號東海朗廷酒店
電話： +86 755 8828 9888
價錢：團購價聖誕節自助晚餐成人¥488/位起，平安夜自助晚餐成人¥688/位起
Trip.com 預訂酒店
Klook 預訂酒店
永安旅遊預訂酒店
Agoda 預訂酒店
深圳聖誕自助餐｜9. 深圳銘門盛宴·藝術海鮮姿造
深圳銘門盛宴·藝術海鮮姿造有著「深圳自助餐天花板」的稱號，是一間海鮮自助餐專門店。餐廳的裝潢及佈置充滿氣派，可以在內看到冰雕裝飾。餐廳提供的海鮮種類繁多，包括帝王蟹、藍龍蝦、東星斑等。除了海鮮刺身之外，還有多款海鮮料理，一定能滿足一眾愛海鮮人士！
深圳銘門盛宴·藝術海鮮姿造自助餐詳情
地址：深圳市福田中心區金田路與福華路交叉口皇庭中心裙樓4層
電話： +86 755-23991999
價錢：團購價自助晚餐成人¥599/位
深圳聖誕自助餐｜10. 曼格姿造·活海鮮·榴槤自助
曼格活海鮮火鍋·榴蓮自助是另一個海鮮自助餐廳，店門口已經有一個巨大的海鮮池，大家可以現撈海鮮，全部都十分生猛。餐廳有各種海鮮刺身及壽司；至於熱盤區就有煎牛排、羊排、鵝肝等料理。這裡最特別的是可以任食榴槤，一眾榴槤控可以大飽口福！
曼格姿造·活海鮮·榴槤自助皇庭店詳情
地址：福田區福華三路（皇庭廣場G層東廣場）
電話：15323459329
價錢：團購價成人¥289/位起
深圳聖誕自助餐｜11. 深圳IKEA聖誕自助餐
IKEA宜家家居的「IKEA餐廳」平靚正，原來深圳IKEA更有聖誕自助餐，而且價錢更只是168人民幣一位，早鳥會員價更不用100人民幣一位，只需98人民幣。與外面的自助餐一樣，IKEA自助餐同樣有沙律、主菜、冷盤及甜品等，而自助餐僅在12月24至25日供應，有興趣的朋友可以到IKEA官方小程序預約。
深圳IKEA詳情
地址：深圳市南山區沙河東路歐洲城內
電話：4008002345
價錢：成人¥168/位，兒童68/位
*以上價錢只供參考
<<提醒各位購買前留意購買平台的使用條款及細則，一切以平台公佈的價錢為準。數量有限，售完即止；所有優惠細則更新至文章發佈日期，購買平台保留更改優惠權利，U Lifestyle 概不負責。>>
相關文章：
延伸閱讀：
資料及圖片來源：大眾點評、小紅書
深圳聖誕自助餐10大推介包括深圳瑞吉酒店自助餐餐廳「Social秀餐廳」、深圳星河麗思卡爾頓酒店「Flavorz海鮮自助餐廳」、深圳東海朗廷酒店「秀·Silk」等。
-
節日限定
金茂深圳JW萬豪酒店
《環迴深圳》X 團年飯系列 X 人均不到￥350 X 生蠔龍蝦宴 @ Cafe Chinois ( 車公廟站金茂JW萬豪酒店 )
好耐無去金茂JW萬豪食自助餐，仲記得上一次同太太去staycation，原條即劏金槍魚，單係食大拖羅已值回票價，家陣仲抵食，網上平台可以￥696 / 兩位。 而且今年都決定了同家人食團年飯賀新年，都想介紹幾間性價比不錯的給大家。 雖然餐廳是在深圳，但出入都好方便，車公廟站J出口行過去不用五分鐘。 先講講位上的食物。 先係一人半隻蒜蓉蒸龍蝦。 再來係Dry Aged 45日美國牛排，上檯前服務員會問一句要幾成熟。 生蠔 有即開法國及愛爾蘭生蠔，全部都係新鮮貨，比起預先開既半殼蠔衛生好多。 清蒸活海鮮 如果怕食生冷食物，清蒸海鮮又點睇？ 成個魚缸海鮮有齊三點蟹、海蝦、砂白、海蜆及蟶子，每隔一陣就會蒸好任拎，夠安心了吧！ 凍海鮮 當然，凍海鮮的陣容都不能小覷，有琵琶蝦、加非蟹、扇貝、青口、翡翠螺、海蝦及墨魚仔，種類比起香港好多酒店要豐富。 最重要係夠新鮮，解凍處理得好好。 醃海鮮 好少地方會提供醃海鮮，因為怕衛生問題，不過餐廳用熟海鮮，疑慮會少好多。 包括有醃青口、醃甜蝦、醃海螺、醃八爪魚及醃墨魚。 刺身 鵝肝是亮點，問過師傅，並非是煎鵝肝，而是蒸熟後，再放入以紅酒、香料及糖調製的醬汁中冷藏浸泡而成，難怪外表紅彤彤的，入口甜美，有種即化的感覺。 另一加分點是熟成章紅魚，肉質肥美軟熟。 加上金槍魚、希靈魚、醋鯖魚、八爪魚及三文魚，這個刺身陣容真的很豐富。 鐵板燒 品種勁多，有牛排、羊排、烤小黃魚、烤黃立倉、烤金鯧魚、麵筋、紅酒燴雞、英式炸魚薯條、咖哩牛肉、泰式豬頸肉、酸椰菜配芝士腸及桑巴醬炒海鮮。 個人推薦烤羊排同泰式豬頸肉，前者夠臊香，後者有嚼口。 當然仲有什錦壽司。 湯 燉湯是醇香的花膠燉雞湯，屋企好少花時間燉湯，所以有機會都會係外邊飲。 另外有好少見既清燉羊肉及豬肚雞，如果不怕成肚水，頻頻上洗手間，都應該試試。 熱葷 蒜香小龍蝦 近年都喜歡上，所以每次都拎一大碗慢慢嘆。 燒味有白切雞同滷鴨。 避風塘炒海鮮辣辣地好開胃，都好受大家歡迎。 而蔥爆羊肉同小酥肉就好香口惹味，反正好多酒類，佐酒最啱。 加上臘味炒時蔬同水煮鱔魚，都幾受客人青睞。 涼菜 有拍黃瓜及涼拌千張。 甜品 以迷你版為主，有薄荷草莓蛋糕、雪域芝士蛋糕、脆皮泡芙、檸檬酸奶、夏日青椰、樹莓白巧克力、草莓香草芝士蛋糕、焦糖香蕉巧克力蛋糕、水果奶油杯、檸檬撻抹茶巧克力、 椰子蛋糕。 也好，避免給客人弄至凌亂破落，影響食慾。 內地品牌雪糕杜佰瑞（T'oBeray） 芒果、綠茶、香草、朱古力、奶油、草莓、黑芝麻、紫薯以及Rum酒，想食幾多都得。 雪條有德華牌完美手包綠豆、手包紅豆及原味酸奶三種口味，口感及味道是兒時單純的回憶。 飲品 可以話係少見的眾多。 先係有即調的有含酒精以及不含酒精的雞尾酒。 另外有CAVA 白酒、紅酒及梅酒。 果汁有鮮榨西瓜汁、葡萄汁、鮮榨青瓜汁以及蘋果汁，大人小朋友都啱。 內地品牌VOSS 芙絲氣泡水，有青檸生薑味、青提葡萄味以及櫻花白桃味。 當然仲有不同口味的汽水。 水果 整個水果區超過十款水果，包括菠蘿、火龍果、西瓜、哈密瓜、熱情果、蜜瓜、青蘋果、青提、香蕉、人參果及柑桔，飯後果都照顧到，真細心。 畢竟是團年飯的日子，如果不想又是中菜的話，不妨考慮一下食自助餐。 酒店專頁 : 深圳華僑城洲際大酒店 酒店地址 : 深南大道6005号金茂深圳JW萬豪酒店2層 想知道更多深圳資訊 : 深圳美食玩樂團(更新版) 大灣區吃喝玩樂齊分享 小紅書 : 美食焚化爐 IG : foodiephilip 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip 生蠔 鵝肝 自助餐 龍蝦 團年飯 美食焚化爐 環迴深圳 深圳金茂JW萬豪酒店 (此文章由U Blog 同步發佈至社群)
閱讀更多
-
深圳
深圳君悅酒店
直播價錢超級抵食5星酒店自助午餐😋紅白酒任飲C P值超高
今次去深圳搵到好嘢食🤩 深圳君悅酒店 位於3 2樓的**樂廚(The Show Kitchen)** 直播價錢只係¥3XX 兩位 當日用餐🍽️遇上美女主播做緊直播 食物質素特別好 (因為我已經食過2次)有比較 兩次都係直播價錢買卷的 真係好抵食 首先君悅酒店🏨的**樂廚**位於3 2樓 風景很好👍🏼 近𥦬位置坐得好舒服 食物方面 魚生刺生同壽司🍣好新鮮 三文魚腩都無限量供應 而且好肥美 日式料理好美味😋芥辣墨魚 凍海鮮啲蝦好大隻 辣味撈汁海鮮都好好食🤤 尤其係貝殼類 但青口就好普通 燒烤🍖同天婦羅都同樣出色 估唔到炭燒豬肉串加上黑椒汁係咁好食 牛肉煮得好嫩(有圖有真相) 真係｢正｣嘅❤️ 燒羊𢱌 都好食😋 黑松露燉蛋 非常滑溜 鮑魚冬菇汁拌飯都可以 燒味都O K 四川風味食物都好多 我就最欣賞個水煮魚 魚肉夠滑又入味 唔會太辣同太鹹 燒德國豬手 好好彩☺️第一次攞嘅時候廚師俾咗份個皮好脆嘅我 好好味(手快有有慢無) 飲品方面也有咖啡☕️､檸檬茶､水蜜桃🍑茶 紅白酒啤酒🍻 雖然紅白酒係普通貨色 但可以有得選擇嘅 白酒可以選擇 法國🇫🇷､西班牙🇪🇸､智利 紅酒🍷就一般般啦😆 甜品🍨最欣賞無花果果凍 芝士蛋糕 雪糕有多種不同口味 生果有西瓜🍉､火龍果､楊桃､百香果⋯⋯等 算特別的是百香果 真係好少有得任食,同埋真係好食🤤(個人認為) 總結用餐體驗 食物:⭐️⭐️⭐️⭐️⭐️ 環境:⭐️⭐️⭐️⭐️⭐️ 衞生:⭐️⭐️⭐️⭐️⭐️ C P :⭐️⭐️⭐️⭐️⭐️ 因為人均消費 ¥1XX 的自助午餐 性價比超高 第一次價錢平過第二次 價錢一次比一次貴 但都好值得試嘅👍🏼 好彩直播當日嘅嘢食係高質嘅,吸引我再次買卷,食多一次 📍地址:深圳巿羅湖區寶安南路1881號3 2樓 北上度假計劃甜蜜聖誕滋味ucreatorfoodiehkfoodieucreatorhk深圳美食深圳打卡深圳攻略 我想食buffet簡單純粹
閱讀更多
-
擦餐勁
深圳香格里拉大酒店
《環迴深圳》 X 又食又有獎的聖誕節 @ 香咖啡 ( 深圳羅湖香格里拉 )
無論喜歡與否，自助餐係聖誕節中是不可或缺的一員，每逢大時大節，又不想考慮太多，自助餐就似一個避風港，大小兼容，老幼咸宜。 如果大家身處內地，又真係不妨考慮下深圳酒店的自助餐。 今次介紹鄰近火車站的香格里拉酒店內的香咖啡。 今個聖誕節推出的成人￥699 / 兒童￥399 （12歲以下）/家庭套票兩大一小￥1399，看似不便宜，但每位購票成人贈送抽獎券一張，100%中獎。 獎品包括： 香咖啡全年暢吃 深圳香格里拉總統套房入住一晚含雙人早餐 成都香格里拉豪華客房入住一晚含雙人早餐 三亞香格里拉豪華客房入住一晚含雙人早餐 而且已包含暢飲聖誕熱紅酒、香檳、氣泡酒及軟飲，仲會有聖誕老人、聖誕天使互動合影，記錄溫馨時刻。 大堂又有聖誕樹及靚靚打卡位。 再帶大家睇下食物種類。 海鮮 入口處的特大漁船，放滿了海鮮。 包括有鮑魚、大頭蝦、長腳蟹爪、帆立貝、咖啡蟹、青口、翡翠螺、海蝦及墨魚仔。 講真，種類真係好豐富，質素完全無問題，尤其鮑魚、大頭蝦及帆立貝必食。 燒烤區 因為係聖誕節，所以有原隻燒火雞。 另外有燒豬腿、斧頭扒、羊架及牛扒。 真心推介斧頭扒及羊架，烤得啱啱好，肉味濃。 串燒 有海蝦、牛肉、彩椒及雞翼，講真，火喉控制得真係啱啱好。 火鍋 火鍋可以話係深圳酒店特色，就連五星級酒店自助餐都係明火上檯。 湯底有麻辣、雞湯及冬陰功。 配料有肥牛、青口、墨魚仔、海蝦、響鈴、金菇、豆片、土豆片、什丸、生菜、白菜、娃娃菜、小棠菜、油麵、公仔麵、河粉、瀨粉。 可能近排有點冷，自己同朋友有一半時間食火鍋。 麵食 如果嫌火鍋太臊熱，可以來碗麵食，配上奶油南瓜湯、冬陰功或自製叻沙湯。 熱葷 避風塘炒蝦 辣辣地幾香口，不過好熱氣。 薑蔥龍蝦鉗 拆開啖啖肉，中式口味，啱我。 仲有紅燒豬手、參巴秋葵、意式牛肉丸、香草烤土豆、德式香腸、照燒雞腿排、揚州炒飯 、三絲炒麵、薩拉米香腸Pizza及Marguerite Pizza。 可以睇到比較多中式菜色，畢竟客人大部分是中國人。 點心 大堂盡頭位可找到中式點心，燒賣、牛仔骨、牛肉球以及鳳爪，都是中菜廳出品，不錯。 湯品 熱辣辣的燉湯有排骨湯及烏雞湯，又係好夠火喉，不知不覺都飲了好幾盅。 刺身及壽司拼盤 有三文魚、希靈魚、鯛魚、鯖魚、吞拿魚及八爪魚，質素是比起幾年前是有長足進步。 而壽司是雜錦壽司，個人建議留肚食其他菜。 芝士拼盤 喜歡的，不妨來兩片芝士。 甜品 少不了有充滿聖誕氛圍的樹頭蛋糕。 雪糕車是內地品牌翡冷翠雪糕，有抹茶、Tiramisu、草莓戀曲、法式香草、藍莓乳酪及比利時朱古力等六種口味。 甜品是香咖啡的強項。 尤其是整個甜品區的聖誕甜品款式勁多，琳琅滿目。 有聖誕焦糖摩卡巧克力蛋糕、聖誕藍莓香草蛋糕、聖誕巧克力樹根蛋糕、聖誕帽蛋糕、聖誕開心果草莓杏仁蛋糕、聖誕焦糖紅蘋果蛋糕、薄荷白蘭地巧克力蛋糕、榛子巧克力無麩質蛋糕、聖誕抹茶草莓蛋糕、聖誕香草柑橘慕斯、聖誕覆盆子青檸芝士蛋糕、巧克力樹莓蛋糕、樹莓杏仁奶油撻、聖誕榛子巧克力核桃松果蛋糕 、聖誕鹿角馬卡龍及聖誕栗子香草泡芙。 好幾款聖誕甜品都是迷你版，吃得毫無壓力，而且賣相都好有聖誕氣氛。 有提拉米蘇配意大利曲奇、姜味法式燉蛋、芒果樹莓布丁杯、巧克力慕斯杯配雜果醬及聖誕混合曲奇。 熱甜品 有聖誕節布丁配白蘭地香草醬，連埋之前所講的雪糕，前前後後近30款。 飲品 除了正常的雪碧可樂之外更有、鳳梨味汽水、青島啤酒、雀巢茶水、菊花茶同埋紅茶咖啡。 今個聖誕節想一家人食得開開心心，香咖啡都係一個不錯選擇。 味道 : 4 環境 : 4 服務 : 4 衛生 : 5 抵食 : 4 位置 : 5 酒店專頁 : Shangri-La Shenzhen Facebook專頁 : 深圳羅湖香格里拉酒店 酒店地址 : 廣東省深圳羅湖區建設路1002號2層 電話 : 15807553798 想知道更多深圳資訊 : 深圳美食玩樂團(更新版) 大灣區吃喝玩樂齊分享 小紅書 : 美食焚化爐 IG : foodiephilip 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip (此文章由U Blog 同步發佈至社群)
閱讀更多
UTravel熱門旅遊話題
↓立即登記參加！賺取無上限現金賞💰↓
附搶飛連結🔗不再錯過演出消息‼️
