夏天打卡唔曬黑5大技巧 | XX做錯等於無效防曬／防曬產品點揀先啱？

Q: 如何獲得韓國Dewytree夏日防曬套裝？

只要喺2024年7月25日或之前，到 《社群》 分享美妝好物／打卡靚相，即有機會免費試用 韓國DEWYTREE URBAN SHADE系列夏日防曬套裝乙份 ！快啲把握時間參加啦！

Q: 如何得知《社群》有咩最新送禮活動？

唔想錯過任何一個送禮活動就記得密關注 《社群》官方帳戶 ，《社群》每個月都會送出各式各樣嘅獎品，定時定候回饋各U Creator！

Q: 什麼是社群？

U Lifestyle App《社群》 是一個生活及美食交流專區，涵蓋超過40個人氣美食丶玩樂及生活熱話主題，集合高質內容分享，令用戶可深度關注旅遊丶打卡熱點丶甜品丶咖啡丶食譜丶美妝丶寵物等。

Q: 如何參與「社群創作有價企劃」?

閣下須下載 U Lifestyle App 並登記成為會員，填寫活動參加表格，通過審核的社群用戶即可參與活動。

文: a.Ki

2024.07.12

夏天陽光特別猛烈，呢啲日子出去打卡、外遊時如果無做好防曬，好容易被紫外線傷害皮膚。就算有搽防曬，搽錯都係會照樣曬黑。唔知您又有無揀啱防曬產品／用啱方法？即刻睇吓以下嘅搽防曬注意位，從此拒絕無效防曬！

►立即下載U Lifestyle App
——

「防曬系數不一定愈高愈好」
要揀選適合自己嘅防曬，首先要搞清SPF同PA嘅分別。SPF防曬系數阻隔紫外線UVB，數值介乎SPF15至50，數字愈高代表肌膚不被曬傷嘅時間延長。而PA則代表阻擋紫外線UVA嘅效能，分為PA+至PA++++ 4個等級，代表延緩曬黑時間2至16倍或以上。一般而言，SPF30已經可以阻隔約97%嘅紫外線，如果您當日並非長時間逗留室外，而係會喺室內、外周圍玩，SPF30、PA++嘅防曬產品其實已經好夠用。經常使用太高SPF值嘅防曬產品反而有機會導致毛孔閉塞、皮膚過敏等情況，會有反效果㗎！

點擊圖片放大

「進行水上活動可選SPF值較高嘅防曬」
如果準備去海灘打卡，或者進行水上活動，就可以考慮選擇SPF50或以上同PA++++嘅防曬產品。雖然防曬噴霧方便快乾，而且質地輕薄，但最好都係先噴喺手上再均勻地塗抹上皮膚，直接噴上身好容易因為搽得唔均勻而曬黑！

點擊圖片放大

「無論何時都要搽防曬」
好多人都誤以為留喺室內就可以偷懶唔搽防曬。但其實即使您身處室內，室內燈光或者係經窗戶透入嘅陽光一樣帶有紫外線。鍾意去有透光玻璃窗嘅靚靚cafe打卡嘅您就更加要搽足防曬啦！另外，紫外線肉眼不可見，而且能夠穿透雲層，所以無論您出外遊玩果日係咩天氣都要搽防曬呀！

點擊圖片放大

「正確搽防曬技巧」
先擠出一個毫子左右份量嘅防曬，然後分區域點上臉上，再順住同一方向塗勻防曬，等待3-5分鐘防曬成膜之後先再上底妝，防曬能夠形成有效保護層，底妝亦更貼服。切忌不停來回塗抹防曬，好容易導致唔均勻嘅情況同起屑！

點擊圖片放大

「防曬份量要搽足」
比起防曬系數嘅高度，要搽足份量同勤力補擦先係關鍵。好多人都習慣淨係出門前搽防曬，而忽略咗補搽嘅重要性。其實大家出外活動時容易流汗或經衣物摩擦，帶走身上嘅防曬液，所以最好大約2小時就補搽一次，如果進行水上活動就最好每1小時左右補搽一次。最好袋支防曬喺身就可以隨時搽啦！記得要搽埋後頸、手臂、膝蓋等容易忽略嘅位置~

點擊圖片放大