日本旅遊攻略
農曆新年要行大運是常識吧！想Feel吓濃厚嘅新年氣氛，不如Plan次2日1夜澳門新春遊，日頭睇吓舞獅表演，夜晚又有煙花和花車匯演等節目；入住榮獲《福布斯旅遊指南》五星殊榮嘅澳門上葡京，可以喺歐陸風情嘅「綠茵勝境花園」行個大運兼打卡，再去多間中菜廳品嘗賀年菜及應節糕點；逛埋年宵市集買賀年手信。另外，活動期間再去埋上葡京購物中心消費滿指定金額，更賞你餐飲及購物代金券和澳門上葡京豪華住宿，畀你一次過享受好玩滿分嘅農曆新年，迎接好運連連嘅龍年！
2大澳門行大運必去打卡賀年活動
今年嘅大年初一係2月10日，澳門有好多活動同大家賀新歲。初一、初二嘅「2024年龍騰舞躍賀新春社區巡演」，舞獅走入街頭角落向大家拜年；2月12日、16日及24日有煙花匯演；而花車巡演亦會於2月12日及17日喺街頭上演，同大家一齊行大運！
澳門街頭將上演大型舞獅表演、花車巡遊及煙花匯演。（圖片來源：澳門特別行政區政府旅遊局）
講到行大運，一定要去埋澳門上葡京綜合度假村入面嘅「綠茵勝境花園」，一大片綠意盎然嘅草坪，中央位置有巨型圓頂，日頭景致怡人，夜晚仲會亮起璀璨嘅燈飾，行大運之餘仲可以影出勁吸Like嘅靚相！
綠茵勝境花園由巴洛克風格樹籬迷宮、高雅秀麗嘅亭台，以及歐式石柱走廊等特色設計組成，歐陸式花園不但氣派高雅，在綠意盎然的草坪上，就如一道如詩畫般嘅怡人風景，任何一個角度都可以拍出最美相片。
新春+情人節 4大必食餐廳推介
行完大運，當然唔少得同屋企人食下賀年意頭菜。「茶樓」嘅新春盆菜《盆滿缽滿》選用南非鮑魚、海參、及特級生曬蠔豉等高級食材，貴氣十足；賀年菜《鴻運當頭》辣汁炒大肉蟹啖啖肉之餘，汁料入味香濃，亦意頭滿滿。
而「御花園」亦同樣有一系列賀年推薦菜，包括《金豬耀上葡京》黑松露菌香金豬仔、《大吉大利》發菜蓮藕大利湯和《團團圓圓》25年老陳皮紅豆沙湯圓等，全部用上矜貴食材，值得細味。
今年嘅大年初五同時亦係情人節，最適合與愛侶來賀歲兼慶祝一年一度最浪漫的節日，首推由意大利米芝蓮星級家族主理的餐廳「當奧豐素1890」，喺 Versace 設計的意式奢華裝潢下與另一半共進晚餐，倍添浪漫氣氛；食物方面主打傳統南意菜餚，以新鮮食材配合Wine Pairing，令每道菜式體驗加倍昇華，令你與愛侶有更完美嘅慶祝體驗。
你亦可以由上葡京乘搭澳娛綜合嘅免費穿梭巴士，去到澳門新葡京繼續新春美食之旅。連續十年榮獲《香港澳門米芝蓮指南》3星榮譽「8餐廳」，主打精緻點心及名貴新派廣東菜，為你同家人添喜慶同賀新禧，給舌尖好好享受匠心美饌！
「8餐廳」巧妙地將寓意「年年有餘」嘅金魚造型化身為藍天使蝦金魚餃，成為賀年必食點心之一。
拜年必備高級賀年糕點
澳門上葡京入面多間高級中菜廳於新春期間亦會推出多款特式賀年菜及糕點。首推設計融合舊日情懷與現代創意嘅「茶樓」，佢嘅龍騰獻瑞禮盒以20年陳皮普洱年糕及荔枝紅茶禮盒，無論外觀及味道都贏盡口碑；而宮廷園林主題的「御花園」，則以燕窩玫瑰棗茸年糕及海螺柴魚臘味蘿蔔糕迎新歲，既矜貴又別具心思，買返香港用作送給親朋好友嘅手信，好食又得體。
「茶樓」推出的20年陳皮普洱年糕及傳統臘味蘿蔔糕，均配上荔枝紅茶禮盒，選用上等的食材演繹傳統風味。
「御花園」今年亦推出了燕窩玫瑰棗茸年糕，鋪滿矜貴嘅養顏燕窩，口感香甜軟糯；海螺柴魚臘味蘿蔔糕則用料上乘，配搭充滿鮮味嘅海螺口感豐富。
享受《福布斯旅遊指南》五星住宿
想盡情Chill吓放輕鬆，澳門上葡京嘅官網有一系列唔同嘅住宿套票任你揀，就算全日留喺酒店入，都能好好享受一整天的時光！想出去感受市面嘅過年氣氛，亦可享用度假村嘅穿梭巴士服務，遊覽途經澳門旅遊塔等澳門地標景點！
澳門上葡京綜合度假村到處均充滿異國風情，每個位置均經過精心打造，令人目不暇給。
消費滿指定金額送餐飲及購物代金券及豪華住宿
既然去到澳門，順便買埋手信比親朋好友啦！澳門上葡京綜合度假村將於2月7日至13日期間，首次舉行『龍年「京」喜新春市集』，超過20個攤檔除咗各種賀年禮品及澳門手信，更有澳門設計師注入當地特色嘅文創產品，並有多款葡國特色商品展出，啱晒一家大細或同Fd一齊嚟Shopping，掃盡各款心頭好，把澳門嘅特色精品及美食帶回家！
UTravel熱門旅遊話題
＞登記即送，人人有賞！＜
立即探索🔍最新熱門活動📍好去處推介🌟
