日本旅遊攻略
Staycation成為近年來的新常態，不少酒店都會花盡渾身解數，務求令顧客留下深刻印象。近日，有網民（下稱︰女事主）在社交平台上分享Staycation經歷，儘管女事主下午3時到達，但最後竟然下午6時半才能成功登記入住，更連續3度弄錯房間，事件確實令女事主留下深刻印象，更自稱「地獄黑仔王」！
女事主在Facebook群組「香港 Staycation 酒店交流谷」分享到她與4名好友一起到酒店Staycation，她們分別預訂了3間房間，豈料登記入住且提供預訂資料時，酒店職員堅稱「無資料」，令女事主一行人只好被迫在前台「罰企一個鐘」。及後，職員終於安排到房間，誰知這才是女事主惡夢的開始！
女事主指酒店職員連續3度弄錯房間，滿心歡喜以為在前台「罰企一個鐘」終於有房間，但原來酒店職員弄錯房間，遂安排第二間房間，但「開門入房竟然有人」！只好安排另一房間，當時酒店職員表示「其中兩間房房係相連房型，一邊係大床房，入邊係兩張單人床」，但女事主發現「得一邊有床，另一邊係冇床，得一張枱同電視」。女事主只好無奈向酒店職員反映，但職員堅稱「冇可能」，更親自一探究竟，結果酒店職員開門發現真有其事，即時啞口無言，猶如「見到不可思議嘅嘢」。
最後女事主忍無可忍，向酒店職員表示「可唔可以真係俾我哋抖下，你睇過真係正確先比俾房我哋啦」幾經波折女事主前後花了3小時，終於成功「攞齊三間房嘅鎖匙」，令她不禁自嘲「地獄黑仔王」！女事主經歷一經分享，引起網民熱烈討論，網民紛紛同情女事主的遭遇，表示「好慘嘅經歷，但對唔住我笑咗，個check in職員嘅反應、同埋最後話：俾我哋抖下樓主好幽默」，「對不起我真係笑了出來，比着我我應該黑面黑到一個點，去到第三次我以為我自己係咪去咗平衡時空。第二次好似上去捉奸咁，好佩服你的脾氣」。更有網民形容「第一次，參觀納米房，第二次，上映捉奸情節，第三次，消失的床鋪之異道空間」！
資料來源︰Facebook@香港 Staycation 酒店交流谷
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
附搶飛連結🔗不再錯過演出消息‼️
