飛悉尼搭長途機，梗係想搭得又平又舒服。咁啱澳洲航空(QF)同馬來西亞航空(MH)都推出飛悉尼機票優惠，小記就為此作出一連串大比拼，睇下邊個最啱你心水！

一．鬥價錢
澳航個優惠係二人同行價，每人來回連稅$6,812，算係中價位；而馬航就可以一人成行，來回連稅只須$5,409，比前者平差不多$1,400，不得不講句「抵呀」！

二．鬥舒適
馬航無直航，要先飛往吉隆坡，再等3個多鐘頭轉機到悉尼，回程如是；但澳航就好貼心，不單有直航機，仲係空中巨無霸A380客機（去程 QF128／回程QF127）！有寬敞嘅座椅同空間，畀大家坐得安心，瞓得舒服！


三．鬥有效期
馬航提供嘅機票有效期為30日，方便短途旅遊或探親；澳航個有效期就由出發起計3個月，長達一季。值得留意嘅係，兩者都能免費使用Open jaw！舉例說，香港出發往墨爾本，回程由悉尼返香港，無論長途短途，都可以來個「雙城遊」！

頭先講過，馬航要轉機，但原來可以免費停吉隆坡一次！方法係用馬航官網個Multi-city功能，第一站香港出發去吉隆坡，停留幾日後第二站吉隆坡去悉尼，第三站悉尼返香港，價錢都係$5,744（已經計埋吉隆坡機場稅）！咁就可以順手去掃啲馬來西亞手信，送畀澳洲個親戚，皆大歡喜！旅客可以選擇出發或回程停留吉隆坡一次。


四．鬥出發日期
選搭馬航，出發日期為即日起至3月24日，4月6日至6月26日。澳航就相對彈性， 由4月1日至7月3日；8月4日至11月30日，可選暑假及國慶期間外遊，啱晒一家人遊埠啦！


相關景點：

U Tips 提提你︰

1. 馬航出發日期：即日至2013年6月26日（不適用於3月25至4月5日）
2. 澳航出發日期：4月1日至11月30日（不適用於7月4至8月3日）
3. 澳航飛悉尼A380客機只適用於星期四至星期日
4. 選搭澳航必須最少二人同行