港人最常去兩大地點就係台灣同埋日本，如果可以一次過去晒你話幾爽！呢件事絕對唔係無可能，去東京掃貨、賞櫻，再落台北夜市食宵夜，原來可以好平就做到！

各位要把握以下機會，搭長榮航空來回東京/大阪/福岡，可以免費停台北一次，一張機票滿足兩個願望，連兩晚日本酒店套票價只須$1,999，小編問過航空公司，兩個機場稅項加埋約$1,000，即係話套票連稅價只須大約$2999！

套票由即日起至3月30日即可訂購及出發，最抵價出發日期為即日至2013年2月4日、2月13日至3月26日，其他日子就要畀附加費。可以選擇玩左日本定台灣先都可以，只要有機位就得。筆者試過打電話去Book位，2月尾至3月都仲有少少位淨啊！

3月去日本真係啱啱好，一來日圓眨值，買野無咁貴，而東京2月1日至3月31日更有「Meet The New JAPAN in Tokyo」大減價活動，同直至今年2月28日的「關西超級大減價」一樣，數以千計店鋪將會齊齊減價兼送小禮物，大家可以開Turbo掃貨；另外，日本預計3月尾至4月頭係櫻花開花期，大家可以選擇去東京淺草、新宿御苑或者大阪萬博紀念公園，都有盛大賞花活動。

玩完東京，直落去台北，除左夜市繼續食之外，仲可以去埋台北松山園文化區「多啦A夢100年特展」，比早前香港嗰個仲要大幾倍，由3個展覽區擴展至7個！展覽去到4月7日咋！

套票包括:
- 長榮航空來回香港至東京/大阪/福岡機票，轉飛台北期間可免費入境一次
- 2晚東京/大阪/福岡酒店住宿，指定酒店包早餐

相關景點：

U Tips 提提你︰

1. 套票的機票逗留期最長為14日，即係14日內要返到香港，其實都夠玩，如果請一個星期假，3日台北加3-4日東京/大阪/福岡，夠你食玩買。

2. 套票只包括2晚日本酒店，台北酒店需另外預訂。粗略估計，如果唔需要住大酒店，酒店房價日本$700~$800、台灣$400~$500都有好多選擇（例如。假設兩個人住3晚台北加3晚日本，連稅價每人也只需約$4,000，玩成個星期啊！

3. 如果選擇出發日子為2月5日至2月12日、3月27至30日，須另加$1,200附加費。