日本旅遊攻略
2014.05.09
暑假又快到，正為了安排行程而煩惱? 去旅行，不外乎尋求新鮮感，發掘新樂趣。今次為你推介的，無論是親子、情侶、刺激、隱世、遊學、勁hea、平遊定豪歎，實有一兩個啱你的! 1. 哈利波特 進攻環球影城 2014年樂園界的盛事非哈利波特莫屬，繼美國奧蘭多環球影城開放全新「斜角巷」景區後，大阪環影城在今年7月15日亦會開放全新哈利波特世界，一眾粉絲可以走入霍格華茲城堡和活米村，挑戰兩大玩意「鷹馬的飛行」過山車及哈利波特禁忌之旅；而戲中的古怪食物和惡作劇玩具亦可以一一找到，奇幻十足! 日本環球影城 地址: 大阪府大阪市此花區櫻島2丁目1-33 電話: +081 (0) 6 6465 3000 門票: 成人港幣$530、小童$371 2. 芭堤雅 Cartoon Network水上樂園 以前去芭堤雅，來來去去都係酒吧、行街和水上活動，好似不太適合親子遊，不過等7月底全球首座卡通頻道的水上主題樂園在當地開業後，情況就大不同。樂園以亞馬遜森林作為主題，卡通頻道中的每套卡通，包括《飛天小女警》、《阿甘妙世界》等都會出現，樂園主打家庭樂，包括巨型水上堡壘，但亦不乏衝浪池、漂流河和木筏遊等刺激設施，啱不同需要人士! Cartoon Network Amazone 地址: 888 Moo 8, Najomtien, Sattahip, 20250, Thailand 電話: +66 (0) 38 237 799 門票: 成人港幣$381，小童$285 3. 美國玩命 全球最高跳樓機 嫌過山車、滑水梯都唔夠激? 紐約附近的新澤西Six Flags Great Adventure，今個暑假就會開放全球最高最激的跳樓機Zumanjaro Drop of Doom，跳樓機樓高126米，相當於約40幾層樓高，亦比海洋公園跳樓機高出成倍，但最激之處是跳樓機是「三管齊發」，3部平排一齊上升，到達頂端時三者卻是先後墜下，等你嚇餐飽，如此高度跌足全程都要30秒。咪以為咁就夠激，3部跳樓機旁還有一部時速高達206公里的過山車會跟你擦身而過，保證要你嚇破膽為止! Six Flags Great Adventure 地址: 1 Six Flags Blvd, Jackson, NJ 08527, United States 電話: +1 732 928 1821 門票: 成人港幣$521，小童$311 (網上購票最高可節省$195) 4. 挑戰畏高 加國冰川U型橋 機動遊戲、玩水都唔啱你? 不如文靜一點，一樣可以挑戰自己膽量。如果你去開加國探親，那就不可錯過亞伯達省最新觀景項目Glacier Skywalk，冰川280米高之處上架設透明U型橋，夠晒嚇鬼，如果你覺得克服畏高是小兒科，更加可以乘冰川巴士體驗流冰上行車感覺，靚景和刺激雙重享受。 Glacier Skywalk 地址: Columbia Icefield Glacier Discovery Centre, Jasper Park, Yellowhead Hwy & Icefields Pkwy AB, T0E 1E0, Canada 電話: +1 780 852 6288
UTravel熱門旅遊話題
↓🎡免費送海洋公園門票 ↓↓
＞一步登記，投入Sanrio 蔚藍海洋之旅！＜
＞一步登記，投入Sanrio 蔚藍海洋之旅！＜
【立即睇👀】最新演唱會時間表🎤搶飛情報🎫！↓
附搶飛連結🔗不再錯過演出消息‼️
附搶飛連結🔗不再錯過演出消息‼️
