日本旅遊攻略
十月全城哈囉喂… 喂! 好玩鬼節又點止得萬聖節? 全球仲有唔少鬼節，熱鬧兼鬼馬，歡迎「平生不作虧心事、百無禁忌好身子」的遊客同歡。仲淨係掛住玩Halloween咁鬼out? 真係鬼同你玩! 墨西哥 - 亡靈節 (Day of the Dead) 每年11月2日係墨西哥亡靈節，當地人相信死亡係新生命嘅開始，睇法相對其他國家獨特。所以，拜祭儀式之後，會隨即喺墓園大開Party，隨爵士、拉丁樂曲起舞，由中午12點狂歡到午夜，仲有視覺藝術展睇！出席人士當然着到古靈精怪，主辦單位仲搞左化妝大賽，選出打扮最似鬼嘅人！ 德國 - Krampus大遊行 每年12月前後於慕尼黑舉行，有點似聖誕節crossover萬聖節，傳說山怪Krampus係聖誕老人嘅助手，佢會係聖誕節其間，捉唔乖嘅小朋友鞭打。流傳至今，驚嚇味榮繞不散，數以百隻不同造型的山怪，手執鞭子現身鬧市，作勢鞭打途人。但放心，佢地都係志在嚇你多過打你，過程中亦有保安同行確保大家安全。不過山怪嘅造型相當認真，近距離接觸應該會打個冷震。 泰國 - 跳鬼節 係泰國東北部黎府的傳統風俗節日，通常每年6月舉行，連辦2日鬧鬼遊行。大人、小朋友會穿上傳統服飾、戴上面目猙獰的面具扮鬼，喺村內行一圈，相當熱鬧；又會進行祭祀地神和鬼神儀式，最後村民會將鬼面具聚集，放入湄南曼河的船中。
UTravel熱門旅遊話題
↓【請您睇戲🎞️】《哥斯拉-0.0》優先場！↓↓
>登記拎飛！入場仲有驚喜禮物🎁<
>登記拎飛！入場仲有驚喜禮物🎁<
🔔睇《U GO》輕鬆掌握最新食買玩情報！↓
立即探索🔍最新熱門活動📍好去處推介🌟
立即探索🔍最新熱門活動📍好去處推介🌟
