日本旅遊攻略
2022.03.14
$12店對於香港人並不陌生，但原來男神木村拓哉卻從未逛過日本100円店！最近他在節目《木村さ～～ん》中獻出自己的第一次，由當地DAISO店長親自帶路，片中木村由頭驚訝落尾，大呼：「唔係掛？！真係全部都100円？」、「真係咩都有喎！」，一齊嚟跟男神入手6款好物啦！
1. 流心蛋神器 100円
只要將烚好的雞蛋放進，固定好盒子，並放進雪櫃冷凍一小時，便可以製作出4隻流心蛋。這款神器在香港$12店都有得賣，片中木村毫無懸念地入手了兩個！
點擊圖片放大
2. 可重用廚房紙 100円
這款廚房紙吸水後扭乾後可再重用約3至4次，比一般廚房紙更耐用。木村對這款家用品很感興趣，一共購入3卷！
3. 矽膠保存袋 200円
矽膠保存袋用料比一般塑膠耐用，可以用來儲存食物，保持新鮮。保存袋的價錢根據容量劃分，容量最少的售價為200円。好奇心滿滿的木村遂向店員詢問為何100円店卻賣200円，店員則解釋店內確實有定價較高的商品。
4. 鋁質衣架 100円/2個
這款衣架設計輕巧方便，而且一組2兩個入，價錢相當實惠。經過木村一番考量，最終決定購入5個！
5. 多用途小砧板 100円
這款被封為「史上最慳位」的砧板設計輕巧，方便收納，而且其中一側設計較高，用來防止切好的食材滑走，更貼心地設有空隙位置，好讓可以隔開食材和水分。不過男神稍嫌砧板太細，不太適合家中食用，最後忍痛放棄。
6. 矽膠餐具組合 100円
同樣矽膠質地較輕便，而且可以當作叉和筷子兩用，多功能設計讓木村嘆為觀止。調皮的木村更是開玩笑地說：「拎米芝蓮三星靠佢架啦！」
UTravel熱門旅遊話題
【精華重溫🌟】社群年度熱搜帖文榜單出爐！🏆↓
↓主題追蹤人次突破二百萬!! 即刻重溫精彩時刻 ↓
↓主題追蹤人次突破二百萬!! 即刻重溫精彩時刻 ↓
🔔睇《U GO》輕鬆掌握最新食買玩情報！↓
立即探索🔍最新熱門活動📍好去處推介🌟
立即探索🔍最新熱門活動📍好去處推介🌟
