日本旅遊攻略
車厘子品種｜新年送禮自用買車厘子，大家都會首選澳洲塔斯曼尼亞車厘子（Tasmanian Cherries），當中以43度（43° South）、金袋鼠（Reid Fruits Gold Kangaroo）及紅鑽石（又稱紅寶石）（T.R Tasman Ruby）三個車厘子品牌最為港人熟悉。到底不同牌子和品種的塔斯曼尼亞車厘子甜度、顏色及當造時間上有何分別？現在塔斯曼尼亞車厘子踏入第幾造？點樣分辨塔斯曼尼亞車厘子真假貨？以下為大家一一講解，去超市或果欄買車厘子之前睇定先！
每年12月至翌年2月都是塔斯曼尼亞車厘子當造時期，產量高峰期為1月中至1月下旬，每年只有一造，非常珍貴。塔斯曼尼亞車厘子一盒售價約$500起，每到新年人人都會去果欄買1-2盒送禮自用，是每年賀年水果首選！
塔斯曼尼亞屬島嶼，很大程度上受溫帶海洋氣候影響，確保果實有較長且溫和的生長期，使果實可以緩慢生長及充滿風味，因此塔斯車厘子非常爽脆香甜。
塔斯曼尼亞車厘子常見品牌
要數香港人最熟悉的塔斯曼尼亞車厘子品牌，包括：「43度」43° South、金袋鼠（Reid Fruits Gold Kangaroo）及T.R紅鑽石，它們出產時間不一，品種亦有所不同。
43° South 塔斯曼尼亞車厘子（43度車厘子）
由HANSEN ORCHARDS出產，專門種植車厘子及蘋果。果園位於南部Huon Valley，因果園位於南緯43度而得名，車厘子圓大飽滿，皮脆肉嫩。
Reid Fruits 塔斯曼尼亞車厘子
Reid Fruits農場位於塔斯曼尼亞南部Derwent Valley，盒上印有袋鼠圖案而稱為「袋鼠牌」。
T.R紅鑽石/紅寶石車厘子（T.R Tasman Ruby）
出自Lucaston Park Orchards，農場位於塔斯曼尼亞南部Huon Valley。車厘子肉厚核細，口感爽脆，甜度適中。
塔斯曼尼亞車厘子品種及當造時期
塔斯曼尼亞種植的車厘子主要品種為Lapin、Simone、Sweetheart、Sylvia、Regina、Kordia及新品種Sweet Georgia，而且通常會包裝成2公斤或5公斤紙箱出售，大致可按果實大小分為四種等級：28-30mm、30-32mm、32-34mm及34-36mm。因為各品種的當造期不一，所以買之前記得睇塔斯曼尼亞車厘子紙盒上的資料。
一般港人最愛吃 Lapin 塔斯曼尼亞車厘子，爽脆肉厚，品質、口感、甜度最好。
▼點圖放大看塔斯曼尼亞車厘子品種▼
| 車厘子品種名稱 | 當造期 | 特性（外觀、口感、味道） |
| Stella | 12月下旬 | 鮮紅色心形，甜度適中帶微酸 |
| Sylvia | 12月下旬 | 體積小而軟身，味道較淡 |
| Lapin | 1月中 | 深紅色，心形且頗大粒。口感較硬，眾多品種中最甜 |
| Kordia | 1月下旬 | 深紅色、大粒、莖長 |
| Regina | 1月下旬 | 深色偏黑、較圓身，果肉水分多，偏甜 |
| Sweet Georgia | 1月中-1月下旬 | 深紅色，味帶果香、偏酸 |
| Sweetheart | 1月下旬-2月上旬 | 黑紫色，口感較硬，偏酸 |
分辨塔斯曼尼亞車厘子真假貨方法
由於坊間有太多冒牌塔斯曼尼亞車厘子，因此不設散買只有盒裝。當中「金袋鼠」更會每年更新防偽標籤，包括防偽貼紙以及每盒車厘子都有獨立的標籤，顧客可以掃瞄QR Code，而且只能每盒只能掃瞄一次，如果掃瞄失敗即代表或買到假貨！
如何揀靚車厘子？
1. 果椗
根據東京高級水果店千疋屋買手石部先生說法，想揀靚車厘子需要留意果椗。看其果椗可分辨其新鮮度，果椗呈青綠色即代表仍新鮮，如已變灰或啡，代表車厘子已擺放了一段時間。另外果椗愈粗車厘子更甜更好味，表示愈多養分運送到果肉！
2. 色澤
車厘子表皮有光澤，越「令」越靚，新鮮多汁！如表皮有啞面感即已擺放一段時間。
3. 顏色
深色代表果肉已熟，味較甜，深色車厘子一般較為成熟多汁，但近黑色則代表已接近腐爛；淺色車厘子口感爽脆，果肉結實。
車厘子保鮮期有多久？塔斯曼尼亞車厘子可以放幾耐？
車厘子保鮮期大概只有一星期，冷藏最多7日應要食用完畢，亦不要把車厘子放膠袋密閉冷藏，避免膠袋產生水氣，令車厘子受潮引致發霉變軟！
來源：Cherry Growers Australia Inc、The Cherry Hut、CherryHill Orchards
-
澳洲
澳洲koala cherries甜到爆！😋
又到左食車厘子既時候喇 最近試咗來自澳洲koala cherries車厘子🍒 因為個盒係金色樹熊 所以好多時稱為金樹熊車厘子 金樹熊車厘子品種係Lapins Lapins 品種係果實比較大 深紅色脹卜卜好似個心型咁 咬感較硬有咬落去有少少卜一聲既感覺 而且屬於最甜既 另外Size 係30-32mm 仲大過5蚊呀 Grade係premium 而且食車厘子有好多好處 抗氧化含有花青素 可以延緩衰老 含有天然褪黑激素 可以改善睡眠質素 有助調節血壓護心血管 有膳食纖維可以促進腸道消化 可以有助減肥 但當然都唔可以食太多 小食多滋味呀 其實仲可以整車厘子甜品呀 1kg 咁大盒仲可以同屋企人開心share! 澳洲車厘子Koalacherries車厘子hkfoodie親子bloggerLapinsUCreatorHK
閱讀更多
-
著數報料
百佳fusion (大埔超級城店)
超甜又爽口紐西蘭車厘子🍒
昨天係百佳買咗超甜又爽口又實的J & P Turner 1885 紐西蘭28 size 的車厘子🍒,價錢做緊優惠$298 有2KG 28 mm size 都好抵架,重點唔駛去果欄同人迫 ,有興趣去百佳超市八下｡ 優惠折扣折扣優惠著數新年快樂精緻茶聚甜甜蜜蜜過新年ucreatorhkmomentswithucreatorucreator打卡美食jackodailylife
閱讀更多
-
著數報料
九龍
澳洲車厘子🍒 冬日滋潤😋 送禮佳選🎁
💖澳洲Koala 車厘子🍒 Koala Cherries ✨ 原產地:澳洲🤩空運直送! 🥹到咗冬日乾燥嘅日子,好適合食車厘子補充水份同營養! 然而12月接連佳節,車厘子絕對係送贈家人和朋友嘅最佳禮物之選! 好鐘意💖澳洲Koala 車厘子🍒,紅色包裝盒印有金色Koala公仔同logo,車厘子果實飽滿大粒,粒粒爽脆多汁,果味相當突出濃郁! ⭐️Koala 車厘子堅持樹上熟,在樹上完全成熟後先採摘,咁樣就確保果實質素! ⭐️ Koala 車厘子於3 個地區經營果園,每個果園地點都有獨特的環境和氣候,所以在整個車厘子李節都可以種植最好的水果! ⭐️ Koala 車厘子不會採摘不合格的車厘子,贏得卓越質素嘅口碑｡ ⭐️Koala 車厘子採用最新的光學感測技術進行分類,能夠找出車厘子中最微小的缺陷,以保持品質! ⭐️ Koala 車厘子堅係只包裝最好品質嘅車厘子到 Koala 品牌中｡嚴重篩選!人工檢查!在旺季,包裝棚更僱用了 250多名員工,致力於維護和執行最嚴格的品質標準｡ ⭐️ Koala 車厘子包裝美觀又環保,會考慮對環境的影響｡ 亦意識到需要減少對塑膠的依賴,從 2022 年起,塑膠籃子的製作材料中至少含有 80%回收材料,利用太陽能永續能源減少對環境的影響,邁向更綠色的未來｡優惠折扣優惠限時優惠步步糕升chill賞遊世界
閱讀更多
UTravel熱門旅遊話題
↓立即登記參加！賺取無上限現金賞💰↓
立即探索🔍最新熱門活動📍好去處推介🌟
