日本旅遊攻略
2021.01.22
除了行山，疫情下仲有甚麼戶外活動可以做呢？今次同大家介紹大棠有機生態園，農場設有多種娛樂及活動設施，包括採摘士多啤梨、騎馬、餵羊體驗、遊樂場、DIY手工藝製作等等，最適合一家大細假日一齊去體驗。每年12月至3月係士多啤梨的當造期，大家要去就把握時間摘士多啤梨啦！
大棠有機生態園位於元朗大棠山道，入場費$130，大家可以於園內免費任摘即食士多啤梨，而摘完帶走的士多啤梨會以$100/一磅計算。士多啤梨現在是當造期，農場內的士多啤梨品種繁多，吸引很多人去採摘。提提大家，士多啤梨旺季時較多人採摘，出門前最好先致電查詢士多啤梨田採摘情況。
生態園裏除了可以摘士多啤梨，更有其他娛樂設施及活動包括滑草、繩網陣、騎馬、餵羊體驗、遊樂場、DIY手工藝製作等，大人、小朋友都啱玩。
現提供假日活動套票，$130/一位包括入場費及自選4格活動遊戲票，活動包括充氣彈彈床（2格）、大家庭單車（2格）、沙圈騎馬一圈（2格）、DIY手工藝製作（1-3格）、湖心亭餵飼錦鯉魚＋魚糧一包（1格）等。
由即日起仲有限時滑草活動，限3至12歲小朋友參與，可以$60租借頭盔及滑板。
點擊圖片放大
而農場有不同動物給大家參觀，包括馬、小羊、駝鳥、孔雀、黑天鵝、錦鯉等，想餵小動物可以1格遊戲票換取糧食餵飼，喜歡動物的小朋友必去！
農場簡介：
地址：香港元朗大棠山道11號
查詢電話：24702201/24733818
開放時間：9am-6pm
入場費：HK$130
交通資詢：乘搭西鐵到朗屏站，轉乘接駁巴士K66於大棠山道下車，沿小路步行約15分鐘即可到達有機生態園售票處。
資料及相片來源：FB@大棠有機生態園、官網
UTravel熱門旅遊話題
【出POST即賺💰】立即加入「社群創作有價企劃」↓
↓立即登記參加！賺取無上限現金賞💰↓
↓立即登記參加！賺取無上限現金賞💰↓
【立即睇👀】最新演唱會時間表🎤搶飛情報🎫！↓
附搶飛連結🔗不再錯過演出消息‼️
附搶飛連結🔗不再錯過演出消息‼️
