日本旅遊攻略
疫情關係，大家都不能出外旅遊，其實除了酒店staycation外，香港仲有好多離島可以讓大家輕鬆一日遊。今次就同大家介紹5個精選香港離島，包括蒲台島、坪洲、鹽田梓、橋咀洲及梅窩，不少離島都交通便利，大家可以約埋朋友或另一半假日一齊去離島遊啦！
1. 坪洲
坪洲位於大嶼山及港島之間，島上沒有太多旅遊景點，但勝在寧靜，是個遠離繁囂，放鬆心情的一個離島好去處。大家可從中環碼頭乘搭渡輪前往坪洲碼頭，平均30-50分鐘一班。到達碼頭後可沿路登上手指山，行山徑路程短，新手都輕鬆行到，登上山頂更可遠眺離島一望無際的海景。小島上有隱世小店、懷舊士多、咖啡店、餐廳，大家不妨一試。
2. 橋咀洲
橋咀洲位於西貢牛尾海，其特別之處在於連接橋咀和橋頭的連島沙洲。大家可於西貢新公眾碼頭乘搭街渡到達橋咀洲，到達後可於夏門灣起步，登上地質步道，起初有少量梯級，後面的路較平坦易行。大家可以於島上觀賞火山沉積岩和其他不同岩石，鄰近更有半月灣和橋咀沙灘，半月灣水質清澈。潮退時會出現一條連島沙洲，適合一家大細來個半日遊！
3. 梅窩
梅窩位於大嶼山的東部，是近年較為熱門的離島。大家可於中環碼頭乘搭渡輪到梅窩碼頭，又可以在東涌巴士總站乘坐3M巴士前往。到達後，建議大家先到銀礦灣沙灘影相，再去欣賞銀擴瀑布。島上有多間著名茶餐廳和咖啡店，最適合同朋友一齊去。大家若有時間，仲可以於島上租單車踩，沿路欣賞梅窩景色及日落！
4. 鹽田梓
鹽田梓位於西貢海的一個小島，小島上的村民設鹽田，以傳統的人工方式曬鹽。大家可於西貢碼頭乘坐小型渡輪前往。島上長滿紅樹林，有機會可看到招潮蟹和彈塗魚。大家另可參觀充滿天主教特色、有百年歷史的教堂聖若瑟小堂及本地鹽田，更可購買鹽田梓手信回去，還可到茶座品嚐村民親手造的涼茶和茶粿。
5. 蒲台島
蒲台島位於香港最南端，擁有許多天然美景，大半天就足夠遊覽整個島嶼。大家可於香港仔碼頭乘搭街渡（只限星期二、四、六、日及公眾假期服務）或於赤柱卜公碼頭乘搭街渡（只限星期六、日及公眾假期服務）前往。到達蒲台碼頭，沿著路牌上山，途中可見到僧人石、佛手岩及著名地標南角咀燈塔，於山頂更可飽覽整個海景。
資料及相片來源：香港旅遊發展局、漁護署、鹽田梓 Yim Tin Tsai、銀鑛灣渡假酒店
UTravel熱門旅遊話題
↓立即登記參加！賺取無上限現金賞💰↓
立即探索🔍最新熱門活動📍好去處推介🌟
