日本旅遊攻略
英國政府確認為持BNO港人平權，仔女都享有留英5年讀書權利。計劃即將移民英國生活的家長當然要睇定如何選擇學校，為仔女的將來鋪路。居英港人「Jasper & Jayden 英倫生活記」就以過來人經驗分享入讀心儀學校秘訣！
十個有九個移民的家長都係因為小朋友，今時今日移民的人，大多為人工不錯、高薪厚職，或是做下生意賺到錢，成家移民到英國。很多人都是到埗才搵工，或者直至到英國創業，由穩定的生活，變得充滿未知數。如非為了小朋友，都不用這麼麻煩。如果我沒有小朋友，大概現在還在香港努力工作中，雖然對香港好不滿，但要離開的決定一定沒有這麼大，有時移民就是靠那一點決心。
上網做功課睇定學校資料：
小學的Reception(學前班)、中學的Year 7 都是向Council 申請，等Council 派位。Council 的做法一般是學校首先收有兄弟姐妹在讀的學生，之後收有特殊需要的學生，最後就是計學校門口至住屋的直線距離。
所以，基本上只要住得夠近學校，就一定會入到，至於要多近才入到， 可以上192.com搜尋學校，就可看到過去5年的收生距離可以有多遠。
經驗分享：
英國的學位流動比香港大得多, 因為常常家長轉工，公司在另一個城巿，就要舉家搬屋，那就要轉校，所以學校不時有學生插班， 又不時有學生轉走，在英國平常不過。
入Facebook Group查詢其他家長：
在Facebook尋找這個城巿的Group向其他家長查詢，可以問XXX或YYY 或ZZZ哪一間較好，就會有好多家長回覆，真實用家意見比Ofsted Report 更值得參考。
事前實地考察：
英國的小學只要為Good 或Outstanding，都可以參觀一下，不一定係Outstanding 才好。有時學校的環境、設備、老師、同學好壞，對仔女影響更大。我當時Email學校申請參觀，只是提及會搬去英國住即可，第一次去英國參觀了十多間小學。參觀完不同學校，看自己的心水。如果參觀時已有時間表申請移民，可向學校查詢有無插班位， 基本上講小朋友的年齡，學校就知有無空位，如果有，記得Mark低之後搵屋要搵學校附近。留意，雖然今日有位，不代表你申請時仍有名額，但至少機會較大， 而且證明無Waiting List。
住近心儀學校：
英國有多個城巿，每一個城巿都一定最少有一兩間好學校的，先選自己喜歡的城巿，再研究這個城巿哪間學校比較好。未申請移民之前，我來了英國兩星期考察，去不同城巿親身感受，當你親身去過，住幾日你就會知自己將來想住哪一個地方，最好約地產睇樓， 租盤賣盤亦可，起碼知道行情，去住宅區觀察環境，看附近配套，如如公園、細超巿、藥房、外賣店、泊車位。
看準插班時間：
來到英國時或許要做插班生，小朋友如為小學插班生，就要留意何時要報中學， 因為Year 7的報名日子是Year 6時的10月31日前， 錯過這個日子，就要等Council 派完位後，看還有多少位可以派給後補小朋友了。所以如果是Year 6 的10月31日後插班， 時間上就比較麻煩了，可以的話， 請早一年半載到英國。
如果有心帶小朋友來英國讀書，想入到理想中學 (其實我覺得每間小學的質素都不會差太遠，反正還是基礎課程，返學玩多過讀、愉快學習， 反而上中學才是正式讀書)，最遲Year 5 就應該要在英國插班，這樣一升上Year 6就可以立即和其他Year 6小朋友一起報中學，確保入讀心儀中學。
當然越早到英國就越好，小朋友在英國讀書時間越長，根基及適應就更好，能與朋友一起長大是不同的。如果只是初小，可先選一間喜歡的小學，之後再研究中學，當心儀中學和現居地距離比較遠，最遲在Year 6 開學前搬家， Year 6 一開學就可以用新地址報心儀學校了。
如仔女到英國已是中學生，通常一個Town的中學相比小學會少好多間，因為小學規模較細，學生數目又小，而中學比較大、學生亦較多，所以一般為幾間小學的學生升去一間中學。可以的話, 每一間都發電郵去問有無學位，參觀完覺得可以就快快先租屋，再向Council申請學位。
UTravel熱門旅遊話題
↓立即登記參加！賺取無上限現金賞💰↓
附搶飛連結🔗不再錯過演出消息‼️
