日本旅遊攻略
又係時候一家大細出遊，南美洲就係近年大熱嘅旅遊點，踏上南美之旅，建議以智利為首站，充滿神秘感嘅復活島，以及市內嘅歷史文化建築，都令小朋友增廣見聞，大開眼界；而中部就係著名酒莊嘅集中地，好杯中物嘅朋友就可在地品嚐唔同特色風味嘅智利靚葡萄酒；去埋Mercado Central市場品嚐價廉物美靚海鮮，全家都大滿足呀！
1)復活島
以石頭人摩艾（Moai）舉世聞名嘅復活島點解咁神秘？因為無人知道，究竟喺一個無木頭、無繩嘅海島上，土著係點樣開鑿及搬運石像呢？整個島上，大大小小嘅人頭石像，數量達600多座，高約7至10米，重量由20噸到最重嘅200噸。嚟到智利，梗係要登上復活島，探索呢個「世紀之謎」啦！建議大家參加Local Tour，或者可以踩單車，甚至用自駕遊嘅方式遊覽；鍾意行山又自問夠腳骨力嘅朋友，，就可以徒步遠足、行山，仲可以騎馬上山呢！
2)聖克里斯托瓦爾山
喺智利首都嘅聖克里斯托瓦爾山（Cerro San Cristóbal），山頂高 860米，係聖地牙哥最高嘅山脈，由山腳乘搭纜車上山，沿途可以俯瞰聖地牙哥市區美景，更可一睹冰封嘅安第斯山頂，將近日落嘅時候就去聖地牙哥最大嘅市區公園：都會公園（Parque Metropolitano）遊覽，園內盡是寬闊嘅綠色空間，一家大細享受遊覽動物園嘅親子時光，小朋友更可盡情享用遊樂場設施玩個夠！
3)聖地牙哥大教堂
建於18世紀嘅聖地牙哥大教堂，座落於歷史悠久嘅閱兵廣場（Plaza de Armas）西面，裝潢奢華並糅合多種建築風格，十分宏偉；步入大教堂內，耀眼嘅鍍金拱頂、吊燈及宗教壁畫等都極吸睛，簡直係將宗教與藝術完美融合嘅傑作。難怪聖地牙哥大教堂被譽為西班牙殖民時期嘅建築象徵，更加係信仰及歷史回憶嘅重要標記。
4)帶你走訪著名酒莊 歎智利葡萄酒
到智利旅行當然不能錯過走訪大小酒莊嘅好機會啦！建議先去智利中部嘅葡萄酒產區，因為智利出口嘅葡萄酒90%來自中部，一家大細最好租車自駕遊，若要乘搭公共交通工具前往，可選擇Casablanca Valley、Maipo Valley、Aconcagua Valley及Colchagua Valley等酒莊，交通較便利。嚟到酒莊，一於把握機會在地品嚐美酒及學習葡萄酒知識，更能讓你深入了解智利葡萄酒特色呢！
5)Mercado Central中央市場
愛吃嘅你要注意啦～嚟到Mercado Central中央市場就可以揾到勁多好嘢食！呢個中央市場喺1872年開業，歷史悠久。除咗價廉物美嘅海鮮之外，仲有其他地道美食，當地人鍾意用檸檬汁伴鮮貝類及沙律一齊食！仲有烤魚、炸魚薯條等多款熱食，唔同喜好嘅朋友都滿足到！
旅遊著數貼士：
‧去旅行第一個動作就梗係訂機票啦！好多朋友都揀阿聯酋航空嘅航班，先飛杜拜玩幾日，再到南美洲繼續行程，一張機票玩晒中東及南美，勁抵！
‧依家下載阿聯酋航空嘅Skywards GO應用程式，除咗方便仲勁著數，好多優惠等你「解鎖」，只要用6,700點Skywards哩數，你就可解鎖2人同行、1人價格嘅優惠，並享有超過160個目的地嘅折扣，激筍呀！
智利葡萄酒小知識：
‧Cabernet Sauvignon雖然係智利國內最受歡迎嘅葡萄品種（年產量排名世界第二，種植面積只少於法國），但智利最獨特嘅葡萄品種其實係Carménère。Carménère係源自波爾多嘅品種，喺十九世紀中連同其他法國品種傳入智利，但於十九世紀末因葡萄種植疾病的關係，令Carménère從原產地波爾多嘅葡萄園消失，卻喺智利生存下來，現更成為智利嘅獨特品種。
Source : Emirates
UTravel熱門旅遊話題
＞免費贏走長隆酒店住宿套票🌟！＜
附搶飛連結🔗不再錯過演出消息‼️
