日本旅遊攻略
去大阪當然不可不去著名購物熱點心齋橋行啦！而除咗去行街買藥妝之外，其實仲可以去一橋之隔的道頓堀掃街！以下小編推介道頓堀街頭6大必食美食，bookmark定下次去邊行街邊醫肚啦！
1. 章魚燒
道頓堀街頭有多間章魚燒，要數最人氣的必定是這間店面掛著大大隻八爪魚的章魚燒店。
粒粒章魚燒都有超大的八爪魚在其中，口感彈牙！8粒章魚燒售價為¥750(約港幣$52)
2. 炭燒蟹
位於街頭的炭燒蟹攤檔甚為人氣，一盒兩件蟹件，售價為¥900(約港幣$62)，蟹件份量頗大，相當飽滿，而炭火慢燒的蟹肉鮮甜多汁，令人回味無窮！
3. 串燒
串燒店提供7款燒物可售，而其中的燒牛舌(¥1000 約港幣$70)和燒帶子(¥600約港幣$41)為店內主打，牛舌燒得啱啱好，肉質超juicy！
帶子粒粒都相當厚肉，而且味道鮮甜，一份兩件完全不夠喉！
4. 大阪燒
大阪燒外層酥脆，咬落口感鬆軟，香氣十足！一份大阪燒價錢為¥800(約港幣$55)，份量頗大，兩個人share一份就啱啱好。
5. 三色糰子
三色糰子賣相可愛，三款口味分別為黃豆粉、烤醬油和抹茶味，口感軟糯又不會太甜，最啱當做飯後甜品！
一串糰子¥150，而3串則是¥400(約港幣$27)。
6. 大阪王將餃子專門店
外皮煎得金黃脆口元祖餃子一盒6隻為最基本口味，售價為¥260(約港幣$18)，餃子可另可加啤酒或汽水升級為套餐，還有蛋黃醬加蔥煎餃和芝士奶酪煎餃可選。
煎餃外皮香脆，餡料飽滿，宵夜食一盒份量剛剛好！
UTravel熱門旅遊話題
↓【快閃送200張亞洲旅遊數據卡✈️】↓↓
＞ 簡單登記免費帶走無限數據卡✨＜
＞ 簡單登記免費帶走無限數據卡✨＜
🔔睇《U GO》輕鬆掌握最新食買玩情報！↓
立即探索🔍最新熱門活動📍好去處推介🌟
立即探索🔍最新熱門活動📍好去處推介🌟
