日本旅遊攻略
2018.11.19
USJ(大阪環球影城)聖誕慶典開幕啦！園內有多個精彩聖誕節日陪你歡慶聖誕，仲有不少大型聖誕裝置，充滿濃厚的聖誕氣氛！小編今次親身直擊，為大家推介園內7大必睇位！
必睇位1：天使的奇蹟Ⅲ＋聖誕樹
天使的奇蹟歌舞表演今年已是最終章，表演結合光影和出色的歌舞，畫面超夢幻！
而園內被稱為「世界第一光」的巨型聖誕樹亮燈和璀璨耀目的煙花更令整個表演生色不少。如果過去未曾觀賞過的旅人，今年記得把握最後機會啦！
上演日期：2018年11月9日至2019年1月6日
上演時間：參閱USJ官網
必睇位2：霍格華茲魔法之夜
哈利波特魔法世界向來是旅人們遊USJ必到的園區之一！今年園區內的「霍格華茲魔法之夜」城堡亮燈秀更是絕對不可錯過！
霍格華茲城堡會因應不同的咒語而展現不一樣的樣貌，漆黑之中的城堡更添神秘感！
必睇位3：哈利波特魔杖奇幻
哈利波特狂熱粉一定要試玩魔杖奇幻，以魔仗向巨型聖誕樹施以魔法導師提供的咒語，就可使聖誕樹亮燈和為其佈置上聖誕裝飾，非常有趣！
必睇位4：Minions晚間巡遊
環球奇觀晚間巡遊是USJ閉園前最後一個大型節目，幾乎所以人都會齊聚在大街上觀賞巡遊，相當有氣氛。Millions除了日間有聖誕巡遊之外，晚間巡遊一樣有它們的身影！如果日間不幸錯過了，記得晚間一定要捕獲它們可愛的身影呀！
載歌載舞的Minions超得意！
必睇位5：Jurassic Park晚間巡遊
巡遊期間有多隻恐龍走出巡遊車與遊客近距離互動，超逼真的外形近睇真的會不禁令人嚇一跳！
必睇位6：Harry Potter晚間巡遊
巡遊先有霍格華茲特快列車打頭陣，超像真的列車相信會為不少影迷帶來驚喜！
其後更有霍格華茲學生和食死人的打鬥場面，場面超刺激！
必睇位7：Transformers晚間巡遊
最後有變形金剛型格登場，超巨型的變形金剛出場時夠曬有氣勢，變形金剛迷絕對不能錯過呀！
UTravel熱門旅遊話題
【精華重溫🌟】社群年度熱搜帖文榜單出爐！🏆↓
↓主題追蹤人次突破二百萬!! 即刻重溫精彩時刻 ↓
↓主題追蹤人次突破二百萬!! 即刻重溫精彩時刻 ↓
🔔睇《U GO》輕鬆掌握最新食買玩情報！↓
立即探索🔍最新熱門活動📍好去處推介🌟
立即探索🔍最新熱門活動📍好去處推介🌟
