日本旅遊攻略
2018.07.26
日本鐵路經常與動漫角色搞fusion，推出不少期間限定的特別裝飾電車。8月15~10月8日，就到百變小櫻的期間限定電車登場！途經由姬路到大阪的山陽電氣鐵道列車將會有小櫻、基路仔等角色出現。除此之外，列車沿線的某站有印章提供，還有限定1日劵及紀念品等售賣及附送，又有得坐靚靚列車，又有咁多周邊商品，一定要去試搭！
.webp)
山陽電氣鐵道列車途經多個旅客熱點，包括姬路、神戶及梅田站。列車車身會貼上以粉紅色為主的設計，另外還有櫻花及主要角色登場，超可愛。車內當然也有百變小櫻的裝飾，除了有經典場景，還有經典對白印於車廂，回憶即刻返晒嚟！
和四國的麵包超人列車一樣，百變小櫻列車路線有5個站可吸印章，分別是山陽姬路、飾磨、垂水、板宿及西代站。最快集齊印章的12,000名人士，再到西代站由職員認證後，更可獲得百變小櫻列車的紀念品！另外完成收集印章的朋友還能參加抽獎，當中50名更會分別獲得車廂精美poster、印章及卡套。
唔好畀佢停！山陽電車更推出限量1日劵(每人每張1,200yen／HKD$84.6)，可以在小櫻列車運行期間任意一日任乘山陽電車全線，還能憑劵乘搭前往須磨浦山上遊園的纜車，抵玩！此外還有小櫻列車紀念入場劵售賣(750yen／HKD$53)。
*1日劵售賣車站：西代・板宿・東須磨・山陽垂水・山陽明石・東二見・高砂・大塩・飾磨・山陽姫路・山陽網干・ご案内センター（明石）
*紀念入場劵售賣車站：西代・板宿・東須磨・山陽垂水・山陽明石・東二見・高砂・大塩・飾磨・山陽姫路・山陽網干
此外還有限定商品售賣。去關西地區玩嘅小櫻迷，8~10月記得去搭百變小櫻電車啦！
UTravel熱門旅遊話題
【出POST即賺💰】立即加入「社群創作有價企劃」↓
↓立即登記參加！賺取無上限現金賞💰↓
↓立即登記參加！賺取無上限現金賞💰↓
【Chill Guide旅遊指南😎】日韓台泰越深圳2025行程攻略✈️↓
↓即睇最新行程懶人包、爆紅打卡點🔥、必吃美食😋等↓
↓即睇最新行程懶人包、爆紅打卡點🔥、必吃美食😋等↓
