香港機場手機 App更新 3大新功能　 AR 導航率先睇

2017.12.23

最近香港機場的手機應用程式「我的航班 HKG My Flight」有重大更新！當中包括已經率先登場的行李送達通知服務「MyTAG 行李通」和預約機場長期停車位功能，但令大家（尤其路癡一族）最期待的相信一定是加入 AR 技術的室內導航導功能，今個月內就會推出，而且全面支援中、英、日、韓 4 種語言。小記到機場實測過 3 項新功能，一齊睇吓好唔好用先！

【延伸閱讀】#旅遊熱話香港找換店兌換外幣「神沙」一站式賣埋交通卡+上網卡？

【延伸閱讀】#旅遊熱話記者實試恒生外幣提款機！隨時撳 12 款外幣

01｜AR 技術室內導航

香港機場兩座客運大樓合共佔地超過 70 萬平方米（即約 100 個標準足球場咁大），對於天生沒有方向感的路癡來說，就算有「水牌」和平面地圖，也一樣有可能找不到登機櫃檯、登機閘口等等。有見及此，機場 app 新增一個室內導航的功能，不但有兩座大樓各層的室內平面地圖，更採用 AR 技術，舉起電話就可以睇住實境找到方向，絕對是路癡恩物，今個月底只要更新機場 app 就可以用喇！

使用 AR 技術室內導航步驟：

小記覺得整體而言 AR 導航的準確度算不錯，很適合看不懂地圖的人，但留意返用 AR 功能會比較耗電㗎！

02｜行李通知服務

最近有乘客指香港機場領取行李的輪候時間愈來愈長，在機場等行李心掛掛真係好煎熬，與其站在行李輸送帶旁邊呆等，不如坐下來，等到行李來到時再通知你去拿行李？機管局已經推出了全球首創的行李通知服務，讓旅客可以即時知道行李的情況。旅客首先要在機場商店購買內含 RFID 晶片的「行李通」行李牌，再利用行李牌上的 QR code，在機場 app 上登記，即可接收李送達通知。雖然對於輸候時間未必有幫助，但起碼不用再呆站在輸送帶旁，金睛火眼望住輸送帶苦等了。