日本旅遊攻略
2017.11.11
平時叫外賣都係送到屋企或公司，等大家可以開心 share，而家外賣 app 戶戶送（Deliveroo）就可以將食物送到公園，甚至送到郊野公園！係咪真係得？今次記者實試睇吓得唔得先！
郊野公園叫外賣教學
外賣小提示：
入門版實試：佐敦谷公園
第一站梗係試咗香港野餐聖地先。單係佐敦谷公園一帶，就已經有法式、日式、港式食物。連甜品例如雪糕、朱古力都有得揀，正！
今次記者就外賣咗兩間甜品店、一間快餐店、一間台式飲品店四間試試。
記者評價如何？
甜品方面：
1.杯裝蛋糕最為完整，外表保持得最好。
2.雪糕方面更特別附送兩包乾冰，溫度上都夠冰凍，表層仲有少許冰粒。
熱食方面：
3.熱狗有少少散開，薯條方面都係凍咗少少。
飲品方面：
飲品方面尚可，但有少少打瀉，例如杯面上有少少奶茶漬。
中階版實試：鰂魚涌柏架山道
第二站試吓中午喺港島區叫外賣，其中港島區係戶戶送網絡最強嘅地區。
今次選擇喺行山入口位拎外賣，叫咗三間餐廳，分別為台式飲品、越南菜及點心店。
等咗幾耐？
外賣先後分咗三架車送到，由落單到取得食物，共用咗 1 小時左右。
記者評價如何？
熱食方面：
食物冇嚴重打瀉情況，至於食物溫度仲夠熱。另外點心等食物外表都保持得好好；咖哩喇沙湯底同麵分開擺放，湯底仲相當燙手。
飲品方面：
只有小量凍飲冰塊已溶解，大致表現都令人滿意。
進階版實試：獅子山郊野公園
我哋首先嘗試喺行山尾段，喺接近紅梅谷燒烤場山腳一帶，用apps叫外賣。當時所見，記者需要輸入兩至三次地址，先可以對應到合適座標位置，搵到餐廳，有少少阻滯。
今次分別外賣牛肉麵、鍋貼、珍珠奶茶。
等咗幾耐？
速遞員喺搵郊野公園停車場方面花咗少少時間，但送外賣大概用咗34分鐘，外賣時間總算理想。
記者評價如何？
UTravel熱門旅遊話題
【出POST即賺💰】立即加入「社群創作有價企劃」↓
↓立即登記參加！賺取無上限現金賞💰↓
↓立即登記參加！賺取無上限現金賞💰↓
🔔睇《U GO》輕鬆掌握最新食買玩情報！↓
立即探索🔍最新熱門活動📍好去處推介🌟
立即探索🔍最新熱門活動📍好去處推介🌟
