東京唯一吉祥物體驗貼錢扮公仔都有人肯制？ | U Travel

澳門快閃遊

大灣區快閃遊

正在閱讀
東京唯一吉祥物體驗貼錢扮公仔都有人肯制？

2017.09.21

睇日劇、漫畫，都有描述過主角窮到冇飯開，要去笠公仔頭，賺雞碎咁多嘅人工，好悽涼嘅情節。令人有「扮公仔，有幾難呀，唔怕熱就做到」嘅誤解，但其實喺日本想扮吉祥物，絕對唔係想像中咁簡單！日本東京都就有全日本唯一一間吉祥物學校 Choko Group，有 full course 比你上堂學做吉祥物，如果你得一日時間，亦可以參加其吉祥物體驗 tour，每月不定期次數（一至兩次，逢星期六或日），學校都會安排一班學生，去到多摩動物公園度，扮動物氹小朋友開心。只要你事前預約，畀 6,000 日圓（約 420 港元）上堂費，就可以參加全程大概 5 個鐘既體驗活動。

參加一日吉祥物體驗 tour，先要去新宿站搭京王線 monorail 前往「多摩動物公園」。一睇就知列車為小朋友而設，每個車廂都設有不同動物主題。

步出車站行幾分鐘就到多摩動物公園。

頭 2 小時為上堂，首先同其他學員猜包剪揼決定大家做咩動物，然後教你點着衫等等，然後就係派 notes，同你一齊 go through 一啲 role play 基本注意事項，例如注意公仔頭嘅眼嘅位置

注意：記得帶長袖衫、長袖褲，同替換衣服，仲有頭巾好重要，幫你笠住啲頭髮，唔會整污糟套公仔衫！

最緊要係，要比今日嘅動物一個你自創形象，決定動物嘅年齡、性別、性格等等，代入角色！

例如當日記者就決定扮一隻 5 歲嘅傻傻哋嘅兔仔，就要練點樣好似男仔咁行路，點樣可以比到跳跳紮嘅感覺人。物衫，出動~

準備充足，一到 4 點鐘好戲就上場！要緊記導師教你如何代入角色。

體驗全長大概為 20 分鐘，聽落好短時間，但實際上喺入面除咗熱，有限視線同埋重到爆炸嘅動物衫，都令人舉步為艱。

唔係所有小朋友見到吉祥物都表現開心，呢位妹妹一見到大隻公仔就爆喊，公仔們當然要識做，自動飄走唔好刺激佢。

仲要無時無刻醒目應對，喺唔同方向出現嘅小朋友，盡量唔好冷落佢地，真心唔易做！

出埋戶外先係真挑戰，因為當日氣溫高達攝氏 35 度！

所有學員一行 6 人都好認真咁氹小朋友開心，見到佢哋咁開心都真係好有滿足感。

最好揀返同你身高差唔多嘅動物，例如我就因為太高扮兔仔，嚇親細路，仲畀佢哋寸：「邊有咁高嘅兔仔架！」

一聽到導師叫「係時候食零食啦！」就知道體驗時間結束，可以慢慢行返去樂屋（休息室）。

完咗成個體驗，導師會請你食零食同飲嘢，一邊舉行「反省會」，大家交流下意見，非常認真。

Choko Group Mascot School

地址：東京都多摩市関戸2-40-13

電話：+81 (0) 4 2355 6336

體驗 tour 價錢：6,000 日圓

網址：www.choko-group.com

UTravel熱門旅遊話題

【精華重溫🌟】社群年度熱搜帖文榜單出爐！🏆↓
↓主題追蹤人次突破二百萬!! 即刻重溫精彩時刻 ↓

【Chill Guide旅遊指南😎】日韓台泰越深圳2025行程攻略✈️↓
↓即睇最新行程懶人包、爆紅打卡點🔥、必吃美食😋等↓