日本旅遊攻略
2017.09.08
大家都知道韓國人十分講究禮儀，由上以下，長輩絕對唔可以冒犯，飲酒亦有一套特定文化，當後輩或下屬的絕不能出錯。其實韓劇中經常都出現飲酒場面，但大家是否知道箇中每個步驟都有特別意思呢？一齊嚟逐步拆解。
＃長輩、上司同枱時最攰！
雙手斟酒＋「右尊左卑」
同長輩、上司飲酒嘅話，一般都要先為佢哋斟酒。記得燒酒要上下搖勻，之後先再開蓋！做錯一個步驟都會畀機會人哋鬧，記得醒醒定定。斟酒時，右手握酒樽，左手托酒樽底。韓國人有個傳統觀念，認為「右尊左卑」，用左手斟酒即係睇唔起對方，所以左撇子嘅朋友，要注意喇！
雙手接長輩、上司酒
長輩、上司自斟要作扶杯狀
長輩、上司飲得又快又心急，等唔切你斟咪自己嚟囉。
※酒杯內冇酒先要倒酒，仲有酒剩唔可以斟！
※有酒剩同時都代表唔可以再飲。
記得記得要作狀幫佢扶杯，即係幫佢接酒咁嘅意思。雖然唔可以「自斟」嘅原因、理由各說紛紜，但我可以肯定話你知，幫長輩、上司接酒就一定唔會畀人鬧囉。
舉杯勿過高
飲酒要打側身
小結：
同長輩、上司飲酒嘅唯一好處，就係多數唔使畀錢。喺韓國傳統觀念入面，做大嘅需要照顧細，所以一般情況下都係做大嘅找數。但做細嘅成晚都要睇上司眉頭眼額，真心攰！仲唔可以盡情飲，要保持清醒狀態，照顧長輩同上司。要唔要同長輩、上司飲酒，就自己決定喇！
＃同同輩飲酒切勿掉以輕心！
忙內斟酒？！
一般場合，最細嗰一位（即忙內）負責執頭執尾，見到邊一位嘅酒杯冇酒就要即刻斟酒。如果現場有朋友能夠準確地掌握燒酒、啤酒嘅分量，可以泡製一杯好飲소맥（소주燒酒맥주啤酒簡稱）嘅話，忙內，恭喜你，你唔需要斟酒喇！由專家出手。
可以簡化規矩！？
同輩之間冇乜計較，大家飲得開心就得。但怕唔小心得罪人，或怕其他人對你有壞印象（小編上次單手幫同齡朋友斟酒，同齡朋友話我冇禮貌，好無辜），跟足以上規矩就冇問題喇！
UTravel熱門旅遊話題
【精華重溫🌟】社群年度熱搜帖文榜單出爐！🏆↓
↓主題追蹤人次突破二百萬!! 即刻重溫精彩時刻 ↓
↓主題追蹤人次突破二百萬!! 即刻重溫精彩時刻 ↓
【立即睇👀】最新演唱會時間表🎤搶飛情報🎫！↓
附搶飛連結🔗不再錯過演出消息‼️
附搶飛連結🔗不再錯過演出消息‼️
