日本旅遊攻略
有時去到機場貴賓室門口，大家可能都會有種既遠又近的感覺：我身上嗰幾張信用卡，係咪可以俾我入去呢間機場貴賓室呢？好似得，又好似唔得？唔記得添！定係記錯另一間貴賓室先得呢？信用卡比較專家 MoneyHero.com.hk 為大家一次過解清疑問，同大家講解機場貴賓室的點點「入門」知識，兼介紹埋邊張卡加送「獨家」里數。（2017 年 8 月更新）
機場貴賓室分幾種，我們先要搞清楚環亞機場貴賓室、Priority Pass 貴賓室及航空公司 / 航空聯盟貴賓室有咩分別︰
01｜環亞機場貴賓室（Plaza Premium Lounge）
人氣指數 ★★★★★
舒適指數 ★★
美食指數 ★★★★
要數最受歡迎嘅機場貴賓室，環亞機場貴賓室必定上榜！貴賓室一般分為私人機構同航空公司營運兩大類，環亞就屬於前者。品牌喺機場一共有三個貴賓室，分別位於抵境大堂、禁區內嘅東大堂同埋西大堂。東大堂及西大堂兩個貴賓室面積差唔多，同樣達 15,000 平方呎，提供 300 個座位，但由於東大堂比較多人（幾乎次次都大排長龍），而且食物款式唔夠西大堂多，如果大家有時間，又或者登機閘口比較遠嘅話，推薦大家去西大堂嘅貴賓室！最近 Plaza Premium Lounge 仲新增設咗另一間貴賓室，位於東大堂隔離（國泰航空寰宇堂貴賓室旁），而現存的東大堂貴賓室即將於今年第四季重新裝修，官方表示年底會推出新產品，期待喎！
呢度最受歡迎一定係招牌港式魚蛋片頭湯河，無加任何味精，用咗 30 幾款材料煮成，加上自製 XO 醬，可以話係機場入面最好食嘅魚蛋粉，唔少人上機前都要特登過嚟食吓。
環亞機場貴賓室
西翼地點：香港國際機場 1 號客運大樓 7 樓（於 40 號閘口搭乘升降機上一層）
電話：+852 2261 2612
東翼地點：香港國際機場 1 號客運大樓 6 樓（近 1 號閘口）
電話：+852 2261 0888
營業時間：24 小時
【2017年9月更新】
環亞機場貴賓室 Plaza Premium Lounge 最近在機場一號客運大樓東大堂附近（前往 1 至 4 號閘方向）開了全新貴賓室。
憑登機證及信用卡（指定信用卡可免費內進），或 Priority Pass 機場貴賓室會籍，或付現金，即可享用貴賓室服務。
新貴賓室空間大且座位選擇多，一人或多人、辦工或休息都搵到靚位坐。而且即使是 2 人卡位，都有 USB 充電位，好方便。
只要向職員索取鎖匙即可使用淋浴間，另有育嬰室方便父母。食物方面港式西式都有，仲有最受歡迎的招牌港式魚蛋片頭湯河！
【部分可使用 Plaza Premium Lounge 的信用卡申請年薪及權限一覽】
美國運通國泰航空信用卡
年薪要求：HK$150,000
持卡人每年獲贈環亞機場貴賓候機室免費使用劵兩張，每次進入機場貴賓室均須於接待處出示入場券（不可單憑信用卡進入貴賓室），不接受影印本。會員憑入場券可免費到訪機場貴賓室一次或享用指定服務一次。
詳情： 美國運通
HSBC銀聯雙幣鑽石信用卡
年薪要求：HK$150,000
由即日起至 2017 年 12 月 31 日，持卡人可以免費享用環亞機場貴賓室服務 3 次（每日上限 1 次），附屬卡客戶及同行親友則需支付 350 港元。持卡人必須於指定網頁進行預約，預約日期必須為出發日前 1 天至 30 天內，名額上限每天 100 名持卡人，先到先得，額滿即止。
詳情：HSBC
Citi Rewards 信用卡
年薪要求：HK$150,000
出示信用卡及當日的登機證，可以 250 港元享用 2 小時享用貴賓室設施或 15 分鐘肩背按摩，或 Wellness Spa & Salon 洗髮及恤髮服務，或 15 分鐘肩背按摩。
詳情：Citibank
上海商業銀行銀聯雙幣鑽石信用卡
年薪要求：HK$250,000
由即日起至 2017 年 12 月 31 日，持卡人可以免費享用環亞機場貴賓室服務 3 次，每日最多享用服務 1 次，而附屬卡客戶及同行親友則需支付 350 港元。持卡人必須於指定網頁進行預約，預約日期必須為出發日前 1 天至 30 天內，名額上限每天 100 名持卡人，先到先得，額滿即止。每人每次可享用 3 小時的貴賓室服務。
詳情：上海商業銀行
美國運通國泰航空尊尚信用卡
年薪要求：HK$300,000
持卡人及附屬卡持有人可全年無限次使用環亞機場貴賓室，而基本卡會員只要於首 12 個月內提出申請，即可獲贈 Priority Pass 會籍，於會籍年度內免費享用 Priority Pass 機場貴賓室 4 次（不包括附屬卡持有人），享用全球近 850 間機場貴賓候機室。
詳情：美國運通
Citi PremierMiles 信用卡
年薪要求：HK$480,000
持卡人於每年度可免費享用環亞機場貴賓室服務 12 次，2016 年開始新增設附帶條件：持卡人享用服務後，需於 30 天內簽賬滿 5,000 港元，如簽賬額未達要求，則要收取每次 200 港元服務費。
詳情：Citibank
02｜Priority Pass 機場貴賓室會籍
Priority Pass 是收費的機場貴賓室會籍計劃，全球超過 850 個機場與 Priority Pass 合作的貴賓候機室（詳細地點）都可使用，而 Priority Pass 在香港機場是使用 Plaza Premium Lounge 的。Priority Pass 的標準會籍年費是 99 美元，而會員及同行賓客使用貴賓室，每人每次需付 27 美元。
【部分贈送 Priority Pass 會薪的信用卡申請年薪及權限一覽】
交通銀行 VISA 白金卡 / 銀聯雙幣鑽石卡
年薪要求：HK$150,000
全年簽賬滿指定金額，下一年亦可享 Priority Pass 全球機場貴賓室服務最多 8 次：
消費累計 HK$50,000-99,999 可享用 3 次
消費累計 HK$100,000-149,999可享用 5 次
消費累計超過 HK$150,000 可享用 8 次
詳情：交通銀行
Citi Prestige 信用卡
年薪要求：HK$600,000
持卡人可獲贈 Priority Pass 會籍，無限次免費享用環球機場貴賓室（只限主卡持卡人），同時亦可免費享用全球機場的 Citi 機場貴賓室。
詳情：Citibank
03｜航空公司 / 航空聯盟貴賓室
呢一類貴賓室，只限該航空公司/所屬航空聯盟的高級會員卡持有人或商務/頭等客位乘客使用。玉衡堂 （The Pier Business Class Lounge）、紫荊堂（Club Bauhinia）、銀刃貴賓室（SilverKris Lounge）、天合聯盟貴賓室 （SkyTeam Lounge）等就係屬於呢種貴賓室。
玉衡堂 (The Pier Business Class Lounge)：國泰尊享免費按摩
人氣指數 ★★★★
舒適指數 ★★★★★
美食指數 ★★★★★
香港機場約 15 間貴賓室入面，有 5 間都屬於國泰航空，當中兩間仲係頭等乘客專用，來頭絕對唔惹少！5 間之中又以玉衡堂最受歡迎，皆因 2016 年先重新裝修過，入面分為頭等同商務兩個空間；商務貴賓室面積逾 35,500 平方呎，可容納 550 位旅客，係現時國泰航空最大嘅機場貴賓室。除咗常見嘅淋浴間、工作區、美食吧台，仲有比較特別嘅茗茶坊，有茗茶專家駐場為客人泡茶。另外，頭等貴賓室亦設有免費足部或肩頸按摩服務，服務非同凡享。呢度嘅特製擔擔麵係王牌美食，平均每日供應過千碗，同環亞嘅魚蛋粉有得揮！
玉衡堂只限國泰、國泰港龍或「寰宇一家」旗下航空公司嘅頭等或商務艙乘客；或馬可孛羅會銀卡、金卡或鑽石卡會員、Cargo Clan Elite 會員、「寰宇一家」飛行常客藍寶石或綠寶石會員使用。
地點：香港國際機場 1 號客運大樓離港層近 65 號閘口
紫荊堂（Club Bauhinia）：全場獨家港式雞蛋仔任食
人氣指數 ★★★★
舒適指數 ★★★
美食指數 ★★★★★
香港航空嘅貴賓室紫荊堂，雖然面積唔算大，但就主打地道香港情懷，成為機場最有特色嘅貴賓室！貴賓室每季用唔同嘅主題裝飾，例如開幕嗰期嘅香港建築。場內主要劃分為四大區域，包括獨立私人會議室、娛樂休閒及商務區、設有寬闊座椅嘅休息區和淋浴間。最特別係現場有即製雞蛋仔，仲有即煮車仔麵、豆腐花、絲襪奶茶、盅頭飯等地道美食，成為香港機場唯一食到雞蛋仔嘅地方。
貴賓室只限香港航空商務艙乘客，以及金鵬會俱樂部白金卡、金卡、銀卡會員使用；另外持有建行香港航空 Fly Away 信用卡、ICBC 香港航空 Visa 白金卡亦可每年五次免費使用貴賓室。 經濟艙乘客想入紫荊堂，都可以買張香港航空貴賓室禮券，只需 350 港元就可享用 4 小時貴賓室，尚算抵買。
地點：香港國際機場 1 號客運大樓離港層近 23 號閘口
銀刃貴賓室（SilverKris Lounge）：尊享東南亞美食
人氣指數 ★★★
舒適指數 ★★★★★
美食指數 ★★★★
由新加坡航空營運嘅銀刃貴賓室早於 2014 年耗資一億新幣為全球機場各大貴賓室升級，香港嘅「銀刃貴賓室」屬第一批升級計劃內，成為全球第二個換上全新嘅新航貴賓室。裝修設計融合「家」嘅元素，例如場內嘅獨立座位區，以間隔劃分出私隱度高嘅舒適個人空間，就算係機場都有賓至如歸嘅感覺！
食物方面，貴賓室特意引入新加坡菜單，必試喇沙、米暹等星洲美食，再配上調酒師特製嘅 Singapore Sling，勁有東南亞氣氛！最重要係貴賓室位於新航常用嘅登機閘口附近，飲飽食醉先慢慢上機都唔遲。
銀刃貴賓室只限新加坡航空嘅頭等或商務艙乘客，以及星空聯盟航空公司成員（包括全日空、德國漢莎、新西蘭航空公司等）頭等或商務艙乘客使用。
地點：香港國際機場 1 號客運大樓離港層近 15 號閘口
天合聯盟貴賓室（SkyTeam Lounge）︰亞洲首間 Lounge
人氣指數 ★★★
舒適指數 ★★★★
美食指數 ★★★
2015 年開幕嘅香港天合聯盟貴賓室係亞洲首間、全球第四間專屬貴賓室，由中華航空、中國東方航空聯合打造，可容納逾 200 位乘客。場內設有 VIP 室、沙發區、商務辦公區、電視間，最大特色係設有全機場唯一嘅獨立瑜珈室，內附有瑜珈影片及礦泉水，比長途乘客喺私人空間下鬆展筋骨。另外貴賓室由環亞代理，所以美食都離唔開粉麵類，最受歡迎有招牌即煮牛肉麵、魚蛋粉等，質素有保證。
貴賓室只限 SkyTeam 成員航空公司（包括 KLM、法航、達美、華航、大韓航空、中國東方等）頭等或商務艙乘客使用。
地址：香港國際機場 1 號客運大樓離港層近 15 號閘口
| 環亞機場貴賓室（西大堂） | 玉衡堂(商務貴賓室) | 紫荊堂 | 銀刃貴賓室 | 天合聯盟貴賓室 | |
| 位置 | 40號閘口附近 | 65號閘口附近 | 23號閘口附近 | 15號閘口附近 | 15號閘口附近 |
| 時間 | 24小時 | 0530-2430 | 0600-0130 | 0615-2330 | 0530-0100 |
| 面積 | 15,000平方呎 | 35,500平方呎 | 5,446平方呎 | 未有公布 | 1,080平方呎 |
| 設備 | 商務中心、無線上網、互聯網工作區、淋浴間、私人休息間、美食自助餐 | 設有iMac及打印機之私人工作間、淋浴間、私人休息間、美食自助餐及酒吧 | 會議室、無線上網、iMac工作區、淋浴間、美食自助餐及酒吧 | 美食自助餐、酒吧、無線網路、淋浴間、電視 | 工作站、電子設備充電點、無線上網淋浴設施、美食自助餐及酒吧 |
| 招牌美食 | 港式魚蛋片頭湯河 | 擔擔麵及雲吞麵 | 雞蛋仔 | 喇沙 | 牛肉麵 |
| 收費 | 特定航空公司商務或頭等艙乘客及特定信用卡持有人；淋浴$200、2小時貴賓室服務$580 | 只限會員 | 會員及特定信用卡持有人；4小時貴賓室服務$350 | 只限會員 | 只限會員 |
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
↓即睇最新行程懶人包、爆紅打卡點🔥、必吃美食😋等↓
